روایت : حضرت ابوہریرہ r رضی اللہ عنہ کے سامنے ایک عورت کا زنا، پھر ولد ِزنا کے قتل کا اقرار کرنا، بالآخر اس کی توبہ کا قبول ہونا۔

امام ابوجعفر طبری l رحمہ اللہ نے ’’جامع البیان‘‘[1] میں اسے ان الفاظ سے تخریج  کیا ہے:

’’حدثني عبد الكريم بن عمير، قال: ثنا إبراهيم بن المنذر، قال: ثنا عيسى بن شعيب بن ثوبان مولى لبني الدِيْل من أهل المدينة، عن فُلَيْح الشَمَّاس، عن عبيد بن أبي عبيد، عن أبي هريرة قال: صليت مع رسول الله صلى الله عليه وسلم العتمة، ثم انصرفت، فإذا امرأة عند بابي، ثم سلمت ففتحت ودخلت، فبينا أنا في مسجدي أصلي، إذ نقرت الباب، فأذنت لها، فدخلت، فقالت: إني جئتك أسألك عن عمل عملت، هل لي من توبة؟ فقالت: إني زنيت وولدت، فقتلته، فقلت: لا، ولا نُعَمَة العين ولا كرامة، فقامت وهي تدعو بالحسرة، وتقول: يا حسرتاه! أخُلِق هذا الحسن للنار؟ قال: ثم صليت مع رسول الله صلى الله عليه وسلم الصبح من تلك الليلة، ثم جلسنا ننتظر الإذن عليه، فأذن لنا، فدخلنا، ثم خرج من كان معي، وتخلفت.

 فقال: ما لك يا أبا هريرة! ألك حاجة؟ فقلت له: يا رسول الله! صليت معك البارحة، ثم انصرفت، وقصصت عليه ما قالت المرأة، فقال النبي صلى الله عليه وسلم: ما قلت لها؟ قال: قلت لها: لا والله، ولا نُعْمَة العين ولا كرامة، فقال رسول الله صلى الله عليه وسلم: بئس ما قلت، أما كنت تقرأ هذه الآية: والذين لا يدعون مع الله إلها آخر ولا يقتلون النفس التي حرم الله إلا بالحق (الآية) إلا من تاب وآمن وعمل عملا صالحا (الآية).

فقال أبو هريرة: فخرجت، فلم أترك بالمدينة حصنا ولا دارا إلا وقفت عليها، فقلت: إن تكن فيكم المرأة التي جاءت أبا هريرة الليلة، فلتأتني ولتبشر، فلما صليت مع النبي صلى الله عليه وسلم العشاء، فإذا هي عند بابي، فقلت: أبشري، فإني دخلت على النبي، فذكرت له ما قلت لي، وما قلت لك، فقال: بئس ما قلت لها، أما كنت تقرأ هذه الآية؟ فقرأتها عليها، فخرت ساجدة، فقالت: الحمد لله الذي جعل مخرجا وتوبة مما عملت، إن هذه الجارية وابنها حران لوجه الله، وإني قد تبت مما عملت‘‘.

حضرت ابوہریرہ r رضی اللہ عنہ  فرماتے ہیں کہ میں نے رسول اللہ ﷺکے ساتھ عشاء کی نماز پڑھی، پھر میں نماز سے فارغ ہو کر گھر لوٹا تو دیکھا کہ ایک عورت دروازے پر کھڑی ہے، میں نے سلام کیا، دروازہ کھولا اورگھر میں داخل ہو گیا، میں گھر کی مسجد میں نماز پڑھ رہا تھاکہ اس عورت نے دروازہ کھٹکٹھایا، میں نے اسے اندر آنے کی اجازت دی، وہ اندر آئی اور کہنے لگی میں آپ کے پاس آئی ہوں، آپ سے ایک کام کے بارے میں پوچھنا چاہتی ہوں جو مجھ سے سرزد ہوگیا، کیا میرے لئے بخشش ہوسکتی ہے؟

پھر کہنے لگی کہ میں نے زنا کیاتھا جس سے ایک بچہ پیدا ہوا، اسے میں نے قتل کردیاتھا، حضرت ابوہریرہ r رضی اللہ عنہ  فرماتے ہیں : میں نے کہا کہ کوئی توبہ نہیں ہے، آنکھ ٹھنڈی نہ ہواور نہ ہی کوئی اکرام ہو، وہ عورت کھڑی ہوئی اور حسرت سے پکارنے لگی، ہائے افسوس ! کیا یہ حسن صرف آگ کےلئے پیدا کیا گیا ہے؟ ابوہریرہ r رضی اللہ عنہ  فرماتے ہیں کہ میں نے اس رات کی صبح کی نماز رسول اللہ ﷺکے ساتھ پڑھی، نماز سے فارغ ہونے کے بعد ہم آپ کی اجازت کا انتظار کرنے لگے، آپﷺنے ہمیں اجازت دی، ہم اندر داخل ہوئے، پھر وہ لوگ جو میرے ساتھ تھے وہ چلے گئے، میں ٹھہرا رہا، آپﷺنے مجھ سے پوچھا کیا بات ہے ابوہریرہr رضی اللہ عنہ  کوئی کام ہے؟

 میں نے کہا یارسول اللہ! کل رات کی نماز میں نے آپ کے ساتھ پڑھی تھی، پھر جب میں چلا گیا، اس کے بعد میں نے آپﷺکو اس عورت کا پورا قصہ بیان کردیا، نبیﷺنے فرمایا کہ تم نے اسے جواب میں کیا کہا؟ ابوہریرہr رضی اللہ عنہ  فرماتے ہیں کہ میں نے اس سے کہا کہ آنکھ ٹھنڈی نہ ہواور نہ ہی کوئی اکرام ہو، رسول اللہﷺنے فرمایا: تم نے بہت بری بات کہی، کیا تم نے یہ آیت نہیں پڑھی: ’’اور جو اللہ کے ساتھ کسی اور معبود کی پرستش نہیں کرتے، اور جس شخص کو اللہ نے حرام فرمایا ہے اس کو قتل نہیں کرتے، ہاں مگر حق پر، مگر جو توبہ کرے ایمان لے آئے اور نیک کام کرتا رہے‘‘۔

ابوہریرہ r رضی اللہ عنہ  فرماتے ہیں کہ میں وہاں سے نکلا، اور میں نے مدینہ کا کوئی محفوظ مقام، کوئی گھر نہیں چھوڑا جہاں جاکر میں نے یہ نہ کہا ہو، اگر تم میں وہ عورت موجود ہے جو رات ابوہریرہr رضی اللہ عنہ  کے پاس آئی تھی، تو وہ میرے پاس آئے اس کے لئے ایک خوشخبری ہے، پھر جب میں نے دوبارہ نبی ﷺکے ساتھ عشاءکی نماز پڑھی تو وہ میرے دروازے پر کھڑی تھی، میں نے کہا کہ تمہارے لئے بشارت ہے، میں نبی ﷺ کے پاس گیا اور جو کچھ تم نے مجھے کہا تھااور میں نے تمہیں کہا تھا، وہ سب میں نے آپﷺ سے بیان کردیا، آپ ﷺ نے فرمایا تم نے اس سے بہت بری بات کہی، کیا تم نے یہ آیت نہیں پڑھی، میں نے اس کے سامنے وہ آیات پڑھیں، تو وہ سجدہ میں گر پڑی، اور کہا تمام تعریفیں اللہ ہی کے لئے ہیں جس نے بچنے کا راستہ بنادیا، اور میرے فعل کی توبہ قبول کرلی، بےشک یہ عورت اور اس کا بچہ اللہ کےلئےآزاد ہیں، میں نے اپنے کئے سے توبہ کرلی ہے۔

’’حدثنا أبي رحمه الله تعالى، حدثنا أبو الحسين الفَرَّاء، عن أبي بكر، بإسناده عن أبي هريرة رضي الله تعالى عنه، قال: خرجت ذات ليلة بعدما صليت العشاء الآخرة مع رسول الله صلى الله عليه وسلم فإذا أنا بامرأة منتقبة قائمة على الطريق.......‘‘ .

’’حضرت ابوہریرہ r رضی اللہ عنہ  فرماتے ہیں کہ ایک رات کا ذکر ہے جب میں رسول اللہ ﷺ کے ساتھ عشاء کی نماز پڑھ کر فارغ ہوا، دیکھا کہ ایک عورت نقاب کئے ہوئے راستے میں کھڑی ہے۔۔۔ ‘‘۔

حافظ ابن جوزی l رحمہ اللہ ، حافظ ذہبی l رحمہ اللہ ، حافظ ابن حجر عسقلانی l رحمہ اللہ (حافظ ذہبی l رحمہ اللہ کے قول پر اکتفاء کرتے ہوئے)، حافظ سیوطی l رحمہ اللہ (حافظ ابن جوزی l رحمہ اللہ کے قول پر اکتفاء کرتے ہوئے) نے اس روایت کو من گھڑت کہا ہے، اس لئے اسے آپ ﷺ کی جانب منسوب کرنا درست نہیں ہے۔