روایت: ’’ آپ ﷺ کا ارشاد ہے: ’’رحم الله رجلا قال: يا أهلاه! صلاتكم، صيامكم، زكاتكم، مسكينكم، يتيمكم، جيرانكم، لعل الله يجمعهم معه في الجنة‘‘. اللہ اس شخص پر رحم فرمائےجو کہے: اے گھر والو! اپنی نماز، اپنی زکوۃ، اپنے مسکین، اپنے یتیم، اپنے پڑوسی کی دیکھ بھال کرو، شاید اللہ تعالی اس کے ساتھ ان کو جنت میں اکٹھا کردے‘‘۔

علامہ زمخشریl رحمہ اللہ نے ’’الكشاف‘‘[1] میں زیر بحث روایت ان الفاظ سے ذکر کی ہے:

’’رحم الله رجلا قال: يا أهلاه! صلاتكم، صيامكم، زكاتكم، مسكينكم، يتيمكم، جيرانكم، لعل الله يجمعهم معه في الجنة‘‘. اللہ اس شخص پر رحم فرمائےجو کہے: اے گھر والو! اپنی نماز، اپنی زکوۃ، اپنے مسکین، اپنے یتیم، اپنے پڑوسی کی دیکھ بھال کرو، شاید اللہ تعالی اس کے ساتھ ان کو جنت میں اکٹھا کردے۔

اس روایت کو حافظ زیلعی l رحمہ اللہ نے ’’غریب‘‘ کہا ہے، اور حافظ ابن حجر عسقلانی l رحمہ اللہ فرماتے ہیں: ’’مجھے یہ حدیث نہیں ملی‘‘، الحاصل اسےرسول اللہ ﷺ کے انتساب سے بیان کرنا درست نہیں ہے، واللہ اعلم۔

 اسی مضمون پر مشتمل ایک ’’صحیح‘‘روایت امام ابو عبد اللہ حاکم l رحمہ اللہ نے ’’المستدرك‘‘[8] میں ان الفاظ سے تخریج کی ہے:

’’حدثنا أبو عبد الله محمد بن عبد الله الصفار، ثنا أحمد بن مهران الأصبهاني، ثنا عبيد الله بن موسى، أنبأ شيبان، عن الأعمش، عن علي بن الأقمر، عن الأغر أبي مسلم، عن أبي سعيد، وأبي هريرة، قالا: قال رسول الله صلى الله عليه وسلم: من استيقظ من الليل، وأيقظ أهله، فصليا ركعتين جميعا، كتبا من الذاكرين الله كثيرا والذاكرات‘‘.

حضرت ابو سعید r رضی اللہ عنہ اور حضرت ابو ہریرہ r رضی اللہ عنہ دونوں ارشاد فرماتے ہیں کہ رسول اللہ ﷺ نے ارشاد فرمایا: جو شخص رات کو بیدار ہوجائے، اور اپنی گھر والی کو (نیند سے) اٹھادے، پھر دونوں ایک ساتھ نماز پڑھیں تو وہ دونوں اُن مردوں اور عورتوں میں لکھے جائیں گے جو اللہ تعالی کو کثرت سے یاد کرتے ہیں۔

امام ابو عبد اللہ حاکم l رحمہ اللہ تخریج روایت کے بعد فرماتے ہیں: ’’هذا حديث صحيح على شرط الشيخين، ولم يخرجاه‘‘. یہ حدیث شیخین کی شرائط پر صحیح ہے، اور شیخین n رحمہم اللہ نے اس کی تخریج نہیں کی ہے۔