حکایت : ”حضرت محمد بن علی بن ابی طالب r کی والدہ خولہ حنفیہ جنّیہ تھیں “، یہ بالکل غلط ہے۔

”۔۔۔ خصوص جس شخص کے کان میں ایسے قصے پڑے ہوں کہ حضرت، بلقیس کے باپ آدمی اور ماں جنّیہ تھیں، یا جیسا جہلاء نے مشہور کیا ہے کہ حضرت محمد بن علی کی والدہ ”خولہ حنفیہ“ جنّیہ تھیں، تو ایسے قصے سن کر کچھ عجب نہیں کہ کوئی شخص ایسے موقع پر ایسے نکاح  [یعنی جن و انس کا نکاح] کو جائز ہی سمجھ جائے، اس لئے اس پر تنبیہ کر دی گئی  .... اور دوسرا قصہ تو بالکل ہی غلط ہے، وہ [یعنی حضرت محمدد بن علی کی والدہ خولہ حنفیہ]  تو قبیلۂ بنی حنفیہ سے ہیں، جو یمامہ میں سکونت رکھتا تھا، میں نے اپنے  استاد  علیہ الرحمۃ [یعنی حضرت مولانا محمد یعقوب صاحب نانوتوی l] سے سنا کہ فرماتے تھے کہ یہ خاندان کرم اور شجاعت میں ممتاز ہونے کے سبب، موافق محاورۂ عرب کے،بنو جنّیہ کہلاتا ہو گا، عوام نے اس کا حقیقی ترجمہ کر کے ان کی طرف  منسوب  کر دیا،  احقر  کہتا  ہے  کہ  جس  طرح  ایک  شاعر  نے  کسی  قبیلے  کی  مدح  کی  ہے:

؎       بنو جنیة ولدت سیوفا

(ایک جنّیہ عورت کی اولاد ہیں،جنہوں نے تلواریں جنی ہیں) ۔۔۔“[1]۔