روایت: ’’رسول اللہ ﷺ نے ارشاد فرمایا: ’’من صلى صلاة لم يدع فيها للمؤمنين والمؤمنات فصلاته خداج‘‘. جس نے نماز پڑھی اور اس میں مؤمن مردوں اور مؤمن عورتوں کےلئے دعا نہ کی تو اس کی نماز نامکمل ہے‘‘۔
حکم: حافظ ابن حبان رحمہ اللہ اور حافظ ابن قیسرانی رحمہ اللہ نے اس روایت کے ’’ضعفِ شدید‘‘کی جانب اشارہ کیا ہے، اور حافظ سیوطی رحمہ اللہ نے اسے صاف ’’من گھڑت‘‘ قرار دیا ہے، بہر صورت اسے رسول اللہ ﷺ کے انتساب سے بیان کرنا درست نہیں ہے، واللہ اعلم۔
تحقیق کی تفصیل
حافظ ابن حبان رحمہ اللہ ’’المجروحين‘‘[1] میں نوح بن ذکوان کے بارے میں فرماتے ہیں: ’’منكر الحديث جدا، ولست أدري أتفرد بها، أو شارك أخاه فيها، وعلى الوجهين جميعا يجب التنكب عن حديثهما، لما فيه من المناكير ومخالفة الأثبات‘‘. منکر الحدیث جداً ہے، اور میں نہیں جانتا ان روایات میں یہ متفرد ہے، یا اس کا بھائی بھی ان میں شریک ہے، دونوں صورتوں میں ان دونوں کی حدیث سے اجتناب ضروری ہے، بوجہ ان میں مناکیر اور ثبت راویوں کی مخالفت کے۔
اس کے بعد حافظ ابن حبان رحمہ اللہ فرماتے ہیں:
’’وبإسناده قال: قال النبي عليه الصلاة والسلام: من صلى صلاة لم يدع فيها للمؤمنين والمؤمنات فصلاته خداج، أخبرناه الحسن بن سفيان أيضا، قال: حدثنا عبيد بن هشام، قال: حدثنا سويد بن عبد العزيز، عن نوح بن ذكوان، عن الحسن‘‘.
نبی علیہ الصلاۃ والسلام نے فرمایا: جس نے نماز پڑھی اور اس میں مؤمن مردوں اور مؤمن عورتوں کےلئے دعا نہ کی تو اس کی نماز نامکمل ہے۔
یہی روایت حافظ سیوطی رحمہ اللہ نے’’الزیادات‘‘[2] میں حافظ ابوالشیخ اصبہانی رحمہ اللہ کے حوالہ سے ذکر کی ہے، دونوں سندیں سند میں موجود راوی سوید بن عبد العزیز پر مشترک ہوجاتی ہیں۔
روایت پر ائمہ کا کلام
حافظ ابن قیسرانی رحمہ اللہ ’’تذكرة الحفاظ‘‘[3] میں زیر بحث روایت ذکر کرکے فرماتے ہیں:
’’رواه نوح بن ذكوان، عن الحسن، عن أنس، ونوح هذا منكر الحديث‘‘. اسے نوح بن ذکوان نے حسن، عن انس رضی اللہ عنہ کے طریق سے روایت کیا ہے، اور یہ نوح منکر الحدیث ہے۔
حافظ سیوطی رحمہ اللہ ’’الزیادات‘‘[4] میں زیر بحث روایت کو ’’من گھڑت روایات‘‘ میں شمار کرکے فرماتے ہیں: ’’نوح ليس بشيء، وسويد متروك‘‘. (سند میں موجود راوی) نوح لیس بشیء ہے، اور سوید متروک ہے۔
علامہ ابن عراق رحمہ اللہ ’’تنزيه الشريعة‘‘[5] میں حافظ سیوطی رحمہ اللہ کا قول ذکر کرنے کے بعد فرماتے ہیں:
’’(قلت) سويد بن عبد العزيز وإن ضعف، فقد أخرج له الترمذي، وابن ماجه، وقال ابن حبان: أستخير الله فيه، فهو إلى الثقات أقرب، ونوح بن ذكوان من رجال ابن ماجه، نعم، قال الساجي: يحدث بأحاديث بواطيل، والله أعلم‘‘.
میں کہتا ہوں:
سوید بن عبد العزیز کی اگر چہ تضعیف کی گئی ہے، تاہم
ترمذی رحمہ اللہ اور ابن ماجہ رحمہ اللہ نے اس سے روایت تخریج کی ہے، اور ابن
حبان رحمہ اللہ فرماتے ہیں: میں نے سوید کے بارے میں استخارہ
کیا تھا، سو وہ ثقات کے زیادہ قریب ہے، اور نوح
بن ذکوان، ابن ماجہ رحمہ اللہ کے رجال
میں سے ہے، ہاں، ساجی رحمہ اللہ فرماتے ہیں: یہ باطل احادیث بیان کرتا ہے،
واللہ اعلم۔
علامہ پٹنی رحمہ اللہ ’’تذكرة الموضوعات‘‘[6]میں زیر بحث روایت نقل کرکے فرماتے ہیں: ’’فيه نوح ليس بشيء، وسويد متروك‘‘. اس کی سند میں نوح لیس بشیء ہے، اور سوید متروک ہے۔
علامہ شوکانی رحمہ اللہ ’’الفوائد المجموعة‘‘[7] میں زیر بحث روایت ذکر کرکے ہیں:
’’في إسناده نوح بن ذكوان، وليس بشيء، وفيه أيضا متروك‘‘. اس کی اسناد میں نوح بن ذکوان لیس بشیء ہے، اور اس کی اسناد میں متروک راوی بھی ہے۔
حافظ ابو حاتم رحمہ اللہ نے نوح بن ذکوان کو ’’ليس بشيء، مجهول‘‘ کہا ہے[8]۔
حافظ ابو حاتم رحمہ اللہ ، نوح بن ذکوان سے مروی ایک حدیث کے تحت فرماتے ہیں: ’’هذا حديث باطل، ونوح مجهول‘‘[9]. یہ باطل حدیث ہے، اور نوح مجہول ہے۔
حافظ ابو یحیی زکریا بن یحیی ساجی رحمہ اللہ فرماتے ہیں: ’’يحدث بأحاديث بواطيل‘‘[10] . یہ باطل احادیث بیان کرتا ہے۔
حافظ ابن حبان رحمہ اللہ ’’المجروحين‘‘[11] میں نوح بن ذکوان کے بارے میں فرماتے ہیں: ’’منكر الحديث جدا، ولست أدري أتفرد بها، أو شارك أخاه فيها، وعلى الوجهين جميعا يجب التنكب عن حديثهما، لما فيه من المناكير ومخالفة الأثبات‘‘. منکر الحدیث جداً ہے، اور میں نہیں جانتا ان روایات میں یہ متفرد ہے، یا اس کا بھائی بھی ان میں شریک ہے، دونوں صورتوں میں ان دونوں کی حدیث سے اجتناب ضروری ہے، بوجہ ان میں مناکیر اور ثبت راویوں کی مخالفت کے۔
اس کے بعد حافظ ابن حبان رحمہ اللہ نے زیر بحث روایت وغیرہ تخریج کی ہے۔
حافظ ابن جوزی رحمہ اللہ نے ’’الضعفاء‘‘[12] میں حافظ ابو حاتم رحمہ اللہ اور حافظ ابن حبان رحمہ اللہ کے قول پر اعتماد کیا ہے۔
حافظ ابن عدی رحمہ اللہ ’’الكامل‘‘[13] میں نوح بن ذکوان کے ترجمہ میں چند احادیث ذکر کرکے فرماتے ہیں: ’’وهذه الأحاديث عن الحسن، عن أنس ليست بمحفوظة‘‘. یہ احادیث حسن، عن انس رضی اللہ عنہ کے طریق سے محفوظ نہیں ہیں۔
حافظ ابو الفتح ازدی رحمہ اللہ فرماتے ہیں ’’تركوه‘‘[14] .محدثین نے اسے ترک کردیا ہے۔
حافظ ابو احمد حاكم رحمہ اللہ ’’الأسامي‘‘[15] میں نوح بن ذکوان کے بارے میں فرماتے ہیں: ’’حديثه ليس بالقائم‘‘.
حافظ ابو سعید نقاش رحمہ اللہ ، نوح بن ذکوان کے بارے میں فرماتے ہیں: ’’يروي عن الحسن مناكير‘‘[16]. یہ حسن کے انتساب سے مناکیر روایت کرتا ہے۔
امام ابو عبد اللہ حاکم نیشاپوری رحمہ اللہ ’’المدخل‘‘[17] میں نوح بن ذکوان کے بارے میں فرماتے ہیں: ’’روى عن الحسن كل معضلة، منها صحيفة عن الحسن عن أنس‘‘. یہ حسن سے تمام معضل راویتیں نقل کرتا ہے، ان میں ایک صحیفہ عن الحسن، عن انس رضی اللہ عنہ کے طریق سے ہے۔
حافظ ابو نعیم اصبہانی رحمہ اللہ ’’المسند‘‘[18] میں نوح بن ذکوان کے بارے میں فرماتے ہیں: ’’روى عن الحسن المعضلات، وله صحيفة عن الحسن، عن أنس، لا شيء‘‘. حسن سے معضلات روایت کرتا ہے، اس کا حسن عن انس رضی اللہ عنہ کے طریق سے ایک صحیفہ ہے، یہ لا شیء ہے۔
امام بیہقی رحمہ اللہ نے ’’شعب الإيمان‘‘[19] میں ایک روایت کےتحت نوح بن ذکوان کو ’’ضعيف‘‘ کہا ہے۔
حافظ ابن قیسرانی رحمہ اللہ نے ’’تذكرة الحفاظ‘‘[20] میں ایک روایت کے تحت نوح بن ذکوان کو ’’منكر الحديث‘‘ کہا ہے۔
حافظ ابن قیسرانی رحمہ اللہ ’’ذخيرة الحفاظ‘‘[21] میں ایک روایت کے تحت نوح بن ذکوان کے بارے میں فرماتے ہیں: ’’وهذا غير محفوظ، والحمل فيه على نوح‘‘. اور یہ حدیث غیر محفوظ ہے، اور اس میں ’’حمل‘‘نوح پر ہے۔
حافظ منذری رحمہ اللہ نے ’’الترغيب‘‘[22] میں ایک روایت کے تحت نوح بن ذکوان کو ’’واه‘‘کہا ہے۔
حافظ ذہبی رحمہ اللہ نے ’’الكاشف‘‘[23] میں نوح بن ذکوان کو ’’واه‘‘کہا ہے۔
نیز حافظ ذہبی رحمہ اللہ نے ’’تلخيص الموضوعات‘‘[24] میں ایک روایت کے تحت نوح بن ذکوان کو ’’تالف‘‘کہا ہے۔
حافظ ہیثمی رحمہ اللہ نے ’’مجمع‘‘[25] میں ایک روایت کے تحت نوح بن ذکوان کو ’’ضعیف‘‘کہا ہے۔
حافظ ابن ناصر الدین دمشقی رحمہ اللہ نے ’’توضيح المشتبه‘‘[26] میں ایک روایت کے تحت نوح بن ذکوان کو ’’ضعیف‘‘کہا ہے۔
حافظ ابن حجر عسقلانی رحمہ اللہ نے ’’تقريب التهذيب‘‘[27] میں نوح بن ذکوان کو ’’ضعیف‘‘کہا ہے۔
حافظ علی بن حجر مروزی رحمہ اللہ فرماتے ہیں: ’’سألت هشيما، قلت: شيخ من أهل واسط بالشام، يقال له: سويد بن عبد العزيز؟ فأثنى عليه خيرا‘‘[29]. میں نے ہشیم رحمہ اللہ سے پوچھا: اہلِ واسط کا ایک شیخ شام میں ہے، جسے سوید بن عبد العزیز کہا جاتا ہے؟ سو ہشیم رحمہ اللہ نے اس کی خیر کے ساتھ تعریف کی۔
حافظ ابو مسہر رحمہ اللہ فرماتے ہیں: ’’لقيني سويد بن عبد العزيز، فقال: تركت حديثي؟ فقلت: أو تدع ذاك الرأي‘‘[30]. مجھ سے سوید بن عبد العزیز کی ملاقات ہوئی تو اس نے پوچھا: آپ نے میری حدیث ترک کردی ہے؟ میں نے کہا: کیا تم یہ رائے چھوڑ دو گے۔
حافظ ابن سعد رحمہ اللہ ’’الطبقات‘‘[31] میں سوید بن عبد العزیز کے بارے میں فرماتے ہیں: ’’وكان يروي أحاديث منكرة‘‘. اور یہ منکر احادیث روایت کرتا تھا۔
حافظ یحیی بن معین رحمہ اللہ نے سوید بن عبد العزیز کو ’’ليس بثقة‘‘ کہا ہے[32]۔
حافظ یحیی بن معین رحمہ اللہ نے ایک مقام اسے ’’ليس بشيء‘‘ کہا ہے[33]۔
امام احمد بن حنبل رحمہ اللہ نے ’’العلل‘‘[34] میں سوید بن عبد العزیز کو ’’متروك الحديث‘‘کہا ہے۔
امام بخاری رحمہ اللہ ’’التاريخ الصغير‘‘[35] میں سوید بن عبد العزیز کے بارے میں فرماتے ہیں: ’’أنكر أحمد أحاديث سويد بن عبد العزيز السلمي قاضي دمشق‘‘. احمد رحمہ اللہ نے سوید بن عبد العزیز سلمی قاضی دمشق کی احادیث کو منکر قرار دیا ہے۔
امام بخاری رحمہ اللہ ’’التاريخ الكبير‘‘[36] میں سوید بن عبد العزیز کے بارے میں فرماتے ہیں: ’’عنده مناكير، أنكرها أحمد‘‘. اس کے پاس مناکیر ہیں، احمد رحمہ اللہ نے انہیں منکر قرار دیا ہے۔
امام بخاری رحمہ اللہ ’’الضعفاء‘‘[37] میں سوید بن عبد العزیز کے بارے میں فرماتے ہیں: ’’في حديثه نظر، لا يحتمل‘‘. اس کی حدیث میں نظر ہے، قابل ’’حمل‘‘نہیں ہے۔
حافظ عجلی رحمہ اللہ ، سوید بن عبد العزیز کے بارے میں فرماتے ہیں: ’’يكتب حديثه‘‘[38] . اس کی حدیث لکھی جائے گی۔
حافظ عبد الرحمن بن ابراہیم دحیم دمشقی رحمہ اللہ فرماتے ہیں: ’’ثقة، وكانت له أحاديث يغلط فيها‘‘[39]. ثقہ ہے، اور اس کے پاس جو احادیث تھیں ان میں یہ غلطی کرتا تھا۔
حافظ برذعی رحمہ اللہ فرماتے ہیں: ’’ذكرنا عند أبي زرعة سويد بن عبد العزيز، فقال: قال إبراهيم بن موسى: كان سويد بن عبد العزيز يحدث عن مغيره، عن إبراهيم: إذا أفاق المجنون توضأ أو اغتسل ، فقيل له: أين سمعت هذا من مغيرة؟ قال: مع هشيم، فذكر ذلك لهشيم، فقال: لم أسمعه من مغيرة‘‘[40]. ہم نے ابو زرعہ رحمہ اللہ کے پاس سوید بن عبد العزیز کا تذکرہ کیا تو آپ نے کہا: ابراہیم بن موسی (یعنی حافظ ابراہیم بن موسی فرّاء تمیمی رحمہ اللہ ) نے کہا کہ سوید بن عبد العزیز، مغیرہ، عن ابراہیم سے بیان کرتا تھا: جب مجنون کو افاقہ ہوجائے تو وہ وضو یا غسل کرے، سوید سے پوچھا گیا: آپ نے مغیرہ سے یہ حدیث کہاں سنی تھی؟ سوید نے کہا: ہشیم کے ساتھ، پھر ہشیم سے اس کا تذکرہ کیا گیا تو ہشیم نے کہا: میں نے مغیرہ سے اسے نہیں سنا۔
حافظ برذعی رحمہ اللہ فرماتے ہیں: ’’وقال لي أبو حاتم: وكان حاضرا: قلت لدحيم: كان سويد ممن يقرأ إذا دفع إليه ما ليس من حديثه؟ قال: نعم‘‘[41]. مجھ سے ابو حاتم رحمہ اللہ نے ابو زرعہ رحمہ اللہ کی موجودگی میں کہا: میں نے دحیم رحمہ اللہ سے پوچھا: سوید ان احایث کی قراءت کر دیتا تھا جو اس کی حدیث میں سے نہیں ہوتی تھیں؟ دحیم رحمہ اللہ نے کہا: جی ہاں۔
حافظ ابو حاتم رحمہ اللہ ، سوید بن عبد العزیز کے بارے میں فرماتے ہیں: ’’في حديثه نظر، هو لين الحديث‘‘[42] . اس کی حدیث میں نظر ہے، وہ لین الحدیث ہے۔
حافظ یعقوب بن سفیان فسوی رحمہ اللہ نے ’’المعرفة والتاريخ‘‘[43] میں سوید بن عبد العزیز کو ’’ضعيف الحديث‘‘ کہا ہے۔
امام ترمذی رحمہ اللہ ’’العلل‘‘[44] میں سوید بن عبد العزیز کے بارے میں فرماتے ہیں: ’’رجل كثير الغلط في الحديث‘‘. یہ شخص حدیث میں کثیر الغلط ہے۔
امام ابو بکر بزار رحمہ اللہ اپنی ’’مسند‘‘[45] میں ایک روایت کے تحت سوید بن عبد العزیز کے بارے میں فرماتے ہیں: ’’رجل ليس بالحافظ، ولا يحتج به إذا انفرد بحديث‘‘. یہ حافظ نہیں ہے، اور اس سے احتجاج نہیں کیا جائے گا جب یہ کسی حدیث میں متفرد ہوجائے۔
حافظ عثمان بن ابی شیبہ رحمہ اللہ فرماتے ہیں: ’’سويد بن عبد العزيز والريح سواء‘‘[46] . سوید بن عبد العزیز اور ہوا برابر ہیں۔
امام نسائی رحمہ اللہ نے ’’ الضعفاء‘‘[47] میں سوید بن عبد العزیز کو ’’ضعيف‘‘ کہا ہے۔
امام نسائی رحمہ اللہ نے ایک مقام پر سوید بن عبد العزیز کو ’’ليس بثقة‘‘ کہا ہے[48]۔
حافظ ابن جارود رحمہ اللہ ، سوید بن عبد العزیز کے بارے میں فرماتے ہیں: ’’فيه نظر‘‘[49] . اس میں نظر ہے۔
حافظ ابو یحیی زکریا بن یحیی ساجی رحمہ اللہ ، سوید بن عبد العزیز کے بارے میں فرماتے ہیں: ’’في حديثه نظر‘‘[50] . اس کی حدیث میں نظر ہے۔
امام ابو القاسم بغوی رحمہ اللہ ’’معجم الصحابة‘‘[51] میں ایک روایت کے تحت فرماتے ہیں: ’’وفي حديث سويد لين‘‘. سوید کی حدیث میں لین ہے۔
حافظ ابن حبان رحمہ اللہ ’’المجروحين‘‘ [52] میں سوید بن عبد العزیز کے بارے میں فرماتے ہیں: ’’كان كثير الخطأ، فاحش الوهم، حتى يجيء في أخباره من المقلوبات أشياء تتخايل إلى من يسمعها أنها عملت تعمدا‘‘. یہ کثیر الخطاء، فاحش الوہم تھا، حتی کہ اس کی اخبار میں مقلوبات میں سے ایسی چیزیں آگئیں جو اپنے سننے والے کو اس کا گمان دلاتی ہیں کہ وہ جان بوجھ کر بنائی گئی ہیں۔
چند سطروں کے بعد حافظ ابن حبان رحمہ اللہ فرماتے ہیں: ’’والذي عندي في سويد بن عبد العزيز تنكب ما خالف الثقات من حديثه، والاعتبار بما روى مما لم يخالف الأثبات، والاحتجاج بما وافق الثقات‘‘. میرے نزدیک سوید بن عبد العزیز کے بارے میں اس کی ثقات کی مخالفت والی احادیث سے پرہیز، اثبات کی مخالفت نہ کرنے والی مرویات میں اعتبار، اور ثقات کی موافقت میں احتجاج ہے۔
حافظ ذہبی رحمہ اللہ ’’ميزان‘‘[53] میں حافظ ابن حبان رحمہ اللہ کا آخری کلام نقل کرنے کے بعد فرماتے ہیں: ’’قلت: لا، ولا كرامة، بل [هو] واه جدا‘‘. میں کہتا ہوں: نہیں، ’’لا کرامہ‘‘، بلکہ وہ تو ’’واہ جداً‘‘ہے۔
حافظ ابن عدی رحمہ اللہ ’’الكامل‘‘[54] میں سوید بن عبد العزیز کے ترجمہ میں بعض احادیث کی تخریج کرنے کے بعد فرماتے ہیں: ’’ولسويد أحاديث صالحة غير ما ذكرت، وعامة حديثه مما لا يتابعه الثقات عليه، وهو ضعيف كما وصفوه ‘‘. سوید کی میری ذکر کردہ احادیث کے علاوہ بھی صالح احادیث ہیں، اور اس کی اکثر احادیث میں ثقات اس کی متابعت نہیں کرتے، اور وہ ضعیف ہے جیسا کہ محدثین نے اسے ضعیف بتایا ہے۔
حافظ دارقطنی رحمہ اللہ نے اسے کے بارے میں ’’يعتبر به‘‘ کہا ہے[55]۔
حافظ ابو احمد حاکم رحمہ اللہ ، سوید بن عبد العزیز کے بارے میں فرماتے ہیں: ’’حديثه ليس بالقائم‘‘[56] . اس کی حدیث ’’لیس بالقائم‘‘ہے۔
حافظ ابو احمد حاکم رحمہ اللہ ’’الأسامي‘‘[57] میں کاتب الاوزاعی عبد الحمید بن حبیب کے ترجمہ میں ایک حدیث کے تحت فرماتے ہیں: ’’وقد تابعه على روايته سويد بن عبد العزيز، لكن متابعته كلا متابعة‘‘. اور عبد الحمید بن حبیب کی متابعت سوید نے کی ہے، لیکن سوید کی متابعت، متابعت نہ کرنے کی طرح ہے۔
حافظ ابن حزم ظاہری اندلسی رحمہ اللہ ’’المحلى‘‘[58] میں ایک روایت کے تحت فرماتے ہیں: ’’سويد بن عبد العزيز مذكور بالكذب‘‘. سوید بن عبد العزیز کا تذکرہ جھوٹ کے ساتھ ہوتا ہے۔
حافظ ابن قیسرانی رحمہ اللہ ’’تذكرة الحفاظ‘‘[59] میں ایک روایت کے تحت فرماتے ہیں: ’’وسويد هذا ليس بشيء في الحديث، ولابن حبان عليه كلام‘‘. اور یہ سوید حدیث میں ’’لیس بشیء‘‘ہے، اور ابن حبان رحمہ اللہ نے ان پر کلام کیا ہے۔
حافظ ابن قیسرانی رحمہ اللہ نے ’’ذخيرة الحفاظ‘‘[60] میں ایک روایت کے تحت سوید بن عبد العزیز کو ’’متروك الحديث‘‘ کہا ہے۔
حافظ عبد الحق اشبیلی رحمہ اللہ نے’’الأحكام‘‘[61]میں اسے ’’متروک‘‘ قرار دیا ہے۔
حافظ ابن عبد الہادی رحمہ اللہ نے ’’تنقيح التحقيق‘‘[62] میں ایک حدیث کے تحت سوید بن عبد العزیز کو ’’ضعيف بمرة‘‘ کہا ہے۔
حافظ ذہبی رحمہ اللہ نے ’’تلخيص الموضوعات‘‘[63] میں ایک روایت کے تحت سوید بن عبد العزیز کو ’’واه‘‘ اور ’’تلخيص المستدرك‘‘[64] میں ’’متروک‘‘ کہا ہے۔
حافظ ابن رجب حنبلی رحمہ اللہ نے ’’فتح الباري‘‘[65] میں ایک روایت کے تحت سوید بن عبد العزیز کو ’’ضعيف جدا‘‘ کہا ہے۔
حافظ ہیثمی رحمہ اللہ نے ’’مجمع‘‘میں ایک روایت کے تحت سوید بن عبد العزیز کو ایک مقام پر ’’ضعيف جدا‘‘[66] اور دوسرے مقام پر ’’متروك الحديث‘‘[67] کہا ہے۔
حافظ ہیثمی رحمہ اللہ ہی ’’مجمع‘‘میں ایک روایت کے تحت سوید بن عبد العزیز کے بارے میں فرماتے ہیں: ’’وثقه دحيم، وضعفه جمهور الأئمة‘‘. دحیم رحمہ اللہ نے اس کی توثیق کی ہے، اور جمہور ائمہ نے اسے ضعیف قرار دیا ہے۔
حافظ ابن حجر عسقلانی رحمہ اللہ نے ’’التقريب‘‘[68] میں سوید بن عبد العزیز کو ’’ضعيف‘‘ کہا ہے۔
حافظ ابن حجر عسقلانی رحمہ اللہ ’’إتحاف المهرة‘‘[69] میں حافظ ابن خزیمہ رحمہ اللہ کے حوالہ سے ایک روایت ذکر کرکے فرماتے ہیں: ’’سويد ليس من شرط ابن خزيمة، لأنه ضعيف جدا‘‘. سوید ، ابن خزیمہ رحمہ اللہ کی شرط کے مطابق نہیں ہے، اس لئے کہ وہ ضعیف جداً ہے۔
حافظ ابن حجر عسقلانی رحمہ اللہ ہی ’’إتحاف المهرة‘‘[70] میں ’’مستدرک‘‘ کے حوالہ سے ایک روایت ذکر کرکے فرماتے ہیں: ’’وقال: صحيح على شرط مسلم، قلت: لا، والله! فسويد بن عبد العزيز قد تركاه جميعا ‘‘. اور حاکم رحمہ اللہ نے فرمایا کہ یہ روایت مسلم رحمہ اللہ کی شرط کے مطابق صحیح ہے، میں (حافظ ابن حجر عسقلانی رحمہ اللہ ) کہتا ہوں: نہیں، اللہ کی قسم! سوید بن عبد العزیز کو دونوں (بخاری رحمہ اللہ ومسلم رحمہ اللہ ) ہی نے ترک کیا ہے۔
حافظ ابن حجر عسقلانی رحمہ اللہ نے ’’الدراية‘‘[71] میں سوید بن عبد العزیز کو ’’واه‘‘ کہا ہے۔
ان عبارتوں کے ساتھ ساتھ یہ اصل ملحوظ رہے کہ ہر شدید ضعیف راوی کی ہر ہر روایت کا مردود ہونا ضروری نہیں،بلکہ ائمہ حدیث بعض ایسے راویوں کی بعض روایات دیگر قرائن وشواہد کی وجہ سے فضائل کے باب میں قبول بھی کرلیتے ہیں۔
حافظ ابن حبان رحمہ اللہ اور حافظ ابن قیسرانی رحمہ اللہ نے اس روایت کے ’’ضعفِ شدید‘‘کی جانب اشارہ کیا ہے، اور حافظ سیوطی رحمہ اللہ نے اسے صاف ’’من گھڑت‘‘ قرار دیا ہے، بہر صورت اسے رسول اللہ ﷺ کے انتساب سے بیان کرنا درست نہیں ہے، واللہ اعلم۔
1 زیر بحث روایت کی تفصیل آپ کے سامنے آچکی ہے، تاہم زیر بحث مضمون پر مشتمل ایک ’’حسن‘‘روایت امام ترمذی رحمہ اللہ نے اپنی ’’سنن‘‘[72] میں تخریج کی ہے، ملاحظہ ہو:
’’حدثنا علي بن حجر، قال: حدثنا إسماعيل بن عياش قال: حدثني حبيب بن صالح، عن يزيد بن شريح، عن أبي حي المؤذن الحمصي، عن ثوبان، عن رسول الله صلى الله عليه وسلم قال: لا يحل لامرئ أن ينظر في جوف بيت امرئ حتى يستأذن، فإن نظر فقد دخل، ولا يؤم قوما فيخص نفسه بدعوة دونهم، فإن فعل فقد خانهم، ولا يقوم إلى الصلاة وهو حقن‘‘.
حضرت ثوبان رضی اللہ عنہ سے روایت ہے کہ رسول اللہ ﷺ نے ارشاد فرمایا: کسی شخص کےلئے حلال نہیں کہ وہ کسی کے گھر میں دیکھے حتی کہ وہ اس سے اجازت طلب کرلے، سو اگر اس نے دیکھ لیا تو وہ داخل ہوگیا، اور کوئی شخص کسی ایسی قوم کی امامت نہ کرائے کہ وہ دعا میں دوسروں کو چھوڑ کر اپنے آپ کو خاص کرلے ، سو اگر اس نے ایسا کیا تو اس نے ان سے خیانت کی، اور کوئی نماز کےلئے اس حال میں کھڑا نہ ہو کہ اس نے پیشاپ کو روک رکھا ہو۔
امام ترمذی رحمہ اللہ تخریجِ روایت کے بعد فرماتے ہیں: ’’حديث ثوبان حديث حسن‘‘.حضرت ثوبان رضی اللہ عنہ کی حدیث ’’حدیث حسن ‘‘ہے۔
2 نیز امام ابو داؤد رحمہ اللہ نے ’’المراسيل‘‘[73] میں اسی مضمون پر مشتمل ایک مرسل معتمد حدیث تخریج کی ہے، ملاحظہ ہو:
’’حدثنا موسى بن إسماعيل، حدثنا حماد، حدثنا ثابت، عن عمرو بن شعيب، أن النبي صلى الله عليه وسلم أتى علي بن أبي طالب، وقد خرج لصلاة الفجر، وعلي يقول: اللهم اغفر لي، اللهم ارحمني، اللهم تب علي، فضرب النبي صلى الله عليه وسلم على منكبه، وقال: له: عمم، ففضل ما بين العموم والخصوص كما بين السماء والأرض‘‘.
عمرو بن شعیب رحمہ اللہ کہتے ہیں کہ نبی ﷺ فجر کی نماز کےلئے تشریف لائے، علی رضی اللہ عنہ کے پاس گزرے، آپ دعا مانگ رہے تھے: اے اللہ! مجھے بخشش دے، اے اللہ! مجھ پر رحم فرما، اے اللہ! میری توبہ قبول فرما، سو نبی ﷺ نے علی رضی اللہ عنہ کے کندھے پر ہاتھ رکھا، اور علی رضی اللہ عنہ سے فرمایا: (دعا) کو عام رکھو، کیونکہ عموم اور خصوص کے درمیان ایسی فضیلت ہے جیسا کہ آسمان وزمین کے درمیان ہے[74]۔
حوالہ جات
[1] المجروحين:۳/۴۷،ت: محمود إبراهيم زايد،دار المعرفة ـ بيروت،الطبعة1412هـ .
[2] الزيادات على الموضوعات:1/409،رقم:484،ت:رامز خالد حاج حسن،مكتبة المعارف ـ الرياض،الطبعة الاولي1431هـ .
[3] تذكرة الحفاظ:ص:۳۳۵،رقم:۸۴۶ ،ت:حمدي بن عبد المجيد بن إسماعيل السلفي،دار الصميعي ـ الرياض،الطبعة الأولى1415هـ .
[4] الزيادات على الموضوعات:1/409،رقم:484،ت:رامز خالد حاج حسن،مكتبة المعارف ـ الرياض، الطبعة الاولي1431هـ .
[5] تنزيه الشريعة المرفوعة عن الأخبار الشنيعة الموضوعة:۲/۱۱۹،رقم:۱۱۷،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[6] تذكرة الموضوعات:ص:۳۹،دار إحياء التراث العربي ـ بيروت،الطبعة الثانية1399هـ .
[7] الفوائد المجموعة:ص:۲۹،رقم:۵۸،ت:عبد الرحمن بن يحيى المعلمي،دار الكتب العلمية ـ بيروت، الطبعة ۱۴۱۶هـ .
[8] الجرح والتعدیل:۸/۴۸۵،رقم:۲۲۱۴،دار الكتب العلمية ـ بيروت،الطبعة الأولى۱۳۷۲هـ .
[9] كتاب العلل:۶/۱۹۲،رقم:۲۴۴۳،ت:سعد بن عبد الله الحميد، وخالد بن عبد الرحمن الجريسي،مكتبة الفهد الوطنية ـ الرياض،الطبعة الأولى۱۴۲۷هـ .
[10] إكمال تهذيب الكمال:۱۲/۹۲،رقم:۴۸۸۱،ت:عادل بن محمد وأسامه بن إبراهيم،الفاروق الحديثة ـ القاهرة،الطبعةالأولى1422هـ .
[11] المجروحين:۳/۴۷،ت: محمود إبراهيم زايد،دار المعرفة ـ بيروت،الطبعة1412هـ .
[12] الضعفاءوالمتروکین:۳/۱۶۷،رقم۳۵۵۴،ت:أبو الفداء عبد الله القاضی،دار الکتب العلمية ـ بيروت، الطبعة الأولى ۱۴۰۶هـ .
[13] الكامل في الضعفاء:۸/۲۹۹،رقم:۱۹۷۶،ت:عادل أحمد عبدالموجود وعلي محمد معوض،دار الكتب العلمية ـ بيروت .
[14] التكميل في الجرح والتعديل:1/411،رقم:698،ت:شادي بن محمد بن سالم آل نعمان،مكتبة ابن عباس ـ مصر،الطبعة الأولى1432هـ .
[15] الأسامي والكنى:1/197،رقم:350،ت:أبي عمر محمد بن علي الأزهري،الفاروق الحديثية ـ القاهرة، الطبعة الأولى۱۴۳۶هـ .
[16] إكمال تهذيب الكمال:۱۲/۹۳،رقم:۴۸۸۱،ت:عادل بن محمد وأسامه بن إبراهيم،الفاروق الحديثة ـ القاهرة،الطبعةالأولى1422هـ .
[17] المدخل إلى الصحيح:ص:۲۱۷،رقم:۲۰۷،ت:ربيع بن هادي عمير المدخلي،مؤسسة الرسالة ـ بيروت، الطبعة الأولى1404هـ .
[18] المسند المستخرج على صحيح مسلم:1/84 ،رقم:250،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى1417هـ .
[19] شعب الإيمان:۹/۳۰۴،رقم:۶۶۸۹،ت:مختار أحمد الندوي،مكتبة الرشد ـ الرياض،الطبعة الأولى 1423هـ .
[20] تذكرة الحفاظ:ص:۱۲۷،رقم:۲۹۷،ت:حمدي بن عبد المجيد بن إسماعيل السلفي،دار الصميعي ـ الرياض، الطبعة الأولى1415هـ .
[21] ذخيرة الحفاظ:ص:۴۵۳،رقم:۶۳۴،ت:عبد الرحمن بن عبد الجبار الفريوائي،دار السلف ـ الرياض، الطبعة الأولى ۱۴۱۶هـ .
[22] الترغيب والترهيب من الحديث الشريف:4/100،رقم:126،ت:إبراهيم شمس الدين،دار الكتب العلمية ـ بيروت،الطبعة الثانية1424هـ .
[23]الكاشف:۲/۳۲۷،رقم:۵۸۹۰،ت:محمد عوامة،دار القبلة للثقافة الإسلامية ـ جدة،الطبعة۱۴۱۳هـ .
[24] تلخيص كتاب الموضوعات:ص:42،رقم:75،ت:أبو تميم ياسر بن إبراهيم بن محمد،مكتبة الرشد ـ الرياض،الطبعة الأولى۱۴۱۹هـ .
[25] مجمع الزوائد ومنبع الفوائد:۱۰/۲۰۰،ت:حسام الدين القدسي،دار الكتاب العربى ـ بيروت .
[26] توضيح المشتبه:۳/۱۰۶،ت:محمد نعيم العرقسوسي،مؤسسة الرسالة ـ بيروت،الطبعة1406هـ .
[27] تقريب التهذيب:ص:۵۶۷،رقم:۷۲۰۶،ت:محمد عوامة،دار الرشيد ـ سوريا،الطبعة الثالثة۱۴۱۱هـ .
[28] امام بخاری رحمہ اللہ نے ’’التاريخ الصغير‘‘میں سوید بن عبد العزیز کو ان افراد میں ذکر کیا ہے جن کا انتقال ۱۹۱ ھ سے ۲۰۰ھ کے درمیان ہوا ہے۔ (التاريخ الصغير:۲/۲۰۵،ت:محمود إبراهيم زايد،دار المعرفة ـ بيروت،الطبعة الأولى 1406هـ).
تاہم متعدد ائمہ نے ان کی تاریخ وفات ۱۹۴ ھ ذکر کی ہے، چنانچہ حافظ مزی رحمہ اللہ فرماتے ہیں: ’’قال دحيم، وهشام بن عمار، ومحمد بن مصفى، وأبو زرعة وغير واحد: مات سنة أربع وتسعين ومئة‘‘. (تهذيب الكمال:12/261، رقم:2644،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ) .
[29] انظر تهذيب الكمال في أسماء الرجال:12/261،رقم:2644،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[30] سؤالات أبي عبيد الآجري:۲/۲۰۱،رقم:۱۵۹۳،ت:عبد العليم عبد العظيم البستوي،مؤسسة الريان ـ بيروت، الطبعة الأولى1418هـ .
[31] الطبقات الكبرى:۷/۳۲۶،رقم:۳۹۲۳،ت:محمد عبد القادر عطا،دار الكتب العلمية ـ بيروت،الطبعة الثانية1418هـ .
[32] سؤالات ابن الجنيد:1/331،رقم:229،ت:أحمد محمد نور سيف،مكتبة الدار ـ المدينة المنورة،الطبعة الأولى1408هـ.
[33] تاريخ يحيى بن معين برواية الدوري:2/352،رقم:5280،ت:عبد الله أحمد حسن،دار القلم ـ بيروت .
[34] العلل ومعرفة الرجال:۲/۴۷۷،رقم:۳۱۲۶،ت:وصي الله بن محمد عباس،دار الخاني ـ الرياض،الطبعة الثانية1422هـ .
[35] التاريخ الصغير:۲/۲۳۷،ت:محمود إبراهيم زايد،دار المعرفة ـ بيروت،الطبعة الأولى1406هـ .
[36] التاريخ الكبير:۴/۱۳۷،رقم:۵۱۷۶،ت:مصطفى عبد القادر،دار الكتب العلمية ـ بيروت،الطبعة الثانية 1429هـ .
[37] الضعفاء الصغير:ص:57،رقم:151،ت:محمود إبراهيم زايد،دار المعرفة ـ بيروت،الطبعة الأولى1406هـ .
[38] انظر إكمال تهذيب الكمال:6/168،رقم:2298،ت:أبو عبد الرحمن عادل بن محمد،الفاروق الحديثة ـ القاهرة،الطبعة الأولى۱۴۲۲هـ .
[39] انظر تهذيب الكمال في أسماء الرجال:12/260،رقم:2644،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[40] سؤالات البرذعي:ص:214،رقم:368،ت:أبو عمر محمد بن علي،الفاروق الحديثية ـ القاهرة،الطبعة الأولى1430هـ .
[41] سؤالات البرذعي:ص:214،رقم:369،ت:أبو عمر محمد بن علي،الفاروق الحديثية ـ القاهرة،الطبعة الأولى1430هـ .
[42] الجرح والتعديل:۴/۲۳۹،رقم:۱۰۲۰،دار الكتب العلمية ـ بيروت،الطبعة الأولى1371هـ .
[43] المعرفة والتاريخ:۲/۴۵۱،ت:أكرم ضياء العمري،مكتبة الدار ـ المدينة المنورة،الطبعة الأولى1410هـ .
[44] علل الترمذي الكبير:ص:۲۰۸رقم:۳۷۰،ت:صبحي السامرائي،عالم الكتب ـ بيروت،الطبعة الأولى 1409هـ .
[45] البحر الزخار المعروف بمسند البزار:۸/۳۶۴،رقم:۳۴۴۴ت:محفوظ الرحمن زين الله،مكتبة العلوم والحكم ـ المدينة المنورة،الطبعة الأولى1415هـ .
[46] انظر كتاب تاريخ أسماء الضعفاء والكذابين:ص:105،رقم:277،ت:عبد الرحيم محمد أحمد القشقري، الطبعة الأولى۱۴۰۹هـ .
[47] الضعفاء والمتروکین:ص:۱۸۷،رقم:۲۵۹،ت:محمد إبراهيم زايد،دار المعرفة ـ بيروت،الطبعة الأولى ۱۴۰۶هـ .
[48] انظر تهذيب الكمال في أسماء الرجال:12/260،رقم:2644،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[49] انظر إكمال تهذيب الكمال:6/167،رقم:2298،ت:أبو عبد الرحمن عادل بن محمد،الفاروق الحديثة ـ القاهرة،الطبعة الأولى۱۴۲۲هـ .
[50] انظر إكمال تهذيب الكمال:6/168،رقم:2298،ت:أبو عبد الرحمن عادل بن محمد،الفاروق الحديثة ـ القاهرة،الطبعة الأولى۱۴۲۲هـ .
[51] معجم الصحابة: :1/316،ت:محمد الأمين بن محمد محمود أحمد الجكني،مكتبة دار البيان – الكويت.
[52] المجروحين :۱/۳۵۰،ت:محمود إبراهيم زايد،دار المعرفة ـ بيروت،الطبعة1412هـ .
[53] ميزان الاعتدال في نقد الرجال:۲/۲۵۲،رقم:۳۶۲۳،ت:علي محمد البجاوي،دار المعرفة ـ بيروت .
[54] الكامل في ضعفاء الرجال:۴/۴۹۵،رقم:۸۴۷ ،ت:عادل أحمد عبد الموجود وعلي محمد معوض،دار الكتب العلمية ـ بيروت .
[55] سؤالات البرقاني للدارقطني:ص:35،رقم:208،ت:عبد الرحيم محمد أحمد القشقري،كتب خانه جميلي ـ لاهور ـ باكستان،الطبعة الأولى1404هـ .
[56] انظر إكمال تهذيب الكمال:6/167،رقم:2298،ت:أبو عبد الرحمن عادل بن محمد،الفاروق الحديثة ـ القاهرة،الطبعة الأولى۱۴۲۲هـ .
[57] الأسامي والكنى:۳/۴۲۳،رقم:۲۷۷۶،ت:أبي عمر محمد بن علي الأزهري،الفاروق الحديثية ـ القاهرة، الطبعة الأولى۱۴۳۶هـ .
[58] المحلى بالآثار:10/128،ت:عبد الغفار سليمان البنداري،دار الكتب العلمية ـ بيروت،الطبعة الأولى 1425هـ .
[59] تذكرة الحفاظ:ص:۹۸،رقم:۲۱۶،ت:حمدي بن عبد المجيد،دار الصميعي ـ الرياض،الطبعة الأولى ۱۴۱۵هـ .
[60] ذخيرة الحفاظ:ص:359،رقم:408،ت:عبد الرحمن بن عبد الجبار الفريوائي،دار السلف ـ الرياض، الطبعة الأولى ۱۴۱۶هـ .
[61] الأحكام الوسطى:2/250،ت:حمدي السلفي وصبحي السامرائي،مكتبة الرشد ـ الرياض،الطبعة۱۴۱۶هـ .
[62] تنقیح التحقیق في أحاديث التعليق:3/372،رقم:2017،ت:سامي بن محمد وعبد العزيز بن ناصر،أضواء السلف ـ الرياض،الطبعة الأولى1428هـ .
[63] تلخيص كتاب الموضوعات:ص:42،رقم:75،ت:أبو تميم ياسر بن إبراهيم بن محمد،مكتبة الرشد ـ الرياض، الطبعة الأولى1419هـ .
[64] تلخيص المستدرك بذيل المستدرك على الصحيحين:4/135،ت:يوسف عبد الرحمن المرعشلي، دار المعرفة ـ بيروت .
[65] فتح الباري شرح صحيح البخاري:4/13،ت:محمود بن شعبان بن عبد المقصود ومجدي بن عبد الخالق الشافعي وغيره ،مكتبة الغرباء الأثرية ـ المدينة المنورة،الطبعة الأولى1417هـ .
[66] مجمع الزوائد ومنبع الفوائد:۱۰/۴۰۳،ت:حسام الدين القدسي،دار الكتاب العربى ـ بيروت .
[67] مجمع الزوائد ومنبع الفوائد:۴/۱۶۰،ت:حسام الدين القدسي،دار الكتاب العربى ـ بيروت .
[68] تقريب التهذيب:ص:۲۶۰،رقم:۲۶۹۲،ت:محمد عوامه،دار الرشيد ـ حلب،الطبعة الثالثة1411هـ .
[69] إتحاف المهرة بالفوائد المبتكرة من أطراف العشرة:۱/۵۸۷،رقم:۸۱۶ ،ت:يوسف عبد الرحمن المرعشلي، مجمع الملك فهد ـ المدينة المنورة،الطبعة الأولى1417هـ .
[70] إتحاف المهرة بالفوائد المبتكرة من أطراف العشرة:۱۴/۶۷۲،رقم:۱۸۴۵۶،ت:يوسف عبد الرحمن المرعشلي،مجمع الملك فهد ـ المدينة المنورة،الطبعة الأولى1417هـ .
[71] الدراية في تخريج أحاديث الهداية:۱/۱۴۵،رقم:۱۷۰،ت:عبد الله هاشم اليماني،دار المعرفة ـ بيروت .
[72] سنن الترمذي:۱/۳۸۴،رقم:۳۵۷،ت:بشار عواد معروف،دار الغرب الإسلامي ـ بيروت،الطبعة الأولى 1996ء .
[73] المراسيل لأبي داود:ص:115،رقم:80 ،ت:شعيب الأرناؤوط،مؤسسة الرسالة ـ بيروت،الطبعة الأولى 1408هـ .
[74] یہی روایت حافظ دیلمی رحمہ اللہ نے اس سیاق سے تخریج کی ہے: ’’قال: أخبرنا عبدوس، عن محمد بن عيسى، عن الدارقطني، أخبرنا علي بن محمد بن يحيى بن مهران، عن محمد بن إسماعيل الصائغ، عن علي بن جرير الخراساني، عن حماد بن سلمة، عن ثابت، عن عبد الرحمن بن أبي ليلى، عن علي، قال: مر رسول الله صلى الله عليه وسلم وأنا أقول: اللهم ارحمني، فضرب بيده بين كتفي، وقال: أعمم ولا تخص، فإن بين الخصوص والعموم، كما بين السماء والأرض‘‘. (انظر الغرائب الملتقطة:3/414،رقم:1122،ت:خيري حسيني جميل،جمعية دار البر ـ دبئي،الطبعة الأولى1439هـ) .