روایت: ’’جب آنحضرت ﷺ داڑھی میں تیل لگاتے تھے تو پہلے دونوں آنکھوں پر لگاتے تھے‘‘، یہ روایت نہیں ملی،البتہ یہ روایت کہ: ’’آپ ﷺ جب داڑھی میں تیل لگاتے تھے تو داڑھی بچہ سے شروع فرماتے‘‘،شدید ضعیف ہے۔

[1] سوال میں مذکور حدیث حافظ ابن حبان l نے ’’المجروحین‘‘ (۱/ ۲۴۴) میں ذکر کی ہے،آپ حسین بن علوان کے ترجمہ میں لکھتے ہیں :

×حسين بن عُلْوَان من أهل الكوفة، كان يضع الحديث على هشام بن عروة وغيره من الثقات وضعا لا تحل كتابة حديثه إلا على جهة التعجب، كذبه أحمد بن حنبل رحمه الله...÷.حسین عُلوَان اہل کوفہ میں سے تھا،ہشام بن عروہ اور ان کےعلاوہ ثقہ راویوں پر احادیث گھڑتا تھا،اس سے مروی روایات کو بطور تعجب ہی لکھا جائے،امام احمد بن حنبل l نے اس کو جھوٹا کہاہے۔۔۔‘‘۔

اس کے بعد حافظ ابن حبان l نے ’’هشام عن ابیه، عن عائشه، عن النبی صلى الله عليه وسلم‘‘ کی سند سے حسین بن علوان کی من گھڑت روایات ذکر کی ہیں،ان میں یہ روایت بھی ہے : ’’كان رسول الله صلى الله عليه وسلم  إذا ادهن بدهن جعل في راحته اليسرى وبدأ بحاجبيه شاربه[كذا في الأصل] ثم لحيته ثم رأسه‘‘. نبی اکرمﷺ جب تیل لگاتے تو اسے دائیں ہاتھ کی ہتھیلی میں لیتے، اور اَبرؤں سے تیل لگانا شروع کرتے، پھر مونچھوں پر، پھر داڑھی پر، اس کے بعد سر میں تیل لگاتے تھے۔

حافظ ابو الفضل مقدسی ابن قَیْسَرَانی l نے ’’تذكرة الحفاظ‘‘ (ص:۲۴۷،رقم:۵۸۶)میں اس روایت کو ذکر کرنے کے بعد لکھا ہے: ’’وحسين هذا من أهل الكوفة، يضع الحديث‘‘. یہ حسین اہل کوفہ میں سے ہے اور احادیث گھڑتا ہے۔

[2] الیواقیت الغالیۃ: داڑھی پر تیل لگانے سے پہلے آنکھوں پر لگانا ۔۔۔، ۱/۲۲۸۔