ماہِ رمضان کے آخر ی خطبہ میں {الوداع الوداع یا شهر رمضان }، پڑھنا بالکل بے اصل ہے۔

”۔۔۔ بہر حال خواہ کسی قسم کی خوشی ہو سب محمود ومطلوب ہے، باقی رنج کے مطلوب ہونے کی تو کوئی دلیل نہیں ہے، بہر حال رنج  نہ واقع ہے اور نہ اس کی کوئی اصل ہے، پس تاسف اور رنج کرنا اور خطبہ میں {الوداع الوداع یا شهر رمضان} [اے  ماہ  رمضان! الوداع، الوداع]  پڑھنا  بالکل  بے  اصل  ہے ۔

ہاں! رمضان المبارک کے آنے سے پہلے کا تو ایک خطبہ خاصہ منقول ہے، چنانچہ حدیث میں آیا ہے کہ شعبان کے جمعہ اخیرہ میں حضور ﷺ نے خطبہ پڑھا، جس میں فرمایا: {یأیها الناس! قد أظلکم شهر عظیم إلخ}. (اے لوگو! تم پر ایک عظیم المرتبت مہینہ سایہ فگن ہو نے والا ہے ) پس رمضان کے آنے کی خوشی تو ظاہر فرمائی ہے، مگر جانے کا غم ظاہر کرنا اور خطبہ  وداعی  پڑھنا  کہیں  منقول  نہیں ۔۔۔“[1]۔