روایت: ’’اللہ تعالیٰ زمین والوں پر عذاب بھیجنے کا ارادہ فرماتے ہیں، پھر جب بچوں کی قرآنی تعلیم کو سنتے ہیں تو عذاب کو ہٹالیتے ہیں‘‘، یہ روایت کہیں نہیں ملی۔

[1] الیواقیت الغالیۃ: فاذاسمع الصبیان الخ کی تخریج،۱/۳۱۷ ۔

روایت ہذا کو امام ابو محمد عبداللہ بن عبدالرحمن دارمی l نے ’’مسندالدارمی ‘‘ (ص:۲۱۰۷، رقم:۳۳۸۸) میں ثابت بن عجلان انصاری سے نقل کیا ہے، ثابت بن عجلان انصاری صغار تابعین میں سے ہیں،اور موصوف نے اسے ’’کان یقال‘‘(کہا جاتا ہے) کے لفظوں سے ذکر کیا ہے،عبارت ملاحظہ ہو: ’’حدثنا مروان بن محمد، حدثنا رِفْدَة الغَسَّاني، حدثنا ثابت بن عَجْلَان الأنصاري، قال: كان يقال: إن الله لَيريد العذاب بأهل الأرض، فإذا سمع تعليم الصبيان الحكمة، صرف ذلك عنهم. قال مروان: يعني بالحكمة: القرآن‘‘.