سکندر رومی کا قصہ،جس میں یہ ہے کہ وہ آبِ حیات کی تلاش میں گیا، غلط ہے۔

فرمایا : حضرت نظامی l نے سکندر رومی کا قصہ لکھا ہے، اس میں یہ بھی لکھا ہے  کہ  وہ آبِ حیات  کو  گیا،  اور  یہ  بھی  لکھا  ہے:  ؎

مرا خضر تعلیم گر بَوَد دوش                    

بہ رازے کہ باشد پذیراۓ  گوش

یعنی یہ قصہ مجھ کو خضر e نے تعلیم فرمایا، حالانکہ یہ قصہ غلط ہے، کیونکہ جو سکندر آبِ حیات کو گئے تھے وہ سکندر رومی نہ تھے، بلکہ سکندر ذوالقرنین تھے، سکندر رومی کے تو اسلام میں بھی شبہ ہے، اور سکندر ذوالقرنین کے پیغمبر ہونے میں شبہ ہے، تو حقیقت یہ ہے کہ اس قسم کے مکاشفات کے وقت پورے طور پر افاقہ نہیں ہوتا، بلکہ ایک قسم کی غیبت ہوتی ہے، اس وجہ سے سمجھنے  میں  بہت  غلطی  ہو  جاتی  ہے  [1]۔