روایت: ’’نبی ﷺ نے فرمایا: جو عورت نماز پڑھ کر اپنے خاوند کےلئے دعا نہ مانگے تو اس کی نماز قبول نہیں ہوتی‘‘۔

زیر بحث روایت علامہ فقیہ ابو اللیث سمرقندی l رحمہ اللہ نے ’’تنبيه الغافلين‘‘[1] میں بلا سند ان الفاظ سے نقل کی ہے:

’’وعن الحسن، عن النبي صلى الله عليه وسلم أنه قال: إذا هربت المرأة من بيت زوجها لم تقبل لها صلاة حتى ترجع وتضع يدها في يده، وتقول: اصنع بي ما شئت، وإن المرأة إذا صلت ولم تدع لزوجها ردت عليها صلاتها حتى تدعو لزوجها‘‘.

نبی ﷺ نے فرمایا: جب کوئی عورت اپنے شوہر کے گھر سے بھاگ جائے تو اس کی نماز اس وقت تک قبول نہیں ہوتی جب تک کہ وہ واپس لوٹ نہ آئے، اور اپنا ہاتھ شوہر کے ہاتھ میں رکھ کر نہ کہے: میرے ساتھ جو سلوک چا ہو کرو، اور جو عورت نماز پڑھے اور اپنے شوہر کےلئے دعا نہ مانگے تو اس کی نماز رد کر دی جاتی ہے یہاں تک کہ وہ اپنے شوہر کےلئے دعا مانگے۔

تلاش بسیار کے باوجود یہ روایت سنداً تاحال ہمیں کہیں نہیں مل سکی، اور جب تک اس کی کوئی معتبر سند نہ ملے اسے آپﷺ کے انتساب سے بیان کرنا موقوف رکھاجائے گا، کیونکہ آپﷺ کی جانب صرف ایسا کلام اور واقعہ ہی منسوب کیا جاسکتا ہے جو معتبر سند سے ثابت ہو، واللہ اعلم۔