عیسی بن شعیب بن ثوبان دِیلی مدینی

امام بخاری lنے ’’ التاریخ الکبیر‘‘[15] اور حافظ ابوحاتم l نے ’’الجرح والتعدیل‘‘[16] میں عیسی بن شعیب کا ترجمہ قائم کرکے سکوت کیا ہے۔

حافظ ابن حبان l نے عیسی بن شعیب کو ’’الثقات‘‘[17] میں ذکر کیا ہے۔

حافظ عقیلی l کا کلام گزر چکا ہے، یعنی : ’’ لا يتابع على حديثه هذا‘‘[18]. ان کی اس حدیث میں متابعت نہیں کی جاتی، اس کے بعد حافظ عقیلی l نے یہ حدیث تخریج کی ہے۔

حافظ ذہبی l موصوف کے بارے میں فرماتے ہیں: ’’ لا يعرف‘‘[19]. اس کے بعد زیرِ بحث روایت نقل کرکے اسے موضوع کہا ہے۔

حافظ ابن حجر عسقلانی l ’’التقریب‘‘[20] میں موصوف کو ’’طبقہ خامسہ‘‘  میں نقل کرکے فرماتے ہیں: ’’فيه لين‘‘.

حافظ ذہبی l نے ’’میزان الاعتدال‘‘ میں عیسی بن شعیب کو ’’ لا يعرف‘‘ کہاہے، لیکن ’’تلخیص کتاب الموضوعات‘‘[21] میں ’’واه‘‘ کہا ہے۔