روایت: ’’جو شخص کسی مالدار کے پاس آکر اس کے سامنے خاکساری کرے تو اس کا دو تہائی دین چلا گیا‘‘، یہ واہی (شدید ضعیف) ہے۔

’’سوال: ایک حدیث کی ضرورت پیش آئی اس لئے پرچہ لکھوا رہا ہوں، اس میں اس قسم کا مضمون ہے کہ جو کسی مالدار کی طرف اس کے مال کی وجہ سے جھکے فهو کذا وکذا، یاد تو یہ ہے کہ اس نے اپنے دین کو نقصان پہنچایا، حوالہ مطلوب ہے ۔

جواب:  مخدومی وسیدی مدظلہم العالی [یعنی حضرت شیخ الحدیث مولانا محمد زکریا صاحب l]

حدیث مذکورعلامہ سخاوی l نے ’’المقاصد الحسنہ‘‘ میں بحوالہ ’’شعبِ بیہقی‘‘ حضرت ابن مسعود r سے مرفوعاً بایں لفظ نقل کی ہے :

×من خضع لغني أو [كذا في الأصل، وفي نسختنا: و] وضع له نفسه إعظاما له وطمعا فیما قِبَلَه، ذهب ثلثا مُرُوْءَتِه وشطر دينه [عن ابن مسعود من قوله]. وفي لفظ: من دخل على غني فتضعضع له ذهب ثلثا دينه [ عن ابن مسعود مرفوعا].

 وللطَبَرَاني في الصغیر من حدیث أنس مرفوعا: من تضعضع لغني لینال مما في یدیه أسخط الله عز وجل . وفي لفظ: من تضعضع لغني لینال فضل ما عنده أحبط الله تعالى عمله .

 وهما واهيان جدا، حتى أن ابن الجوزي ذكرهما في الموضوعات مختصرا÷[1].‘‘

[(خلاصہ یہ کہ) یہ روایت مختلف صحابہ سے مختلف الفاظ کے ساتھ منقول ہے، چنانچہ حضرت عبد اللہ بن مسعود r سے منقول مرفوع روایت میں ہے: جو شخص کسی مالدار کے پاس آکر اس کے سامنے خاکساری کرے تو اس کا دو تہائی دین چلا گیا۔

حضرت انس بن مالک r کی حدیث میں ہے: جس نے کسی مالدار کے سامنے اس لئے خاکساری اختیار کی تاکہ وہ اس کے ہاتھوں کچھ حاصل کر لےتو اس شخص نے اللہ عز وجل کو ناراض کردیا۔ نیز حضرت انس بن مالک r ہی سے یہ الفاظ بھی منقول ہیں کہ ’’اللہ تعالیٰ ایسے شخص کے عمل کو غارت کر دیں گے‘‘۔

حافظ سخاوی l یہ دونوں روایتیں نقل کرکے لکھتے ہیں: یہ دونوں ’’شدید واہی‘‘ روایتیں ہیں، حتی کہ ابن جوزی l نے انھیں ’’موضوعات‘‘ میں ذکر کیا ہے]