ابوصالح اسحاق بن نَجِیح مَلَطِی ازدی

امام احمد بن حنبل l فرماتے ہیں: ’’إسحاق بن نجيح المَلَطِي من أكذب الناس...‘‘ [10]. اسحاق بن نَجِیح اکذب الناس ہے۔

امام یحیی بن معین l فرماتے ہیں: ’’كذاب، عدو الله‘‘ [11]. یہ جھوٹا، اللہ کا دشمن ہے۔

امام علی بن مدینی l فرماتے ہیں: ’’روى عجائب، وضعفه‘‘ [12] . یہ عجائبات نقل کرتا ہے، پھر اس کی تضعیف کی۔

امام ابراہیم بن یعقوب جوزجانی l فرماتے ہیں: ’’غير ثقة، ولا من أوعية الأمانة‘‘[13].

امام بخاری l فرماتے ہیں: ’’منكر الحديث‘‘[14].

امام نسائی l فرماتے ہیں: ’’متروك الحديث‘‘[15].

حافظ ابن عدی l فرماتے ہیں: ’’وهذه الأحاديث التي ذكرتها مع سائرالروايات عند إسحاق بن نجيح عمن روي عنه، فكلها موضوعات، وضعهاهو...‘‘[16]. ’’اسحاق بن نَجِیح كی  اپنے مروی عنہم سے یہ تمام حدیثیں، جن کو میں نے ذکر کیا ہے، اور دیگر روایتیں تمام تر من گھڑت ہیں، ان روایتوں کو اسحاق ہی نے گھڑا ہے۔۔۔ ‘‘ ۔

امام ابواحمد حاکم l فرماتے ہیں: ’’منكر الحديث‘‘ [17].

حافظ ابو سعید نقاش l فرماتے ہیں: ’’مشهور بوضع الحديث ‘‘ [18]. یہ احادیث تراشنے میں شہرت یافتہ ہے۔

حافظ ابن جوزی l فرماتے ہیں: ’’أجمعوا على أنه كان يضع الحديث‘‘[19]. محدثین کا اس پر اجماع ہے کہ یہ حدیثیں گھڑتا تھا۔

حافظ ذہبی l فرماتے ہیں : ’’فيه إسحاق بن نَجِيْح كذاب...‘‘[20]. اس میں اسحاق بن نَجِیح کذاب ہے۔

حافظ ابن حجر l فرماتے ہیں: ’’كذبوه‘‘[21]. محدثین نے اسے کذاب کہا ہے۔