ابو الجارود زیاد بن منذر اعمی ثقفی کوفی

حافظ ابن معین l فرماتے ہیں:’’ كذاب، عدو الله، ليس يساوي فلسا‘‘[51].جھوٹا ہے، اللہ کا دشمن ہے، ایک پیسہ کے برابر بھی نہیں ہے۔

حافظ یحیی بن معینl ہی ایک جگہ فرماتے ہیں:  ’’أبوالجارود، زياد بن المنذر،,وليس بثقة‘‘[52]. ابو الجارود زیاد بن منذر ثقہ نہیں ہے۔

حافظ یحیی بن معین l ایک دوسرے موقع پر فرماتے ہیں:  ’’وهو كذاب خبيث‘‘[53].

امام بخاریl ’’التاريخ الكبير‘‘[54] میں فرماتے ہیں:’’يتكلمون فيه‘‘. محدثین نے اس کے بارے میں کلام کیاہے۔

امام بخاری l ’’التاريخ الصغير‘‘[55] میں فرماتے ہیں:  ’’رماه ابن معين‘‘.

حافظ یزید بن زریع l نے حافظ ابو عوانہ l سے کہا:  ’’ لا تحدث عن أبي الجارود، فإنه أخذ كتابه فأحرقه‘‘[56]. ابو الجارود سے نقل کرکے حدیث بیان نہ کر، کیونکہ اس نے   اپنی کتاب لے کر اسے جلا دیا تھا۔

حافظ ابو عبد الرحمن عبد اللہ l فرماتے ہیں کہ میں نے اپنے والد سے ابو الجارود زیاد بن منذر کے بارے میں سنا:  ’’متروك الحديث، وضعفه جدا‘‘[57]. یہ متروک الحدیث ہے، اور انہوں نے اس کی شدید تضعیف کی۔

حافظ ابو حاتمl فرماتے ہیں: ’’ منكر الحديث جدا‘‘[58].

حافظ ابوزرعہl فرماتے ہیں: ’’ضعيف الحديث، واهي الحديث‘‘[59].

امام نسائی lفرماتے ہیں: ’’متروك الحديث‘‘[60].

امام نسائی l ایک دوسرے موقع پر فرماتے ہیں:  ’’ليس بثقة‘‘[61].

حافظ ابو القاسم عبداللہ بن احمد بلخی l ’’قبول الأخبار‘‘[62] میں فرماتے ہیں: ’’ كذاب، خبيث‘‘.

حافظ ابن حبانl ’’المجروحين‘‘[63] میں فرماتے ہیں:’’ كان رافضيا، يضع الحديث في مثالب أصحاب النبي صلى الله عليه وسلم، ويروى في فضائل أهل البيت أشياء مالها أصول، لا تحل كتابة حديثه‘‘. رافضی ہے، اصحاب نبیﷺ کی خامیاں نکالنےکےلئے حدیث گھڑتا ہے، اور اہل بیت کے فضائل میں ایسی چیزوں کو روایت کرتاہے جن کی کوئی اصل نہیں ہے، اس کی حدیث کو لکھنا حلال نہیں ہے۔

حافظ ابن عدی l  ’’الكامل‘‘[64] میں فرماتے ہیں: ’’وهذه الأحاديث الذي أمليتها، مع سائر أحاديثه التي لم أذكرها، عامتها غير محفوظة، وعامة ما يروي زياد بن المنذر هذا في فضائل أهل البيت، وهو من المعدودين من أهل الكوفة الغالين، وله: عن أبي جعفر تفسير، وغير ذلك، ويحيى بن معين إنما تكلم فيه، وضعفه، لأنه يروي أحاديث في فضائل أهل البيت، ويروي ثلب غيرهم ويفرط، فلذلك ضعفه، مع [أن] أبا الجارود هذا أحاديثه عمن يروي عنهم فيها نظر‘‘.

اور یہ احادیث جو میں نے لکھوائی ہیں اُن تمام احادیث کے ساتھ جن کو میں نے ذکر نہیں کیا، ان میں اکثر غیر محفوظ ہیں، اور یہ زیاد بن منذر اکثر اہل بیت کے فضائل روایت کرتا ہے، اور اس کا شمار کوفہ کے غالی لوگوں میں ہوتا ہے، اور اس کی ابو جعفر کے انتساب سے تفسیر وغیرہ بھی ہے، اور یحیی بن معین l نے اس کے بارے میں کلام کرکے اس کی تضعیف کی ہے، کیونکہ یہ اہل بیت کے فضائل میں احادیث نقل کرتا تھا، جبکہ دسروں کے مثالب نقل کرتا تھا، اور افراط کرتا تھا، یہی وجہ ہے کہ یحیی بن معین l نے اس کی تضعیف کی ہے، نیز یہ ابو الجارود جن لوگوں سے روایت کرتا ہے ان میں بھی نظر ہے۔

حافظ ابو احمدحاکمl ’’الأسامي والكنى‘‘[65] میں فرماتے ہیں:  ’’رماه يحيى بن معين‘‘.

امام دارقطنیl فرماتے ہیں:  ’’متروك‘‘[66].

امام ابو عبد اللہ حاکم نیشاپوری l   ’’المدخل‘‘[67] میں فرماتے ہیں:  ’’رديء المذهب، يروي المناكير في الفضائل عن الأعمش، وغيره‘‘. یہ ردئ المذہب ہے، فضائل میں اعمش وغیرہ سے مناکیر نقل کرتا ہے۔

حافظ ابونعیم اصبہانیl’’ كتاب الضعفاء‘‘[68] اور’’المسند المستخرج‘‘[69] میں فرماتے ہیں: ’’صاحب المذهب الرديء، روى المناكير في الفضائل، وغيره، عن الأعمش، تركوه‘‘. یہ ردئ المذہب ہے، فضائل وغیرہ میں اعمش سے احادیث نقل کرتا ہے، محدثین نے اسے ترک کیاہے۔

امام بیہقی l  ’’السنن الكبرى‘‘[70] میں ایک حدیث کے تحت فرماتے ہیں:  ’’تفرد به أبو الجارود زياد بن المنذر، وهو كوفي، ضعيف، كذبه يحيى بن معين، وضعفه الباقون‘‘. اس میں ابو الجارود زیاد بن منذر متفرد ہے، اور وہ کوفی ضعیف ہے، یحیی بن معین l نے اس کی تکذیب کی ہے، اور باقی نے اسے ضعیف قرار دیا ہے۔

حافظ ابن ملقن l نے  ’’البدر المنير‘‘[71] میں امام بیہقی l کے کلام کو نقل کرنے پر اکتفاء کیا ہے۔

حافظ ابن عبد البر l ’’الاستغناء‘‘[72] میں فرماتے ہیں:  ’’اتفقوا على أنه ضعيف الحديث منكره، ونسبه بعضهم إلى الكذب‘‘.اس  کے ضعیف الحدیث، منکر الحدیث ہونے پر اتفاق ہے، بعض نے اسے جھوٹ بولنے کی طرف منسوب کیا ہے۔

حافظ منذریl ’’الترغيب والترهيب‘‘[73] میں ایک دوسری روایت کے تحت فرماتے ہیں: ’’رووه كلهم من طريق زياد بن المنذر، عن نافع بن الحارث عنه، وزياد هذا: هو أبو الجارود الكوفي الأعمى، تنسب إليه الجارودية من الروافض، ونافع هو نفيع أبو داود الأعمى أيضا، وكلاهما متروك، متهم بالوضع‘‘. سب نے اسے زیاد بن منذر، عن نافع بن حارث کے طریق سے روایت کیا ہے، اور یہ زیاد ابو الجارود کوفی اعمی ہے، روافض میں سے  فرقہ جارودیہ اسی کی طرف منسوب ہے، اور نافع وہ نفیع ابو داؤد ہے، یہ بھی اعمی ہے، اور یہ دونوں متروک اور متہم بالوضع ہیں۔

حافظ ابن کثیرl ایک روایت کے تحت  ’’البداية والنهاية‘‘[74] میں فرماتے ہیں:  ’’تفرد به زياد بن المنذر أبو الجارود، الذي تنسب إليه الفرقة الجارودية، وهو من المتهمين‘‘. اس میں زیاد بن منذر ابو الجارود متفرد ہے، جس کی طرف فرقہ جارودیہ منسوب ہے، اور وہ متہمین میں سے ہے۔

حافظ بدر الدین عینی l نے  ’’نخب الأفكار‘‘[75] میں حافظ ابن کثیر l کے کلام پر اعتماد کیا ہے۔

حافظ ذہبی lنے ’’ميزان الاعتدال‘‘[76] میں داؤد بن ابی عوف کے ترجمہ میں اسے  ’’ساقط‘‘  قرار دیا ہے۔

حافظ ذہبیl  ’’المغني‘‘[77] میں فرماتے ہیں: ’’متهم، قال أحمد: متروك، وقيل: كان يفرط في رفضه‘‘. متہم ہے، احمد l فرماتے ہیں کہ متروک ہے، اورکہاگیاہےکہ وہ رافضیت  میں حد سے بڑھا ہوا تھا۔

نیز حافظ ذہبیl  ’’الكاشف‘‘[78] میں فرماتے ہیں: ’’رافضي، متهم، له أتباع وهم الجارودية، ت‘‘. رافضی ہے،متہم ہے،فرقہ جارودیہ اس کا پیرو کار ہے۔

 حافظ ذہبی l نے  ’’تاريخ الإسلام‘‘[79] میں اسے  ’’أحد المتروكين‘‘ کہا ہے۔

 حافظ ابن حجر عسقلانی  lنے  ’’فتح الباري‘‘[80] میں ایک راویت کے تحت اسے  ’’متروك‘‘ قرار دیا ہے۔

نیز حافظ ابن حجرعسقلانیl  ’’تقريب التهذيب‘‘[81] میں فرماتے ہیں: ’’رافضي، كذبه يحيى بن معين، من السابعة، مات بعد الخمسين، ت‘‘. رافضی ہے،یحیی بن معینl نے اسے جھوٹاقراردیاہے، ساتویں طبقہ کا ہے، پچاس کے بعدانتقال ہوا۔

علامہ ابن عرقl نے  ’’تنزيه الشريعه‘‘[82] میں زیاد بن منذر کو وضاعین ومتہمین کی فہرست میں شمار کرکےحافظ ابن حبانl کے کلام کو نقل کیاہے۔