’’حضرات حسنین q رضی اللہ عنہما کااپنی خوش خط آپ ﷺ کو،پھر ابوبکر r رضی اللہ عنہ کو، بالآخر اللہ کو دکھانا [معاذاللہ]‘‘،یہ محض افتراء اور کذب محض ہے، کہیں اس کی اصل نہیں،اس کا واعظ فاسق ہے اس کا وعظ سننا حرام ہے۔

’’سوال: واعظ مرقوم[اس کے حولہ سے اور بھی کئی سوال ہیں، جس میں سے ایک روزہ کے باب میں درج ہے، نور] نے بیان کیا کہ حضرت امام حسن وحسین q رضی اللہ عنہما  ایامِ طفولیت میں، بسم اللہ لکھ کر، حضرت رسالت پناہ کے حضور میں لے گئے، اور استفسار کیا کہ نانا جان!دونوں میں سے کون سی خوش خط ہے؟ حضرت e علیہ السلام  نے فرمایاکہ بیٹا میں کس کو خوشخط بتاؤں اور کس کو بدخط، مجھے تو تم دونوں برابر ہو، اگر ایک کو خوشخط بتاؤں گا تو بدخط والا رنجیدہ ہوگا، الغرض آپ نے کچھ جواب نہ دیا، پھر دونوں صاحبزادے صدیق اکبر r رضی اللہ عنہ  کے پاس گئے، اور کہا آپ فر مایئے،
ان میں سے کون سی اچھی ہے، اور کون سی بری ہے؟ آپ نے کہا کہ جب آں حضرت ﷺ نے نہیں بتایا، تو میں کیوں کر بتاؤں؟ غرض اسی طرح بہت سے مقاموں میں گئے، سب نے یہی کہا کہ جب جنابِ رسالت مآب وصدیق عالی صفات نے نہیں بتایا، تو ہم کیوں کر بتاویں، آخر میں حضرت حسنین q رضی اللہ عنہما   اللہ کے پاس گئے اللہ نے بھی وہی جواب دیا اور کہا کہ جب میرے رسول ﷺ اور میرے صدیق r رضی اللہ عنہ   نے بھی نہیں بتایا تو میں کیوں کر بتاؤں اور چلتے وقت ایک پر سرخ اور ایک پر سبز نشان کردیا۔

آیا یہ تینوں باتیں صحیح ودرست ہیں؟ مفصل تحریر فر مایئے، اور کیا مسئلہ ثانی کی تفسیر میں کسی مفسر نے یہ تحریر وتفسیر کی ہے اور کیا تیسری روایت[یعنی زیرِ بحث]، سنیوں کی کسی معتبر کتاب میں پائی جاتی ہےیا نہیں؟۔

جواب: یہ قصہ [حضرات] حسنین q رضی اللہ عنہما  کا محض افتراء اور کذب محض ہے، کہیں اس کی اصل نہیں، اور ایسی حکایاتِ واہیہ بے معنی کرنے والا خر[گدھا،احمق]بے تمیز ہے، اس کا ہر گز وعظ نہ سننا چاہئے، ایسا واعظ گمراہ کرنے والا ہے اور ایسا وعظ سننا بھی حرام ہے۔

{قال رسول الله صلى الله عليه وسلم: من كذب عليّ متعمدا فليتبوأ مقعده من النار}.

ترجمہ: جو کوئی جھوٹ بولے مجھ پر جان کر، چاہئے کہ وہ ٹھکانہ کرلیوے اپنا آگ میں(ت۔ن)۔

پس یہ کہانی واہیہ، افتراء علی رسول اللہ ﷺ ہے، ایسا واعظ فاسق گمراہ کنندہ ہے، اور اس کا وعظ سننا حرام ہے، فقظ واللہ تعالیٰ اعلم‘‘[1]۔