ابو اسماعیل ابرہیم بن ابی حَیَّہ یَسَع مکی تمیمی

حافظ یحیی بن معین l ابراہیم بن یَسَع کے بارے میں فرماتے ہیں: ’’شيخ ثقة‘‘[81].

امام علی بن مدینی l نے ابراہیم بن یَسَع کو ’’ليس بشيء‘‘[82]  کہا ہے۔

امام بخاری l نے ’’التاريخ الكبير‘‘[83]، ’’التاريخ الصغير‘‘[84] اور ’’الضعفاء الصغير‘‘[85] میں اسے ’’منكر الحديث‘‘ کہا ہے۔

حافظ عقیلی l نے ’’الضعفاء الكبير‘‘[86] میں امام بخاریl کے قول پر اعتماد کیا ہے۔

امام مسلم l نے ’’الكنى‘‘[87] میں ’’ضعيف الحديث‘‘ کہا ہے۔

حافظ ابو حاتم l نے ابراہیم بن یسع کو ’’منكر الحديث‘‘ کہا ہے[88]۔

حافظ ابو بکر بزار l اپنی ’’مسند‘‘[89] میں ایک روایت کے تحت ابراہیم کے بارے میں لکھتے ہیں: ’’وهو رجل ليس بالقوي في الحديث‘‘. اور یہ شخص حدیث میں قوی نہیں ہے۔

امام نسائی l نے اسے ’’ضعيف‘‘ کہا ہے[90]۔

حافظ ابن حبان l ’’المجروحين‘‘[91] میں فرماتے ہیں’’يروي عن جعفر بن محمد وهشام بن عروة مناكير وأوابد، يسبق إلى القلب أنه المتعمد لها‘‘. یہ جعفر بن محمد اور ہشام بن عروہ کے انتساب سے مناکیر اور عجائبات نقل کرتا ہے، دل میں یہ بات آتی ہے کہ وہ ان روایات کو جان بوجھ کر لاتا ہے۔

حافظ ابن عدی l ’’الكامل‘‘[92]  میں فرماتے ہیں: ’’وضعف إبراهيم بن أبي حَيَّة بين على أحاديثه ورواياته‘‘. ابراہیم بن ابی حَیَّہ کا ضعف اس کی احادیث اور اس کی روایات میں واضح ہے۔

حافظ ابو احمد حاکم l نے ’’الأسامي‘‘[93] میں ابراہیم بن ابی حَیَّہ کو ’’منكر الحديث‘‘ کہا ہے۔

امام دار قطنی l فرماتے ہیں: ’’أبو السُكَين ضعيف، وإبراهيم ويحيى البصري متروكان‘‘[94]. ابو سکین ضعیف ہے، اور ابراہیم اور یحیی بصری دونوں متروک ہیں۔

امام ابو عبد اللہ حاکم نیشاپوری l ’’المدخل إلى الصحيح‘‘[95] میں ابراہیم کے ترجمہ میں فرماتے ہیں: ’’يروي عن جعفر بن محمد وهشام بن عروة المناكير‘‘. یہ جعفر اور ہشام بن عروہ کے انتساب سے مناکیر نقل کرتا ہے۔

امام ابو عبد اللہ حاکم نیشاپوری l ’’المدخل إلى كتاب الإكليل‘‘[96] میں فرماتے ہیں: ’’قوم عمدوا إلى أحاديث مشهورة عن رسول الله صلى الله عليه وسلم بأسانيد معروفة، ووضعوا إليها غير تلك الأسانيد، فكركبوها [ كذا في الأصل] عليها ليستغرب بتلك الأسانيد، منهم: إبراهيم بن اليسع، وهو ابن أخي حَيَّة، يحدث عن جعفر بن محمد الصادق، وهشام بن عروة، فيركب حديث هذا على حديث ذلك، وكذلك حماد بن عمرو النصيبي، وبهلول بن عبيد، وأصرم بن حوشب وغيرهم‘‘. ایک جماعت ایسی ہے جو رسول اللہ ﷺ سے معروف اسانید سے منقول مشہور احادیث کا قصد کر کے ان کےلئے ان کے علاوہ اسانید گھڑ کر ان احادیث کے ساتھ اسے جوڑ دیتی ہے، تاکہ ان اسانید کی وجہ سے غریب سمجھا جائے، ان میں یہ افراد ہیں: ابراہیم بن یسع، اور یہ ابن اخی حَیَّہ ہے (اصل میں اسی طرح ہے)، یہ جعفر بن محمد صادق اور ہشام بن عروہ کے انتساب سے حدیث روایت کرتا ہے، چنانچہ اس (یعنی اسناد) کی حدیث کو اس (یعنی اسناد) کے ساتھ جوڑ دیتا ہے، اور حماد بن عمرو نصیبی، بہلول بن عبید، اصرم بن حوشب وغیرہ اسی طرح ہیں۔

حافظ ابو نعیمl ’’المسند المستخرج‘‘[97] میں فرماتے ہیں: ’’عرف في روايته عن هشام بن عروة، وجعفر بن محمد المناكير‘‘. یہ ہشام بن عروہ اور جعفر بن محمد کے انتساب سے مناکیر نقل کرنے میں معروف ہے۔

حافظ ابن قیسرانیl ’’تذكرة الحفاظ‘‘[98] میں ایک روایت کے تحت فرماتے ہیں:  ’’وإبراهيم له نسخة عن هشام لا أصل لها‘‘. اور ابراہیم کا ہشام کے طریق سے ایک نسخہ ہے جس کی کوئی اصل نہیں ہے۔

حافظ ابن قیسرانیl نے ’’تذكرة الحفاظ‘‘[99] میں ایک روایت کے تحت ابراہیم کو ’’ليس بشيء‘‘ کہا ہے۔

نیز حافظ ابن قیسرانیl نے ’’ذخيرة الحفاظ‘‘[100] میں ایک روایت کے تحت ابراہیم کو ’’ كذاب‘‘ کہا ہے۔

حافظ ذہبی l نے ’’ديوان الضعفاء‘‘[101] میں اسے ’’واه‘‘کہا ہے۔

حافظ ہیثمی l نے ’’مجمع الزوائد‘‘[102] میں ایک حدیث کے تحت ابراہیم کو ’’متروك‘‘ کہا ہے۔

حافظ ابن حجر عسقلانی l نے ’’تلخيص الحبير‘‘[103] میں ایک روایت کے تحت  ابراہیم کو ’’ضعيف جدا‘‘ کہا ہے۔

علامہ ابن عراق l نے ’’تنزيه الشريعة‘‘[104] میں ابراہیم بن یَسَع کو وضاعین ومتہمین کی فہرست میں شمار کرکے حافظ ابن حبان l کا کلام ذکر کیا ہے۔