روایت: کسی عالم کی مجلس میں حاضر ہونا ایک ہزار جنازوں، ایک ہزار رکعتوں اور ایک ہزار مریضوں کی عیادت کرنے سے افضل ہے۔

حافظ ابن جوزی l رحمہ اللہ  فرماتے ہیں: ’’هذا حديث موضوع، أما المذكر، فقال أبو بكر الخطيب: هو متروك. وأما الهروي فهو الجويباري وهو الذي وضعه، قال أحمد بن حنبل: إسحاق ابن نَجِيح أكذب الناس‘‘[2].

یہ من گھڑت حدیث ہے، سند میں موجود راوی مذکر کے بارے میں ابو بکر خطیب l رحمہ اللہ  فرماتے ہیں کہ وہ متروک ہے، اور سند میں موجود ہرَوِی، جُوَیبَاری ہے جس نے اسے گھڑا ہے، احمد بن حنبل l رحمہ اللہ  فرماتے ہیں کہ (سند میں موجود راوی) اسحاق بن نجیح اکذب الناس ہے۔

علامہ پٹنی l رحمہ اللہ  نے ’’تذکرة الموضوعات‘‘[3] میں حافظ ابن جوزیl رحمہ اللہ  کی موافقت کی ہے۔

حافظ ذہبی l رحمہ اللہ  نے ’’تلخیص الموضوعات‘‘ [4] میں حافظ ابن جوزی l رحمہ اللہ  کی موافقت کی ہے، نیز حافظ ذہبی l رحمہ اللہ  ہی نے ’’ميزان الاعتدال‘‘ [5] میں اسے جُویبَاری کی ’’مصائب ‘‘ میں ذکر کیا ہے۔

’’میزان الاعتدال‘‘ میں ذکرکردہ کلام کی موافقت امام سیوطی l رحمہ اللہ  نے ’’اللآلئ المصنوعة‘‘ [6] میں کی ہے۔

علامہ ابن عرَّاق l رحمہ اللہ  ، حافظ ابن جوزی l رحمہ اللہ  و حافظ ذہبی l رحمہ اللہ  کے کلام کے بعد فرماتے ہیں:

’’أورده الغزالي في الإحياء من حديث أبي ذر مختصرا، وقال العراقي الشافعي في تخريجه: لم أجده، وإنما أعرفه من حديث عمر. [قـال ابـن عـرَّاق] وهو مـوضوع كما قـاله ابن الجوزي، والله تعالى أعلم‘‘[7].

غزالی l رحمہ اللہ  نے اسے ’’احیاء ‘‘ میں ابوذر r رضی اللہ عنہ  کی حدیث کے طور پر مختصراً ذکر کیا ہے، عراقی شافعی l رحمہ اللہ  اس کی تخریج میں فرماتے ہیں: میں تو اسے صرف عمر r رضی اللہ عنہ  کی حدیث کے طور پر پہچانتا ہوں ۔(ابن عرَّاق l رحمہ اللہ  فرماتے ہیں) اور یہ حدیث موضوع ہے، جیسا کہ ابن جوزی l رحمہ اللہ  کا کہنا ہے، واللہ تعالی اعلم۔

علامہ  شوکانی l رحمہ اللہ  نے ’’الفوائدالمجموعة‘‘[8] میں اسے موضوع کہا ہے۔

حافظ ذہبی l رحمہ اللہ  ’’ميزان الاعتدال‘‘[9] میں فرماتے ہیں:

’’قال ابن عدي: كان يضع الحديث لابن كَرَّام على ما يريده ... قال ابن حبان: هو أبو علي الجويباري دجال من الدجاجلة ... وقال النسائي والدارقطني: كذاب، قلت: الجویباري ممن يضرب المَثَل بكذبه ... قال البيهقي: أما الجويباري، فإني أعرفه حق المعرفة بوضع الأحاديث على رسول الله صلى الله عليه وسلم، فقد وضع عليه أكثر من ألف حديث‘‘.

ابن عدی l رحمہ اللہ  فرماتے ہیں کہ احمد جویباری، ابن کرّام کے لیے اس کی چاہت کے مطابق روایتیں گھڑتا تھا۔۔۔ اور ابن حبان l رحمہ اللہ  رقم طراز ہیں:
ابو علی، جویباری ہے، جو دجالوں میں سے بڑا دجال ہے۔۔۔ امام نسائی l رحمہ اللہ  
اور  دار قطنی l رحمہ اللہ  نے جویباری کو کذاب کہا ہے، میں(یعنی حافظ ذہبی l رحمہ اللہ  ) کہتا ہوں کہ جویباری ان لوگوں میں سے ہے، جن کا جھوٹ ضرب المثل ہے۔۔۔ امام بیہقی l رحمہ اللہ  فرماتے ہیں: میں خوب اچھی طرح اس کی معرفت رکھتا ہوں کہ جویباری رسول اللہ ﷺ پر حدیثیں گھڑتا ہے، اس نے ہزار سے زائد حدیثیں رسول اللہ ﷺ پر گھڑی ہیں۔

امام احمد بن حنبل l رحمہ اللہ  فرماتے ہیں: ’’إسحاق بن نجيح المَلَطِي من أكذب الناس...‘‘ [10]. اسحاق بن نَجِیح اکذب الناس ہے۔

امام یحیی بن معین l رحمہ اللہ  فرماتے ہیں: ’’كذاب، عدو الله‘‘ [11]. یہ جھوٹا، اللہ کا دشمن ہے۔

امام علی بن مدینی l رحمہ اللہ  فرماتے ہیں: ’’روى عجائب، وضعفه‘‘ [12] . یہ عجائبات نقل کرتا ہے، پھر اس کی تضعیف کی۔

امام ابراہیم بن یعقوب جوزجانی l رحمہ اللہ  فرماتے ہیں: ’’غير ثقة، ولا من أوعية الأمانة‘‘[13].

امام بخاری l رحمہ اللہ  فرماتے ہیں: ’’منكر الحديث‘‘[14].

امام نسائی l رحمہ اللہ  فرماتے ہیں: ’’متروك الحديث‘‘[15].

حافظ ابن عدی l رحمہ اللہ  فرماتے ہیں: ’’وهذه الأحاديث التي ذكرتها مع سائرالروايات عند إسحاق بن نجيح عمن روي عنه، فكلها موضوعات، وضعهاهو...‘‘[16]. ’’اسحاق بن نَجِیح كی  اپنے مروی عنہم سے یہ تمام حدیثیں، جن کو میں نے ذکر کیا ہے، اور دیگر روایتیں تمام تر من گھڑت ہیں، ان روایتوں کو اسحاق ہی نے گھڑا ہے۔۔۔ ‘‘ ۔

امام ابواحمد حاکم l رحمہ اللہ  فرماتے ہیں: ’’منكر الحديث‘‘ [17].

حافظ ابو سعید نقاش l رحمہ اللہ  فرماتے ہیں: ’’مشهور بوضع الحديث ‘‘ [18]. یہ احادیث تراشنے میں شہرت یافتہ ہے۔

حافظ ابن جوزی l رحمہ اللہ  فرماتے ہیں: ’’أجمعوا على أنه كان يضع الحديث‘‘[19]. محدثین کا اس پر اجماع ہے کہ یہ حدیثیں گھڑتا تھا۔

حافظ ذہبی l رحمہ اللہ  فرماتے ہیں : ’’فيه إسحاق بن نَجِيْح كذاب...‘‘[20]. اس میں اسحاق بن نَجِیح کذاب ہے۔

حافظ ابن حجر l رحمہ اللہ  فرماتے ہیں: ’’كذبوه‘‘[21]. محدثین نے اسے کذاب کہا ہے۔