روایت: ’’أن رسول الله صلى الله عليه وسلم رأى رجلا يعبث بلحيته في الصلاة، فقال: لو خشع قلبه، لخشعت جوارحه‘‘.آپ ﷺ نے ایک آ دمی کو دیکھا وہ نماز میں اپنی داڑھی سےکھیل رہاتھا،آپ ﷺ نے فرمایا: اگر اس کے دل میں خشوع ہوتا، توضروراس کے اعضاء پُرسکون رہتے۔
حکم: شدید ضعیف، بیان نہیں کرسکتے، حافظ زین الدین عراقی رحمہ اللہ اور اُن کےبیٹے حافظ ولی الدین عراقی رحمہ اللہ فرماتے ہیں کہ معروف قول کے مطابق یہ سعیدبن مسیب رحمہ اللہ کا ارشاد ہے، جو انہوں نے ایک شخص کو دوران نماز داڑھیسے کھیلتے ہوئے دیکھ کر کہا تھا، انتہی، اس لئے اسے سعید بن مسیب رحمہ اللہ کی جانب منسوب کرنا چاہئے،آپﷺ کی جانب منسوب کرنا درست نہیں ہے۔
تحقیق کی تفصیل
1 روایت بطریق ابو داؤد سلیمان بن عمرو نَخَعِی2 روایت بطریق ابو جارود زیاد بن منذر کوفی 3 روایت بطریق حضرت عائشہرضی اللہ عنہا
حکیم ترمذی رحمہ اللہ ’’نوادرالأصول‘‘[1] میں تخریج فرماتے ہیں:
’’حدثنا صالح بن محمد، حدثنا سليمان بن عمرو، عن محمد بن عجلان، عن المَقْبُرِي، عن أبي هريرة رضي الله عنه، أن رسول الله صلى الله عليه وسلم رأى رجلا يعبث بلحيته في الصلاة، فقال: لو خشع قلبه، لخشعت جوارحه‘‘.
حضرت ابوہریرہ رضی اللہ عنہ سے روایت ہے کہ آپ ﷺ نے ایک آ دمی کو دیکھا کہ وہ نماز میں اپنی داڑھی سےکھیل رہاتھا، آپ ﷺ نے فرما یا: اگر اس کے دل میں خشوع ہوتا، توضرور اس کے اعضاء پُرسکون رہتے۔
روایت پر ائمہ کا کلام
حافظ زیلعی رحمہ اللہ ’’تخريج أحاديث الكشاف‘‘[2] میں زیر بحث روایت ذکرکرکےفرماتے ہیں: ’’وسليمان بن عمرو هذا يشبه أن يكون هو أبو داود النَخَعِي، فإني لم أجد أحدا في هذه الطبقة غيره، وقد اتفقوا على ضعفه، قال ابن عدي: أجمعوا على أنه يضع الحديث‘‘.
اور سلیمان بن عمرو لگتاہے کہ یہ ابوداود نَخَعِی ہے، کیونکہ میں نےاس طبقہ میں اس کے علاوہ کسی کو (یعنی سلیمان بن عمرو کےنام سے)نہیں پایا، اس کے ضعف پر محدثین نے اتفاق کیاہے، ابن عدی رحمہ اللہ فرماتے ہیں: محدثین نےاس پر اجماع کیاہے کہ یہ شخص حدیث گھڑتاتھا۔
حافظ زین الدین عراقی رحمہ اللہ ’’المغنی‘‘[3] میں یہ روایت ذکرکرنے کے بعدفرماتے ہیں: ’’أخرجه الترمذي الحكيم في النوادر من حديث أبي هريرة بسند ضعيف، إنه من قول سعيد بن المسيب، رواه ابن أبي شيبة في المصنف، وفيه رجل لم يسم‘‘.
اس کو حکیم ترمذی رحمہ اللہ نے ’’نوادر‘‘ میں ضعیف سند کےساتھ ابوہریرہ رضی اللہ عنہ کی حدیث سے تخریج کیا ہے، بلاشبہ یہ سعیدبن مسیب رحمہ اللہ کا قول ہے، جسے ابن ابی شیبہ رحمہ اللہ نے مصنف میں نقل کیاہے، اور اس کی سند میں (یعنی ابن ابی شیبہ رحمہ اللہ کی سند میں) ایک راوی کا نام مذکورنہیں ہے۔
نیز حافظ ولی الدین عراقی رحمہ اللہ ابن زین الدین عراقی رحمہ اللہ ’’تكملة طرح التثريب‘‘ [4] میں یہ روایت سعید بن مسیب رحمہ اللہ کے قول کے طور پر نقل کرنے کےبعد فرماتے ہیں: ’’هذا هو المعروف في هذا أنه عن ابن المسيب، وفي إسناده من لم يسم، وقد رواه الحكيم الترمذي في نوادر الأصول مرفوعا من حديث أبي هريرة، وفيه سليمان بن عمرو مجمع على ضعفه‘‘.
اس کے بارے میں معروف یہ ہےکہ یہ ابن مسیب رحمہ اللہ کا قول ہے، اور اس کی سند میں ایک راوی کا نام ذکر نہیں ہے، حکیم ترمذی رحمہ اللہ نے اس کو ’’نوادر‘‘ میں ضعیف سند کے ساتھ ابوہریرہ رضی اللہ عنہ کی حدیث سے مرفوعاً نقل کیا ہے، اس سند میں سلیمان بن عمرو ہے، جس کے ضعف پر اجماع ہے۔
علامہ مناوی رحمہ اللہ نے ’’فيض القدير‘‘[5] میں حافظ زیلعی رحمہ اللہ ، حافظ زین الدین عراقی رحمہ اللہ اور حافظ ولی الدین عراقی رحمہ اللہ کے درج بالا کلام کو نقل کرنے پر اکتفا ء کیاہے۔
نیز علامہ مناوی رحمہ اللہ ’’الفتح السماوي‘‘[6] میں فرماتے ہیں: ’’أخرجه الحكيم الترمذي في نوادر الأصول بسند ضعيف من حديث أبي هريرة، وفيه: سليمان بن عمرو وهو أبو داود النَخَعِي، أحد من اتهم بوضع الحديث‘‘ .
اس کوحکیم ترمذی رحمہ اللہ نے ’’نوادرالاصول‘‘ میں ابوہریرہ رضی اللہ عنہ کی حدیث سے تخریج کیاہے، اس کی سند میں سلیمان بن عمرو ہے، اور وہ ابوداود نَخَعِی ہے، یہ ان میں سے ایک ہے جنہیں حدیث گھڑنے میں متہم قرار دیاگیاہے۔
حافظ ابن حجر عسقلانی رحمہ اللہ ’’الكافي الشاف‘‘[7] میں یہ حدیث ذکر کرکے فرماتے ہیں: ’’الحكيم الترمذي في النوادر في السادس والأربعين بعد المائة من حديث أبي هريرة، وفيه سليمان بن عمرو وهو أبوداود النَخَعِي، أحد من التهم بوضع الحديث‘‘.
حکیم ترمذی رحمہ اللہ نے اسے ’’نوادر‘‘ میں ایک سوچھیالیس میں ابوہریرہ رضی اللہ عنہ کی حدیث سے تخریج کیاہے، اس کی سند میں سلیمان بن عمرو ہے اور وہ ابوداود نَخَعِی ہے، یہ ان میں سے ایک ہے جنہیں حدیث گھڑنے میں متہم قرار دیاگیاہے۔
علامہ امیر صنعانی رحمہ اللہ ’’التنوير‘‘[8] میں لکھتے ہیں: ’’رمز المصنف لضعفه، لأن فيه سليمان بن عمرو النَخَعِي، قال العراقي في شرح الترمذي: سليمان بن عمرو هو أبو داود النَخَعِي، متفق على ضعفه، قال الزيلعي: أجمعوا على أنه يضع الحديث، والمعروف أنه من قول سعيد بن المسيب، ورواه ابن أبي شيبة، وفيه راو لم يسم‘‘.
مصنف رحمہ اللہ نے اس پر ضعف کی علامت لگائی ہے، اس لئے کہ اس میں سلیمان بن عمرو نَخَعِی ہے، عراقی رحمہ اللہ نے ’’شرح ترمذی‘‘ میں کہا ہے: سلیمان بن عمرو ابو داؤد نَخَعِی ہے، جو کہ متفق علیہ ضعیف ہے، زیلعی رحمہ اللہ نے کہا ہے کہ اس پر اجماع ہے کہ یہ حدیث گھڑتا ہے، اور اس روایت کے بارے میں معروف یہ ہےکہ یہ ابن مسیب رحمہ اللہ کا قول ہے، اور اسے ابن ابی شیبہ رحمہ اللہ نے روایت کیا ہے، اور اس میں ایک راوی کا نام مذکور نہیں ہے۔
حافظ ابو الولید طیالسی رحمہ اللہ شریک سے نقل کرتے ہیں کہ انہوں نے فرمایا: ’’مالقينا من ابن عم لنا سليمان بن عمرو النَخَعِي من كثرة ما يكذب في الحديث‘‘[10].ہمیں اپنے چچا کی اولاد میں سلیمان بن عمرو نَخَعِی جیسا کثرت سے حدیث میں جھوٹ بولنے والا نہ ملا۔
حافظ ابو الولید طیالسی رحمہ اللہ نے بذات خود سلیمان بن عمرو کو ’’کذاب‘‘ کہا ہے[11]۔
امام اسحاق ابن راہویہ رحمہ اللہ فرماتے ہیں: ’’لا أرى في الدنيا أكذب منه‘‘[12].میں نے دنیا میں اس سے زیادہ جھوٹ بولنے والا نہیں دیکھا۔
حافظ ابو حاتم رحمہ اللہ ’’الجرح والتعدیل‘‘[13] میں فرماتے ہیں: ’’ كان في النَخَع شيخان ضعيفان يضعان الحديث، ويفتعلان: أحدهما سليمان بن عمرو النَخَعِي، وهو ذاهب الحديث، متروك الحديث، كان كذابا، وامتنع من قراءة حديثه‘‘.
نَخَع میں دو شیوخ ضعیف ہیں، دونوں احادیث گھڑتے، تراشتے تھے:ان میں ایک تو سلیمان بن عمرو نَخَعِی ہے، یہ ذاہب الحدیث، متروک الحدیث ہے، یہ کذاب تھا، (عبد الرحمن رحمہ اللہ فرماتے ہیں کہ میرے والد) ابو حاتم رحمہ اللہ ان کی احادیث پڑھنے سے رک گئے تھے۔
حافظ ابو زرعہ رازی رحمہ اللہ فرماتے ہیں: ’’ كان آية، وذكر عنه أشياء منكرة، وغلظ القول فيه جدا‘‘[14].وہ آیت تها، اس کے بعد ابو زرعہ رحمہ اللہ نے ابو داؤد نَخَعِی کی منکر چیزیں نقل کیں، اور ان کے بارے میں بہت زیادہ سخت بات کہی۔
حافظ ابو زرعہ رازی رحمہ اللہ ایک دوسرے موقع پر فرماتے ہیں: ’’ آفة من الآفات‘‘[15].
امام علی بن مدینی رحمہ اللہ فرماتے ہیں: ’’ كان من الدجالين‘‘[16].یہ دجالوں میں سے تھا۔
حافظ یحیی بن معین رحمہ اللہ فرماتے ہیں: ’’وأبو داود النَخَعِي اسمه سليمان بن عمرو، كان رجل سوء، كذاب خبيث، قدري، ولم يكن ببغداد رجل إلا وهو خير من أبي داود النَخَعِي، كان يضع الحديث‘‘[17]. ابو داؤد نَخَعِی اس کا نام سلیمان بن عمرو ہے، یہ ایک برا، کذاب اور خبیث آدمی تھا، اور قدری تھا، بغداد کا ہر فرد ابو داود نَخَعِی سے بہتر تها، یہ حدیث گھڑتا تھا۔
حافظ یحیی بن معین رحمہ اللہ ایک دوسرے موقع پر فرماتے ہیں: ’’وكان أكذب الناس‘‘[18]. اور یہ لوگوں میں سب سے بڑا جھوٹا تھا۔
حافظ یحیی بن معین رحمہ اللہ ایک دوسرے مقام پر فرماتے ہیں: ’’كذاب النَخَع‘‘[19]. نَخَع کا كذاب ہے۔
امام احمد بن حنبل رحمہ اللہ فرماتے ہیں: ’’أبو داود النَخَعِي، واسمه: سليمان بن عمرو، وكان كذابا، سئل شريك عن [كذا في الأصل، والصحيح: بن، كما في الضعفاء الكبير[20]] عبد الله عنه فقال: ذلك كذاب النَخَع‘‘[21]. ابو داود نَخَعِی کا نام سلیمان بن عمرو ہے، اور یہ کذاب ہے، شریک بن عبد اللہ رحمہ اللہ سے اس کے بارے میں پوچھا گیا تو شریک رحمہ اللہ نے کہا کہ یہ نَخَع کا کذاب ہے۔
امام احمد بن حنبل رحمہ اللہ ایک دوسرے مقام پر فرماتے ہیں: ’’أبو داود النَخَعِي من أكذب الناس‘‘[22]. ابو داود نَخَعِی لوگوں میں سب سے بڑا جھوٹا ہے۔
امام بخاری رحمہ اللہ ’’التاريخ الكبير‘‘[23]میں فرماتے ہیں: ’’معروف بالكذب، قال قتيبة وإسحاق‘‘. یہ جھوٹ بولنےمیں معروف ہے، یہ بات قتیبہ اور اسحاق نے کہی ہے۔
یہی کلام امام بخاری رحمہ اللہ نے ’’الضعفاء الصغير‘‘[24] میں بھی کیا ہے۔
امام بخاری رحمہ اللہ ’’التاريخ الصغير‘‘[25] میں فرماتے ہیں: ’’رماه قتيبة و إسحاق بالكذب‘‘. قتیبہ اور اسحاق نے اسے جھوٹ بولنے میں متہم قرار دیا ہے۔
امام مسلم رحمہ اللہ ’’الكنى‘‘[26] میں فرماتے ہیں: ’’رماه إسحاق وقتيبة‘‘.
حافظ ابراہیم بن یعقوب جوزجانی رحمہ اللہ ’’أحوال الرجال‘‘[27] میں فرماتے ہیں: ’’ كان يضع الحديث‘‘. یہ حدیث گھڑتا تھا۔
حافظ یعقوب بن سفیان فَسَوِی رحمہ اللہ ’’المعرفة والتاريخ‘‘[28] میں فرماتے ہیں: ’’أبو داود النَخَعِي، اسمه سليمان بن عمرو، قدري، رجل سوء، كذاب، كان يكذّب مجاوبه‘‘. ابو داؤد نَخَعِی کا نام سلیمان بن عمرو ہے، یہ قدری ہے، برا شخص ہے، جھوٹا ہے، یہ اپنے جواب دینے والے کو جھوٹا کہتا تھا۔
امام نسائی رحمہ اللہ ’’الضعفاء والمتروكين‘‘[29] میں فرماتے ہیں: ’’متروك الحديث‘‘. یہ متروک الحدیث ہے۔
حافظ ابن حبان رحمہ اللہ ’’المجروحین‘‘[30] میں فرماتے ہیں: ’’وكان رجلا صالحا في الظاهر إلا أنه [كان] يضع الحديث وضعا، وكان قدريا، لا تحل كتابة حديثه إلا على جهة الاختبار، ولا ذكره إلا من طريق الاعتبار‘‘. یہ ظاہر میں ایک نیک اور صالح آدمی تھا، البتہ یہ یقیناً حدیثیں گھڑتا تھا، اور یہ قدری تھا، اس کی حدیثوں کو امتحان کے طور پر لکھنا حلال ہے، اور اس کا ذکر صرف اعتبار کے طور پر کرنا حلال ہے۔
حافظ ابو القاسم عبداللہ بن احمد بلخی رحمہ اللہ ’’قبول الأخبار‘‘ [31] میں فرماتے ہیں: ’’كان رجل سوء، كذابا‘‘. یہ برا شخص تھا، کذاب تھا۔
حافظ یزید بن ہارون رحمہ اللہ فرماتے ہیں: ’’لا يحل لأحد أن يروي عن سليمان بن عمرو النَخَعِي الكوفي‘‘[32]. کسی کے لئے بھی حلال نہیں کہ وہ سلیمان بن عمرو نَخَعِی کوفی سے روایت کرے۔
حافظ ابن عدی رحمہ اللہ ’’الكامل‘‘[33] میں فرماتے ہیں: ’’وسليمان بن عمرو اجتمعوا على أنه يضع الحديث‘‘. اور سلیمان کے بارے میں ائمہ کا اجماع ہے کہ وہ حدیثیں گھڑتا تھا۔
حافظ دار قطنی رحمہ اللہ ’’الضعفاء والمتروكون‘‘[34] میں فرماتے ہیں: ’’ كذاب، رماه أحمد بن حنبل بالكذب‘‘. یہ کذاب ہے، احمد بن حنبل رحمہ اللہ نے اسے کذب کی طرف منسوب کیا ہے۔
حافظ ابو احمدحاکم رحمہ اللہ ’’الأسامي والكنى‘‘[35] میں فرماتے ہیں: ’’متروك الحديث‘‘.
حافظ احمد بن صالح رحمہ اللہ ایک روایت کے تحت فرماتے ہیں: ’’معلى هذا أحد السبعة الكذابين الذين يضعون الحديث بالكوفة، منهم: معلى، وأبو داود سليمان بن عمرو النَخَعِي‘‘[36]. یہ معلی اُن سات جھوٹوں میں سے ہے جو کوفہ میں حدیث گھڑتے ہیں، ان میں سے معلی ہے، اور ابو داؤد سلیمان بن عمرو نَخَعِی ہے۔
امام ابو عبد اللہ حاکم نیشاپوری رحمہ اللہ ’’المدخل‘‘[37] میں فرماتے ہیں: ’’روى عن أهل المدينة وأهل الشام عن الأئمة الثقات أحاديث موضوعة، كذبه أحمد وغيره، ولست أشك في وضعه الحديث على ما ذكر من تقشفه وكثرة عبادته‘‘. یہ مدینہ اور شام کے ثقہ ائمہ کے انتساب سے من گھڑت حدیثیں نقل کرتا تھا، اسے احمد رحمہ اللہ اور ان کے علاوہ نے کذاب کہاہے، اور مجھے اس کے حدیثیں گھڑنے میں ذراسابھی شک نہیں ہے، باوجودیکہ اس کے بارے میں تنگ حال رہنا اور کثرت سے عبادت کرنے کا ذکر کیا جاتا ہے۔
امام حاکم رحمہ اللہ ایک دوسرے موقع پر فرماتے ہیں: ’’ كذاب، يضع الحديث، يروي عن جماعة من التابعين، ويقال له: أبو داود النَخَعِي‘‘[38]. یہ جھوٹا ہے، حدیث گھڑتا ہے، تابعین کی ایک جماعت سے روایت کرتا ہے، اور اسے ابو داؤد نَخَعِی کہا جاتا ہے۔
حافظ عثمان بن ابی شیبہ رحمہ اللہ فرماتے ہیں: ’’ كان حفص بن غياث لا يقطع على أحد بالكذب إلا على أبي داود النَخَعِي‘‘[39]. حفص بن غیاث کسی کو قطعی طور پر جھوٹا نہیں کہتے تھے سوائے ابو داود نَخَعِی کے۔
حافظ ابن عبد البر رحمہ اللہ ’’الاستغناء‘‘[40] میں فرماتے ہیں: ’’هو عندهم كذاب يضع الحديث،كذبه يحيى وأحمد وقتيبة وشريك وإسحاق، وتابعهم سائر أهل العلم بالحديث وتركوا حديثه‘‘. یہ ائمہ کے نزدیک کذاب ہے، حدیثیں گھڑتا ہے، اسے یحیی رحمہ اللہ ، احمد رحمہ اللہ ، قتیبہ رحمہ اللہ ، شریک رحمہ اللہ اور اسحاق رحمہ اللہ نے جھوٹا قرار دیا ہے، اور دیگر اہل علم نے ان کی اتباع کی ہے، اور انہوں نے اس کی حدیث کو ترک کردیا ہے۔
حافظ عبد الحق اشبیلی رحمہ اللہ ’’الأحكام الوسطى‘‘[41] میں فرماتے ہیں: ’’أجمعوا على أن أبا داود بن عمرو كان يضع الحديث‘‘. اس بات پر اجماع ہے کہ ابو داؤد بن عمرو حدیث گھڑتا تھا۔
حافظ جوزقانی رحمہ اللہ نے ’’الأباطيل والمناكير‘‘[42] میں ایک حدیث کے تحت چند کذاب اور وضاع راویوں کو ذکر کیا ہے، جن میں ابو داؤد سلیمان بن عمرو نَخَعِی بھی موجود ہے۔
حافظ ذہبی رحمہ اللہ ’’ميزان الاعتدال‘‘[43] میں فرماتے ہیں: ’’سليمان بن عمرو، أبو داود النَخَعِي الكذاب‘‘. سلیمان بن عمرو، ابوداؤد نَخَعِی کذاب ہے۔
علامہ سبط ابن العجمی رحمہ اللہ نے’’الكشف الحثيث‘‘[44] میں سلیمان بن عمرو کو ’’کذاب‘‘ کہہ کر امام احمد بن حنبل رحمہ اللہ ، حافظ یحیی بن معین رحمہ اللہ ، حافظ ابن حبان رحمہ اللہ ، حافظ ابن عدی رحمہ اللہ ، امام حاکم رحمہ اللہ اور حافظ شریک رحمہ اللہ کے اقوال ذکر کئے ہیں۔
حافظ ابن حجر عسقلانی رحمہ اللہ ’’لسان المیزان‘‘[45] میں فرماتے ہیں: ’’الكلام فيه لا يحصر، فقد كذبه ونسبه إلى الوضع من المتقدمين والمتأخرين ممن نقل كلامهم في الجرح أو ألفوا فيه فوق الثلاثين نفسا‘‘. میں (ابن حجر رحمہ اللہ )کہتا ہوں کہ اس پر کئے گئے کلام کا شمار کرنا ممکن نہیں، چنانچہ اس کو جھوٹا قرار دینے والے، اور وضع حدیث کی جانب منسوب کرنے والے متقدمین اور متاخرین میں سے تیس سے زائد ایسے افراد ہیں جن کا کلام جرح میں نقل کیا گیا جاتا ہے یا انہوں نے فن جرح پر کوئی تالیف کی ہے۔
علامہ ابن عراق رحمہ اللہ نے ’’تنزيه الشريعة‘‘[46] میں ابو داؤد سلیمان بن عمرو نَخَعِی کو وضاعین ومتہمین کی فہرست میں شمار کرکے حافظ ابن حجرعسقلانی رحمہ اللہ کے کلام پر اکتفاء کیا ہے۔
حافظ زیلعی رحمہ اللہ ، حافظ زین الدین عراقی رحمہ اللہ ،حافظ ولی الدین عراقی رحمہ اللہ ، حافظ ابن حجر عسقلانی رحمہ اللہ اور علامہ مناوی رحمہ اللہ نےزیر بحث روایت کوذکر کرکے اس کے ضعف شدید کی طرف اشارہ کیاہے۔
نیز سند میں موجود راوی سلیمان بن عمرو کو درج ذیل ائمہ رجال نے بڑا جھوٹا، اکذب الناس اور حدیث گھڑنے والا قرار دیا ہے:
حافظ شریک رحمہ اللہ ، امام اسحاق بن راہویہ رحمہ اللہ ، حافظ ابوزرعہ رحمہ اللہ ، امام ابن مدینی رحمہ اللہ ، حافظ یحیی بن معین رحمہ اللہ ، امام احمدبن حنبل رحمہ اللہ ، امام بخاری رحمہ اللہ ، حافظ ابراہیم بن یعقوب جوزجانی رحمہ اللہ ، حافظ یعقوب بن سفیان فَسَوِی رحمہ اللہ ، امام نسائی رحمہ اللہ ، حافظ ابوحاتم رحمہ اللہ ، حافظ ابن حبان رحمہ اللہ ، حافظ ابو القاسم عبداللہ بن احمد بلخی رحمہ اللہ ، حافظ یزید بن ہارون رحمہ اللہ ، حافظ ابن عدی رحمہ اللہ ، حافظ دارقطنی رحمہ اللہ ، حافظ احمد بن صالح رحمہ اللہ ، حافظ حاکم نیشاپوری رحمہ اللہ ، حافظ عثمان بن ابی شیبہ رحمہ اللہ ، حافظ ابن عبد البر رحمہ اللہ ، حافظ عبد الحق اشبیلی رحمہ اللہ ، حافظ جوزقانی رحمہ اللہ ، حافظ ذہبی رحمہ اللہ اورحافظ ابن حجرعسقلانی رحمہ اللہ ۔
لہذا اس سند سے اس روایت کوآپﷺکے انتساب سے بیان کرنا درست نہیں ہے۔
یہ روایت امام سیوطی رحمہ اللہ نے ’’جمع الجوامع‘‘[47] میں عسکری رحمہ اللہ کی مواعظ کے حوالہ سے ذکر کی ہے:
’’عن علي قال: أبصر رسول الله صلى الله عليه وسلم رجلا يعبث بلحيته في الصلاة، فقال: أما هذا لو خشع قلبه لخشعت جوارحه‘‘.
حضرت علی رضی اللہ عنہ سے روایت ہے کہ آپ ﷺ نے ایک آ دمی کو دیکھا کہ وہ نماز میں اپنی داڑھی سےکھیل رہاتھا، آپ ﷺ نے فرما یا:اگر اس کےدل میں خشوع ہوتا توضرور اس کے اعضاء پُرسکون رہتے۔
نوٹ: واضح رہے کہ بندہ کو تاحال ’’مواعظ عسکری‘‘ دستیاب نہیں ہے۔
روایت پر ائمہ کا کلام
امام سیوطی رحمہ اللہ ’’جمع الجوامع‘‘[48] میں زیر بحث روایت ذکر کرنے کے فرماتے ہیں: ’’العسكري في المواعظ، وفيه: زياد بن المنذر متروك‘‘. عسکری رحمہ اللہ نے اس کو مواعظ میں نقل کیا ہے، اس کی سند میں زیاد بن منذر ہے، جو کہ متروک ہے۔
علامہ علاء الدین علی متقی ہندی رحمہ اللہ نے ’’ كنز العمال‘‘[49] میں علامہ سیوطی رحمہ اللہ کے کلام کو نقل کرنے پر اکتفاء کیا ہے۔
حافظ ابن معین رحمہ اللہ فرماتے ہیں:’’ كذاب، عدو الله، ليس يساوي فلسا‘‘[51].جھوٹا ہے، اللہ کا دشمن ہے، ایک پیسہ کے برابر بھی نہیں ہے۔
حافظ یحیی بن معین رحمہ اللہ ہی ایک جگہ فرماتے ہیں: ’’أبوالجارود، زياد بن المنذر،,وليس بثقة‘‘[52]. ابو الجارود زیاد بن منذر ثقہ نہیں ہے۔
حافظ یحیی بن معین رحمہ اللہ ایک دوسرے موقع پر فرماتے ہیں: ’’وهو كذاب خبيث‘‘[53].
امام بخاری رحمہ اللہ ’’التاريخ الكبير‘‘[54] میں فرماتے ہیں:’’يتكلمون فيه‘‘. محدثین نے اس کے بارے میں کلام کیاہے۔
امام بخاری رحمہ اللہ ’’التاريخ الصغير‘‘[55] میں فرماتے ہیں: ’’رماه ابن معين‘‘.
حافظ یزید بن زریع رحمہ اللہ نے حافظ ابو عوانہ رحمہ اللہ سے کہا: ’’ لا تحدث عن أبي الجارود، فإنه أخذ كتابه فأحرقه‘‘[56]. ابو الجارود سے نقل کرکے حدیث بیان نہ کر، کیونکہ اس نے اپنی کتاب لے کر اسے جلا دیا تھا۔
حافظ ابو عبد الرحمن عبد اللہ رحمہ اللہ فرماتے ہیں کہ میں نے اپنے والد سے ابو الجارود زیاد بن منذر کے بارے میں سنا: ’’متروك الحديث، وضعفه جدا‘‘[57]. یہ متروک الحدیث ہے، اور انہوں نے اس کی شدید تضعیف کی۔
حافظ ابو حاتم رحمہ اللہ فرماتے ہیں: ’’ منكر الحديث جدا‘‘[58].
حافظ ابوزرعہ رحمہ اللہ فرماتے ہیں: ’’ضعيف الحديث، واهي الحديث‘‘[59].
امام نسائی رحمہ اللہ فرماتے ہیں: ’’متروك الحديث‘‘[60].
امام نسائی رحمہ اللہ ایک دوسرے موقع پر فرماتے ہیں: ’’ليس بثقة‘‘[61].
حافظ ابو القاسم عبداللہ بن احمد بلخی رحمہ اللہ ’’قبول الأخبار‘‘[62] میں فرماتے ہیں: ’’ كذاب، خبيث‘‘.
حافظ ابن حبان رحمہ اللہ ’’المجروحين‘‘[63] میں فرماتے ہیں:’’ كان رافضيا، يضع الحديث في مثالب أصحاب النبي صلى الله عليه وسلم، ويروى في فضائل أهل البيت أشياء مالها أصول، لا تحل كتابة حديثه‘‘. رافضی ہے، اصحاب نبیﷺ کی خامیاں نکالنےکےلئے حدیث گھڑتا ہے، اور اہل بیت کے فضائل میں ایسی چیزوں کو روایت کرتاہے جن کی کوئی اصل نہیں ہے، اس کی حدیث کو لکھنا حلال نہیں ہے۔
حافظ ابن عدی رحمہ اللہ ’’الكامل‘‘[64] میں فرماتے ہیں: ’’وهذه الأحاديث الذي أمليتها، مع سائر أحاديثه التي لم أذكرها، عامتها غير محفوظة، وعامة ما يروي زياد بن المنذر هذا في فضائل أهل البيت، وهو من المعدودين من أهل الكوفة الغالين، وله: عن أبي جعفر تفسير، وغير ذلك، ويحيى بن معين إنما تكلم فيه، وضعفه، لأنه يروي أحاديث في فضائل أهل البيت، ويروي ثلب غيرهم ويفرط، فلذلك ضعفه، مع [أن] أبا الجارود هذا أحاديثه عمن يروي عنهم فيها نظر‘‘.
اور یہ احادیث جو میں نے لکھوائی ہیں اُن تمام احادیث کے ساتھ جن کو میں نے ذکر نہیں کیا، ان میں اکثر غیر محفوظ ہیں، اور یہ زیاد بن منذر اکثر اہل بیت کے فضائل روایت کرتا ہے، اور اس کا شمار کوفہ کے غالی لوگوں میں ہوتا ہے، اور اس کی ابو جعفر کے انتساب سے تفسیر وغیرہ بھی ہے، اور یحیی بن معین رحمہ اللہ نے اس کے بارے میں کلام کرکے اس کی تضعیف کی ہے، کیونکہ یہ اہل بیت کے فضائل میں احادیث نقل کرتا تھا، جبکہ دسروں کے مثالب نقل کرتا تھا، اور افراط کرتا تھا، یہی وجہ ہے کہ یحیی بن معین رحمہ اللہ نے اس کی تضعیف کی ہے، نیز یہ ابو الجارود جن لوگوں سے روایت کرتا ہے ان میں بھی نظر ہے۔
حافظ ابو احمدحاکم رحمہ اللہ ’’الأسامي والكنى‘‘[65] میں فرماتے ہیں: ’’رماه يحيى بن معين‘‘.
امام دارقطنی رحمہ اللہ فرماتے ہیں: ’’متروك‘‘[66].
امام ابو عبد اللہ حاکم نیشاپوری رحمہ اللہ ’’المدخل‘‘[67] میں فرماتے ہیں: ’’رديء المذهب، يروي المناكير في الفضائل عن الأعمش، وغيره‘‘. یہ ردئ المذہب ہے، فضائل میں اعمش وغیرہ سے مناکیر نقل کرتا ہے۔
حافظ ابونعیم اصبہانی رحمہ اللہ ’’ كتاب الضعفاء‘‘[68] اور’’المسند المستخرج‘‘[69] میں فرماتے ہیں: ’’صاحب المذهب الرديء، روى المناكير في الفضائل، وغيره، عن الأعمش، تركوه‘‘. یہ ردئ المذہب ہے، فضائل وغیرہ میں اعمش سے احادیث نقل کرتا ہے، محدثین نے اسے ترک کیاہے۔
امام بیہقی رحمہ اللہ ’’السنن الكبرى‘‘[70] میں ایک حدیث کے تحت فرماتے ہیں: ’’تفرد به أبو الجارود زياد بن المنذر، وهو كوفي، ضعيف، كذبه يحيى بن معين، وضعفه الباقون‘‘. اس میں ابو الجارود زیاد بن منذر متفرد ہے، اور وہ کوفی ضعیف ہے، یحیی بن معین رحمہ اللہ نے اس کی تکذیب کی ہے، اور باقی نے اسے ضعیف قرار دیا ہے۔
حافظ ابن ملقن رحمہ اللہ نے ’’البدر المنير‘‘[71] میں امام بیہقی رحمہ اللہ کے کلام کو نقل کرنے پر اکتفاء کیا ہے۔
حافظ ابن عبد البر رحمہ اللہ ’’الاستغناء‘‘[72] میں فرماتے ہیں: ’’اتفقوا على أنه ضعيف الحديث منكره، ونسبه بعضهم إلى الكذب‘‘.اس کے ضعیف الحدیث، منکر الحدیث ہونے پر اتفاق ہے، بعض نے اسے جھوٹ بولنے کی طرف منسوب کیا ہے۔
حافظ منذری رحمہ اللہ ’’الترغيب والترهيب‘‘[73] میں ایک دوسری روایت کے تحت فرماتے ہیں: ’’رووه كلهم من طريق زياد بن المنذر، عن نافع بن الحارث عنه، وزياد هذا: هو أبو الجارود الكوفي الأعمى، تنسب إليه الجارودية من الروافض، ونافع هو نفيع أبو داود الأعمى أيضا، وكلاهما متروك، متهم بالوضع‘‘. سب نے اسے زیاد بن منذر، عن نافع بن حارث کے طریق سے روایت کیا ہے، اور یہ زیاد ابو الجارود کوفی اعمی ہے، روافض میں سے فرقہ جارودیہ اسی کی طرف منسوب ہے، اور نافع وہ نفیع ابو داؤد ہے، یہ بھی اعمی ہے، اور یہ دونوں متروک اور متہم بالوضع ہیں۔
حافظ ابن کثیر رحمہ اللہ ایک روایت کے تحت ’’البداية والنهاية‘‘[74] میں فرماتے ہیں: ’’تفرد به زياد بن المنذر أبو الجارود، الذي تنسب إليه الفرقة الجارودية، وهو من المتهمين‘‘. اس میں زیاد بن منذر ابو الجارود متفرد ہے، جس کی طرف فرقہ جارودیہ منسوب ہے، اور وہ متہمین میں سے ہے۔
حافظ بدر الدین عینی رحمہ اللہ نے ’’نخب الأفكار‘‘[75] میں حافظ ابن کثیر رحمہ اللہ کے کلام پر اعتماد کیا ہے۔
حافظ ذہبی رحمہ اللہ نے ’’ميزان الاعتدال‘‘[76] میں داؤد بن ابی عوف کے ترجمہ میں اسے ’’ساقط‘‘ قرار دیا ہے۔
حافظ ذہبی رحمہ اللہ ’’المغني‘‘[77] میں فرماتے ہیں: ’’متهم، قال أحمد: متروك، وقيل: كان يفرط في رفضه‘‘. متہم ہے، احمد رحمہ اللہ فرماتے ہیں کہ متروک ہے، اورکہاگیاہےکہ وہ رافضیت میں حد سے بڑھا ہوا تھا۔
نیز حافظ ذہبی رحمہ اللہ ’’الكاشف‘‘[78] میں فرماتے ہیں: ’’رافضي، متهم، له أتباع وهم الجارودية، ت‘‘. رافضی ہے،متہم ہے،فرقہ جارودیہ اس کا پیرو کار ہے۔
حافظ ذہبی رحمہ اللہ نے ’’تاريخ الإسلام‘‘[79] میں اسے ’’أحد المتروكين‘‘ کہا ہے۔
حافظ ابن حجر عسقلانی رحمہ اللہ نے ’’فتح الباري‘‘[80] میں ایک راویت کے تحت اسے ’’متروك‘‘ قرار دیا ہے۔
نیز حافظ ابن حجرعسقلانی رحمہ اللہ ’’تقريب التهذيب‘‘[81] میں فرماتے ہیں: ’’رافضي، كذبه يحيى بن معين، من السابعة، مات بعد الخمسين، ت‘‘. رافضی ہے،یحیی بن معین رحمہ اللہ نے اسے جھوٹاقراردیاہے، ساتویں طبقہ کا ہے، پچاس کے بعدانتقال ہوا۔
علامہ ابن عرق رحمہ اللہ نے ’’تنزيه الشريعه‘‘[82] میں زیاد بن منذر کو وضاعین ومتہمین کی فہرست میں شمار کرکےحافظ ابن حبان رحمہ اللہ کے کلام کو نقل کیاہے۔
سند میں موجود راوی ابوالجارود زیاد منذر کوفی کے بارے میں ائمہ رجال نے جرح کے شدید صیغے استعمال کئے ہیں جیسے:جھوٹاہے، خبیث ہے، اللہ کا دشمن ہے، ایک پیسہ کے برابر بھی نہیں ہے، ثقہ نہیں ہے(حافظ ابن معین رحمہ اللہ ، نیز امام بخاری رحمہ اللہ ، حافظ ابو احمدحاکم رحمہ اللہ ، امام بیہقی رحمہ اللہ اور حافظ ابن حجر رحمہ اللہ نے حافظ یحیی بن معین رحمہ اللہ کے اس قول پر اکتفاء کیا ہے)، جھوٹا ہے، خبیث ہے(حافظ ابوالقاسم بلخی رحمہ اللہ )، متروک الحدیث ہے(امام احمدبن حنبل رحمہ اللہ اور امام دارقطنی رحمہ اللہ )، منکرالحدیث جداً(حافظ ابوحاتم رحمہ اللہ )، اصحاب نبیﷺ کی خامیاں نکالنےکےلئے حدیث گھڑتا تھا، اس کی حدیث کو لکھنا حلال نہیں ہے (حافظ ابن حبان رحمہ اللہ ، نیز علامہ ابن عراق رحمہ اللہ نے ان کے اس قول پراعتماد کیاہے)،متروک الحدیث، لیس بثقہ ہے(امام نسائی رحمہ اللہ )، محدثین نے اسے ترک کیاہے(حافظ ابونعیم اصبہانی رحمہ اللہ )، بعض نے اسے جھوٹ بولنے کی طرف منسوب کیا ہے(حافظ ابن عبد البر رحمہ اللہ )، متروک، متہم بالوضع ہے(حافظ منذری رحمہ اللہ )، متہمین میں سے ہے(حافظ ابن کثیر رحمہ اللہ ، نیز حافظ عینی رحمہ اللہ نے ان کے اس قول پر اکتفاء کیا ہے)، متہم ہے(حافظ ذہبی رحمہ اللہ )۔
لہذا اس سند سے بھی اس روایت کورسول اللہ ﷺ کے انتساب سے بیان کرنا درست نہیں ہے۔
حافظ ابن حجر عسقلانی رحمہ اللہ ’’الكافي الشاف‘‘[83] میں امام زین الدین ابن مُنَیِّر رحمہ اللہ کی ’’شرح الجامع الصحيح‘‘ کےحوالہ سے لکھتے ہیں:
’’وفي شرح البخاري لزين الدين ابن المُنَيِّر: عن النبي صلى الله عليه وسلم أنه قال لعائشة: لو خشع قلب هذا لخشعت جوارحه‘‘.
زین الدین ابن مُنَیِّر رحمہ اللہ کی شرح بخاری میں ہے، آپ ﷺنے حضرت عائشہرضی اللہ عنہا سے فرمایا:اگر اس کےدل میں خشوع ہوتا توضرور اس کے اعضاء پُرسکون رہتے۔
اسی طرح علامہ مناوی رحمہ اللہ نے ’’الفتح السماوي‘‘[84] میں اسے امام ابن منیر رحمہ اللہ کے حوالہ سے ذکر کیاہے۔
اہم نوٹ: واضح رہےکہ امام ابن مُنَیِّر رحمہ اللہ کی ’’شرح الجامع الصحيح‘‘ ہمیں دستیاب نہ ہوسکی۔
سابقہ تفصیل سے معلوم ہواکہ زیر بحث روایت کے ضعف شدید کی طرف حافظ زیلعی رحمہ اللہ ، حافظ زین الدین عراقی رحمہ اللہ ، حافظ ولی الدین عراقی رحمہ اللہ ، حافظ ابن حجرعسقلانی رحمہ اللہ ،امام سیوطی رحمہ اللہ اور علامہ مناوی رحمہ اللہ نے اشارہ کیاہے،لہذا زیربحث روایت کو آپﷺ کے انتساب سے بیان کرنادرست نہیں ہے۔
واضح رہے کہ سابقہ ذکر کردہ حافظ زین الدین عراقی رحمہ اللہ اور حافظ ولی الدین عراقی رحمہ اللہ کی تصریح کے مطابق زیر بحث مضمون میں معروف یہ ہے کہ یہ سعید بن مسیب رحمہ اللہ کا قول ہے، چنانچہ اس مضمون کو حضرت سعید بن مسیب رحمہ اللہ کی جانب منسوب کرنا چاہئے۔
حضرت سعید بن مسیب رحمہ اللہ کے اس قول کو امام احمد بن حنبل رحمہ اللہ کے بیٹےابو الفضل صالح بن احمد رحمہ اللہ نے ’’مسائل الإمام أحمد بن حنبل‘‘[85] میں تخریج کیا ہے، ملاحظہ ہو:
’’حدثنا صالح، قال حدثني أبي، قال حدثنا سعيد بن خثيم، قال حدثنا محمد بن خالد، عن سعيد بن جبير، قال: نظر سعيد إلى رجل، وهو قائم في الصلاة، قال: وهو يعبث بلحيته، فقال سعيد: لو خشع قلب هذا، لخشعت جوارحه‘‘.
سعید رحمہ اللہ نے ایک شخص کو دیکھاکہ وہ نماز کی حالت میں اپنی داڑھی سے کھیل رہاتھا، تو سعید رحمہ اللہ نے فرمایا:اگر اس کے دل میں خشوع ہوتا تو ضرور اس کے اعضاء پُرسکون رہتے۔
واضح رہے کہ ’’بعض دیگر مصادر‘‘ کے عنوان کے تحت منقول تمام مصادر کی سند میں ’’رجل‘‘ موجود ہے، اور ’’مصنف عبد الرزاق‘‘ کی ایک سند کے مطابق یہ رجل ’’ابان‘‘ ہے[90]، تاہم ’’مسائل امام احمد بن حنبل‘‘ کی سند ’’ابان‘‘ کے علاوہ ہے۔
حوالہ جات
[1] نوادر الأصول في أحاديث الرسول:5/504،رقم:1305،وفيه أيضا:4/8 ،رقم:824 ،ت:توفيق محمود تكله،دار النوادر ـ بيروت،الطبعة الأولى1431هـ .
[2] تخريج أحاديث الكشاف:2/400،رقم:828 ،ت:سلطان بن فهد،دار ابن خزيمة ـ الرياض،الطبعة الأولى 1414هـ .
[3] المغني عن حمل الأسفار:1/178،دار ابن حزم ـ بيروت،الطبعة الأولى1426هـ .
[4] طرح التثريب:2/373،دار إحياء التراث العربي ـ بيروت .
[5] فيض القدير:5/406،رقم:7447،دار المعرفة ـ بيروت،الطبعة الثانية1391هـ .
علامہ مناوی رحمہ اللہ کی عبارت ملاحظہ ہو: ’’قال الزين العراقي في شرح الترمذي: وسليمان بن عمر وهو أبو داود النَخَعِي متفق على ضعفه، وإنما يعرف هذا عن ابن المسيب، وقال في المغني: سنده ضعيف، والمعروف: أنه من قول سعيد، ورواه ابن أبي شيبة في مصنفه، وفيه رجل لم يسم، وقال ولده: فيه سليمان بن عمرو مجمع على ضعفه، وقال الزيلعي: قال ابن عدي: أجمعوا على أنه يضع الحديث‘‘.
[6] الفتح السماوي:2/854 ،رقم:732،ت:أحمد مجتبى السلفي،دار العاصمة ـ الرياض،الطبعة الأولى 1409هـ .
[7] الكافي الشاف:ص:194،رقم:718،دار إحياء التراث العربي ـ بيروت،الطبعة الأولى1418هـ .
[8] التنوير:1/151،رقم:7429،ت:محمد إسحاق محمد إبراهيم،مكتبة دار السلام ـ الرياض،الطبعة الأولى 1432هـ .
[9] امام بخاری رحمہ اللہ نے ’’التاریخ الصغیر‘‘ میں موصوف کو ان افراد میں ذکر کیا ہے جن کا انتقال 190 اور200ھ کے درمیان ہوا ہے (التاريخ الصغير:2/244ت:محمود إبراهيم زايد،دار المعرفة ـ بيروت،الطبعة الأولى1406هـ).
[10] الجرح والتعدیل:۴/۱۳۲،رقم:۵۷۶،دار الكتب العلمية ـ بيروت،الطبعة الأولى۱۳۷۲هـ .
[11] سؤالات البرذعي:ص:240،رقم:423،ت:أبو عمر محمد بن علي الأزهري،الفاروق الحديثية ـ القاهرة، الطبعة الأولى۱۴۳۰هـ .
[12] لسان الميزان:۴/۱۶۶،رقم:۳۶۳۳،ت:عبدالفتاح أبو غدة،مکتبة المطبوعات الإسلامية ـ بيروت،الطبعة الأولى ۱۴۲۳هـ .
ان الفاظ کا سیاق ’’سؤالات البَرْذَعِی‘‘میں ان الفاظ سے ہے: ’’حدثني مسلم بن الحجاج، قال: سمعت إسحاق بن راهوية، قال: أتيت أبا داود سليمان بن عمرو، فقلت في نفسي: لأسألنه عن شيء لا أعرف فيه من قول المتقدمين شيئا، فقلت له: يا أبا داود! ما عندك في التوقيت بين دمي المرأة في أقله وأكثره؟ فقال: أخبرنا أبو طوالة، عن أنس، ويحيى بن سعيد، عن سعيد بن المسيب، وفلان، عن فلان، عن معاذ بن جبل، قالوا: أقل الحيض ثلاث، وأكثره عشر، وما بين دمي المرأة خمسة عشر، فقلت في نفسي: اذهب، فليس في الدنيا أكذب منك.
حدثني أبو زرعة، حدثنا أبو علي القُهُسْتَاني، عن إسحاق بن راهوية، قال: جلست إلى سليمان بن عمرو، فقلت: ما تقول في الراهن والمرتهن، يختلفان؟ فقال: حدثنا عبيد الله، عن نافع، عن ابن عمر. وحدثنا أبو حازم، عن سهل بن سعد، قالا: القول قول الراهن، فقلت: لا أدري في الدنيا أكذب من هذا‘‘ (سؤالات البرذعي:ص:240،رقم:424،425،ت:أبو عمر محمد بن علي الأزهري،الفاروق الحديثية ـ القاهرة،الطبعة الأولى۱۴۳۰هـ).
[13] الجرح والتعدیل:۴/۱۳۲،رقم:۵۷۶،دار الكتب العلمية ـ بيروت،الطبعة الأولى۱۳۷۲هـ .
[14] الجرح والتعدیل:۴/۱۳۲،رقم:۵۷۶، دار الكتب العلمية ـ بيروت،الطبعة الأولى۱۳۷۲هـ .
[15] سؤالات البرذعي لأبي زرعة:ص:328،رقم:132،ت:أبو عمر محمد بن علي الأزهري،الفاروق الحديثية ـ القاهرة،الطبعة الأولى1430هـ .
[16] لسان الميزان:۴/۱۶۶،رقم:۳۶۳۳،ت:عبدالفتاح أبو غدة،مکتبة المطبوعات الإسلاميةـ بيروت،الطبعة الأولى ۱۴۲۳هـ .
[17] تاريخ يحيي بن معين برواية الدوري:1/401،رقم:2716،ت:عبد الله أحمد حسن،دار القلم ـ بيروت .
[18] تاريخ يحيي بن معين برواية الدوري:2/306،رقم:4967،ت:عبد الله أحمد حسن،دار القلم ـ بيروت .
[19] معرفة الرجال برواية ابن محرز:1/51،رقم:9،ت:محمد كامل القصار،مطبوعات مجمع اللغة العربية ـ دمشق،الطبعة1405هـ .
[20] الضعفاء الكبير:2/135،رقم:620،ت:عبد المعطی أمین قلعجی،دار الکتب العلميةـ بيروت،الطبعة الأولى ۱۴۰۴هـ .
[21] العلل ومعرفة الرجال:2/542،رقم:3569،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[22] مسائل الإمام أحمد بن حنبل وإسحاق بن راهوية برواية المروزي:9/4631،رقم:3286،الجامعة الإسلامية ـ المدينة المنورة،الطبعة الأولى1425هـ .
[23] التاريخ الكبير:۴/۴۶، رقم: ۱۸۵۳،ت:مصطفى عبد القادر أحمد عطا،دار الكتب العلمية ـ بيروت،الطبعة الثانية ۱۴۲۹هـ .
[24] الضعفاء الصغير:ص:55،رقم:144،ت:محمود إبراهيم زايد،دار المعرفة ـ بيروت،الطبعة الأولى1406هـ .
[25] التاريخ الصغير:2/266،ت:محمود إبراهيم زايد،دار المعرفة ـ بيروت،الطبعة الأولى1406هـ .
[26] الكنى و الأسماء:ص:302،رقم:1072،ت:عبد الرحيم محمد أحمد القشقري،الجامعة الإسلامية ـ المدينة المنورة، الطبعة الأولى۱۴۰۴هـ .
[27] أحوال الرجال:ص:330،رقم:359،ت:عبد العليم عبد العظيم البستوي،حديث أكادمي ـ فيصل آباد ـ باكستان،الطبعة الأولى1411هـ .
[28] المعرفة والتاريخ:3/57،ت:أكرم ضياء العمري،مكتبة الدار ـ المدينة المنورة،الطبعة الأولى1410هـ .
[29] الضعفاء والمتروکین للنسائي:ص:۱۸۵،رقم:۲۴۷،ت:محمد إبراهيم زايد،دار المعرفة ـ بيروت،الطبعة الأولى ۱۴۰۶هـ .
[30] المجروحين:۱/۳۳۳،ت:محمود إبراهيم زايد،دار المعرفة ـ بيروت،الطبعة۱۴۱۲هـ .
[31] قبول الأخبار ومعرفة الرجال:2/373،رقم:985،ت:أبي عمرو الحسيني بن عمر،دارالكتب العلمية ـ بيروت، الطبعة الأولى1421هـ .
[32] الكامل في الضعفاء:۴/۲۲۰،رقم:۷۳۳،ت:عادل أحمد عبدالموجود وعلي محمد معوض،دار الكتب العلمية ـ بيروت .
[33] الكامل في الضعفاء:۴/۲۲۸،رقم:۷۳۳،ت:عادل أحمد عبدالموجود وعلي محمد معوض،دار الكتب العلمية ـ بيروت .
[34] الضعفاء والمتروکون:ص:۴۰۹،رقم:۶۱۴، ت:موفق بن عبد الله بن عبد القادر،مكتبة المعارف ـ الرياض، الطبعة الأولى۱۴۰۴هـ .
[35] الأسامي والكنى:3/197،رقم:2310،ت:أبي عمر محمد بن علي الأزهري،الفاروق الحديثية ـ القاهرة،الطبعة الأولى1436هـ .
[36] الأسامي والكنى:3/197،رقم:2310،ت:أبي عمر محمد بن علي الأزهري،الفاروق الحديثية ـ القاهرة،الطبعة الأولى1436هـ .
[37] المدخل إلى الصحيح:ص:۱۴۲،رقم:۷۰،ت:ربيع بن هادي عمير المدخلي،مؤسسة الرسالة ـ بيروت،الطبعة الأولى1404هـ .
[38] سؤالات السجزي للحاكم:1/98،رقم:69،ت:موفق بن عبد الله بن عبد القادر،دار الغرب الإسلامي ـ بيروت، الطبعة الأولى1408هـ .
[39] معرفة الرجال عن يحيي بن معين:۲/۲۴۵،رقم:۸۴۳ ،ت:محمد كامل القصار،مجمع اللغة العربية ـ دمشق، الطبعة1405هـ .
[40] الإستغناء في معرفة المشهورين:1/607،رقم:673،ت:عبد الله مرحول السوالمة،دار ابن تيمية ـ الرياض، الطبعة الأولى1405هـ .
[41] الأحكام الوسطى:3/134،ت:حمدي السلفي وصبحي السامرائي،مكتبة الرشد ـ الرياض،الطبعة ۱۴۱۶هـ .
[42] الأباطيل والمناكير:1/4،رقم:3،ت:عبد الرحمن عبد الجبار الفريوائي،المطبعة السلفية ـ الهند،الطبعة الأولى1403هـ .
حافظ جوزقانی رحمہ اللہ کی عبارت ملاحظہ ہو: ’’منهم: محمد بن السائب الكلبي، وعمرو بن عبيد المعتزلي، ووهب بن وهب القاضي، ومحمد بن سعيد الشامي المصلوب في الزندقة، وأبو داود سليمان بن عمرو النَخَعِي، وإسحاق بن نجيح المَلَطِي، وأحمد بن الحسن بن أبان المصري، وغياث بن إبراهيم النَخَعِي، والمغيرة بن سعيد الكوفي، وأحمد بن عبد الله الجُوَيْبَارِي، ومأمون بن أحمد الهروي السلمي، ومحمد بن عكاشة الكِرْمَانِي، ومحمد بن القاسم الطَايْكَانِي، وغيرهم، ممن يطول ذكرهم في هذا الموضع، فهؤلاء كلهم كذابون وضاعون، لا يجوز قبول خبرهم، ولا الاحتجاج بحديثهم، ويجب على الحفاظ بيان أمورهم، وإظهار أحوالهم وأديانهم، وليترك حديثهم، ولا يكون ذلك غيبة‘‘.
[43] ميزان الاعتدال:۲/۲۱۶،رقم:۳۴۹۵،ت:علي محمد البجاوي،دار المعرفة ـ بيروت .
[44] الكشف الحثيث:ص:130،رقم:331،ت:صبحي السامرائي،مكتبة النهضة العربية ـ بيروت،الطبعة الأولى 1407هـ .
[45] لسان الميزان:۴/۱۶۶،رقم:۳۶۳۳،ت:عبد الفتاح أبو غدة،مکتبة المطبوعات الإسلاميةـ بيروت،الطبعة الأولى۱۴۲۳هـ .
[46] تنزيه الشريعة:1/65، رقم:52،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت، الطبعة الثانية۱۴۰۱هـ .
[47] جمع الجوامع:18/238،رقم:2003،،دار السعاده،الطبعة1426هـ .
[48] جمع الجوامع:18/238،رقم:2003،،دارالسعاده،الطبعة1426هـ .
[49] كنزالعمال:8/197،رقم:22530،ت:بكري حياني،دار الرسالة العالمية ـ بيروت،الطبعة الأولى 1433هـ .
[50] امام بخاری رحمہ اللہ نے ابو الجارود زیاد بن منذر کو ان افراد میں ذکر کیا ہے جن کا انتقال 150 اور 160ھ کے درمیان ہوا ہے (التاريخ الصغير:2/104،ت:محمود إبراهيم زايد،دار المعرفة ـ بيروت،الطبعة الأولى1406هـ).
[51] الكامل:4/132،رقم:690،ت:عادل أحمد عبد الموجود وعلي محمد معوض،دار الكتب العلمية ـ بيروت .
[52] تاريخ يحيي بن معين برواية الدوري:1/325،رقم:2180،ت:عبد الله أحمد حسن،دار القلم ـ بيروت .
[53] تاريخ يحيي بن معين برواية الدوري:1/333،رقم:2243،ت:عبد الله أحمد حسن،دار القلم ـ بيروت .
[54] التاريخ الكبير:3/371،رقم:1255،ت:مصطفى عبد القادر أحمد عطاء،دار الكتب العلمية ـ بيروت،الطبعة الثانية 1429هـ .
[55] التاريخ الصغير:2/137ت:محمود إبراهيم زايد،دار المعرفة ـ بيروت،الطبعة الأولى1406هـ .
[56] الجرح والتعديل:3/546،رقم:2462،دار الكتب العلمية ـ بيروت،الطبعة الأولى1372هـ .
[57] العلل ومعرفة الرجال:3/382،رقم:5678،ت:وصي الله بن محمد عباس،دار الخاني ـ الرياض،الطبعة الثانية1422هـ .
[58] الجرح والتعديل:3/546،رقم:2462،دار الكتب العلمية ـ بيروت،الطبعةالأولى1372هـ .
[59] الجرح والتعديل:3/546،رقم:2462،دار الكتب العلمية ـ بيروت،الطبعة الأولى1372هـ .
[60] الضعفاءالمتروكين للنسائي:ص:181،رقم:225،ت:محمود إبراهيم،زايد،دار المعرفة ـ بيروت،الطبعة الأولى 1406هـ .
[61] تهذيب الكمال:9/519،رقم:2070،ت:بشار عواد معروف،مؤسسة الرسالة ـ بيروت،الطبعة الثانية ۱۴۰۷هـ .
[62] قبول الأخبار ومعرفة الرجال:2/372،رقم:984،ت:أبي عمرو الحسيني بن عمر،دار الكتب العلمية ـ بيروت، الطبعة الأولى1421هـ .
[63] المجروحين:1/306،ت:محمود إبراهيم زايد،دار المعرفة ـ بيروت،الطبعة1412هـ .
[64] الكامل في الضعفاء:4/136،رقم:690،ت:عادل أحمد عبد الموجود وعلي محمد معوض،دار الكتب العلمية ـ بيروت .
[65] الأسامي والكنى:2/202،رقم:1380،ت:أبو عمر محمد بن علي الأزهري،الفاروق الحديثية ـ القاهرة، الطبعة الأولى1436هـ .
[66] ميزان الأعتدال:1/93،رقم:2965،ت:علي محمد البجاوي،دار المعرفة ـ بيروت .
[67] المدخل إلى الصحيح:ص:139،رقم:62،ت:ربيع بن هادي عمير المدخلي،مؤسسة الرسالة ـ بيروت،الطبعة الأولى1404هـ .
[68] كتاب الضعفاء:ص:83 ،رقم:75،ت:فاروق حماده،مطبعة النجاح الجديدة .
[69] المسند المستخرج على صحيح مسلم:1/66، رقم:77،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى1417هـ .
[70] السنن الكبرى للبيهقي:6/184،رقم:612 11،ت:محمد عبد القادر عطا،دار الكتب العلمية ـ بيروت،الطبعة الثانية1424هـ .
[71] البدر المنير:7/27،ت:أبو محمد عبد الله بن سلمان،دار الهجرة ـ الرياض،الطبعة الأولى۱۴۲۵هـ .
[72] الإستغناء في معرفة المشهورين:1/529،رقم:555،ت:عبد الله مرحول السوالمة،دار ابن تيمية ـ الرياض، الطبعة الأولى1405هـ .
[73] الترغيب والترهيب:3/324،رقم:6،ت:إبراهيم شمس الدين،دار الكتب العلمية ـ بيروت،الطبعة الثانية1424هـ .
[74] البداية والنهاية:3/233،مكتبةالمعارف ـ بيروت،الطبعة1412هـ .
[75] نخب الأفكار في تنقيح مباني الأخبار:3/11،ت:أبو تميم ياسر بن إبراهيم،دار النوادر ـ دمشق،الطبعة الأولى۱۴۲۹هـ .
[76] ميزان الاعتدال:2/18،رقم:2638،ت: علي محمد البجاوي،دار المعرفةـ بيروت .
[77] المغني في الضعفاء:1/244،رقم:2247،ت:نور الدين عتر،إدارة إحياء التراث الاسلامى ـ قطر .
[78] الكاشف:1/413،رقم:1709،ت:محمد عوامه،دار القبلة للثقافة الإسلاميه ـ بيروت،الطبعة الأولى۱۴۱۳هـ .
[79] تاريخ الإسلام:3/868 ،رقم:154،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[80] فتح الباري:2/78،ت:محمد فؤاد عبد الباقي،المكتبة السلفية .
[81] تقريب التهذيب:ص:221،رقم:2101،ت:محمد عوامه،دار الرشيد ـ حلب،الطبعة الثالثة1411هـ .
[82] تنزيه الشريعه:1/61،رقم:15،ت:عبد الطيف،محمد بن صديق الغماري،دار الكتب العلمية ـ بيروت، الطبعة الثانية1401هـ .
[83] الكافي الشاف:ص:194،دار إحياء التراث العربي ـ بيروت، الطبعة الأولى1418هـ .
[84] الفتح السماوي:2/854 ،رقم:732، ت:أحمد مجتبى السلفي،دار العاصمة ـ الرياض،الطبعة الأولى1409هـ
علامہ مناوی رحمہ اللہ کی عبارت ملاحظہ ہو: ’’وفي شرح البخاري لابن المنير: صح عن النبي صلى الله عليه وسلم أنه قال لعائشة: لو خشع قلب هذا لخشعت جوارحه‘‘.
[85] مسائل الإمام أحمد بن حنبل:2/178،رقم:741،ت:فضل الرحمن دين محمد،الدار العلمية ـ الهند،الطبعة الأولى 1408هـ .
[86] الزهد والرقائق:ص:419،رقم:1188،ت:حبيب الرحمن الأعظمي،مؤسسة الرسالة ـ بيروت .
[87] المصنف:2/266،رقم:3308،ت:حبيب الرحمن الأعظمي،المكتب الإسلامي ـ بيروت،الطبعة الأولى 1390هـ .
[88] المصنف في الأحاديث والأثار:2/86 ،رقم:6787،ت:كمال يوسف الحوت،دار التاج ـ بيروت،الطبعة الأولى 1409هـ .
[89] تعظيم قدرالصلاة:1/194،ت:عبد الرحمن بن عبد الجبار الفريوائي،مكتبة الدار ـ المدينة المنورة،الطبعة الأولى 1406هـ .
[90] المصنف:2/266،رقم:3308،ت:حبيب الرحمن الأعظمي،المكتب الإسلامي ـ بيروت،الطبعة الأولى1390هـ .
’’مصنف عبد الرزاق‘‘ کی عبارت ملاحظہ ہو: ’’عبد الرزاق، عن معمر، عن أبان، قال: رأى ابن المسيب رجلا يعبث بلحيته في الصلاة، فقال: إني لأرى هذا لو خشع قلبه، خشعت جوارحه‘‘.