ہر فرض نماز کے بعد تین مرتبہ چوتھا کلمہ پڑھنے سے ہر رکعت پرایک سال کی عبادت کا ثواب

روایت: ’’آپ ﷺ کا ارشاد ہے: بلاشبہ میری امت روزِ قیامت ’’بسم اللہ الرحمن الرحیم‘‘کہتی ہوئی آئےگی، سو میزان میں ان کی نیکیاں وزنی ہوں گی، پھر دوسری امتیں کہیں گی: امت محمد ﷺ کے میزان کو کس چیز نے وزنی کردیا ہے؟ ان کے انبیاء E علیہ الصلاۃ والسلام فرمائیں گے: اس کی وجہ یہ ہے کہ امت محمد ﷺ کے کلام کی ابتداء اللہ تعالی کے تین مکرم ناموں سے ہوتی ہے، اگر ان کو ترازو کے پلڑے میں رکھ دیا جائے، اور دوسری جانب تمام مخلوق کی برائیاں رکھ دی جائیں تو ان کی نیکیاں وزنی ہو جائیں‘‘۔

روایت: ’’جس شخص کو یہ پسند ہوکہ وہ اللہ تعالی کا ہم نشین بنے، تو اس کو چاہیے کہ وہ صوفیہ کی ہم نشینی اختیار کرے‘‘۔

روایت: ’’جو شخص ’’لا إله إلّا اﷲ‘‘ کہے اور اسے کھینچ کر پڑھے (یعنی لمبا کرے) تو اس شخص کے چار ہزار گناہ کبیرہ ختم (یعنی معاف)ہوجاتے ہیں‘‘۔

روایت: ’’آپ ﷺ کا ارشاد ہے: ’’ نعم المذكر السبحة‘‘. تسبیح بہترین یاد دلانے والی چیز ہے‘‘۔

روایت: ’’نبی ﷺنے فرمایا: ’’ كل مطيع لله فهو ذاكر‘‘. ہر وہ بندہ جو اللہ تعالی کا مطیع اور فرمانبردار ہو، وہ ذکر کرنے والا ہے‘‘۔

روایت: ’’رسول اللہ ﷺ نے ارشاد فرمایا: ’’ذكر الله علم الإيمان، وبراءة من النفاق، وحصن من الشيطان، وحرز من النار‘‘. اللہ تعالی کا ذکر ایمان کی علامت، نفاق سے براءت، شیطان سے حفاظت کا قلعہ، اور آگ سے نجات کا ذریعہ ہے‘‘۔