روایت: بسم اللہ کی میم الحمد کی لام کے ساتھ ملا کر آخر تک پڑھنےپر چار انعامات کا ملنا

 یہ روایت علامہ صوفی ابوبکر احمد بن علی بن حسین بن زکریا طُرَیْثِیثی المعروف بابن زہراء (المتوفی۴۹۷ھ)کی  ’’أحاديث مسلسلات‘‘[1] میں ان الفاظ کے ساتھ تخریج کی گئی ہے:

 ’’حدثنا الشيخ القاضي الإمام أبو عبد الله بن خَمِيْس، قال: بالله العظيم، لقد حدثنا شيخنا الطُرَيْثِيْثِي، وقال: بالله العظيم، لقد حدثنا الرئيس أبو بكر الفضل بن محمد الكاتب الهَرَوِيْ، في جامع المنصور، في جمادى الآخرة، سنة أربع وستين وأربع مائة، قدم علينا حاجا، وقال: بالله العظيم، لقد حدثنا الشيخ الإمام أبو بكر محمد بن علي الساشي [كذا في الأصل] الشافعي، من لفظه، بكرهور [كذا في الأصل] من بلاد الهندِ،,وقال: بالله العظيم، لقد حدثنا عبد الله المعروف بأبي نصر السرخسي، وقال: بالله العظيم، لقد حدثنا الشيخ الإمام أبو بكر محمد بن الفضل، وقال: بالله العظيم، لقد حدثنا أبو عبد الله محمد بن علي بن يحيى الوراق الفقيه، وقال: بالله العظيم، لقد حدثني محمد بن يونس الطويل الفقيه، وقال: بالله العظيم، لقد حدثني محمد بن الحسن العلوي الزاهد، وقال: بالله العظيم، لقد حدثني موسى بن عيسى، وقال: بالله العظيم، لقد حدثني أبو بكر الراجفي, بالبصرة، وقال: بالله العظيم، لقد حدثني عمار بن موسى البَرْمَكِيْ، فقال: بالله العظيم، لقد حدثني أنس بن مالك، وقال: بالله العظيم، لقد حدثني علي بن أبي طالب، وقال: بالله العظيم، لقد حدثني أبو بكر رضي الله عنه، وقال: بالله العظيم، لقد حدثني المصطفى صلى الله عليه وسلم، وقال: بالله العظيم، لقد حدثني جبريل، وقال: بالله العظيم، لقد حدثني ميكائيل عليه السلام، وقال: بالله العظيم، لقد حدثني إسرافيل عليه السلام، وقال:,قال الله تبارك وتعالى: يا إسرافيل! بعزتي وجلالي، وجودي وكرمي، من قرأ: بسم الله الرحمن الرحيم متصلة بفاتحة الكتاب مرة واحدة، أشهدوا على أني قد غفرت له، وقبلت منه الحسنات، وتجاوزت عنه السيئات، ولا أحرق لسانه في النار، وأجيره من عذاب القبر، وعذاب النار، وعذاب القيامة، والفزع الأكبر، ويلقاني قبل الأنبياء والأولياء‘‘.

 شیخ قاضی ابو عبد اللہ بن خَمِیْس کہتے ہیں کہ باللہ العظیم ہمیں بیان کیا ہمارے شیخ طُرَیْثِیثی نے، اور وہ کہتے ہیں کہ باللہ العظیم ہمیں بیان کیا ابوبکر فضل بن محمد کاتب ہَرَوِی نے جامع منصور میں جمادی الآخرہ سن ۴۶۴ ھ میں، وہ ہمارے پاس حج کےلئے آئےتھے، اور وہ کہتے ہیں کہ باللہ العظیم ہمیں بیان کیا شیخ ابوبکر محمدبن علی ساشی شافعی نے اپنے ان الفاظ سےمقام کرہورمیں جو بلاد ہند کا ایک شہر ہے، اور وہ کہتے ہیں کہ باللہ العظیم ہمیں بیان کیا عبد اللہ نے جو ناصر سرخسی کےنام سے معروف ہیں، اور وہ کہتے ہیں کہ باللہ العظیم ہمیں بیان کیا شیخ ابوبکر محمد بن فضل نے، اور وہ کہتے ہیں کہ باللہ العظیم مجھے بیان کیا ابو عبد اللہ محمد بن علی بن یحیی وراق فقیہ نے، اور وہ کہتے ہیں کہ باللہ العظیم ہمیں بیان کیا محمد بن یونس طویل فقیہ نے، اور وہ کہتے ہیں کہ باللہ العظیم مجھے بیان کیا محمد بن حسن علوی زاہد نے، اور وہ کہتے ہیں کہ باللہ العظیم مجھے بیان کیا موسی بن عیسی نے، اور وہ کہتے ہیں کہ باللہ العظیم مجھے بیان کیا ابوبکر راجفی نے بصرہ میں، اور وہ کہتے ہیں کہ باللہ العظیم مجھے بیان کیا عمار بن موسی بَرْمَکِی نے، اور وہ کہتے ہیں کہ باللہ العظیم مجھے بیان کیا انس بن مالک r رضی اللہ عنہ  نے، اور وہ فرماتے ہیں کہ باللہ العظیم مجھے بیان کیاعلی بن ابی طالب r رضی اللہ عنہ  نے، اور وہ فرماتے ہیں کہ باللہ العظیم مجھے بیان کیا حضرت ابوبکر r رضی اللہ عنہ  نے، اور وہ فرماتے ہیں کہ باللہ العظیم مجھے بیان کیا محمد مصطفی ﷺنے:

 آپﷺ فرماتے ہیں کہ باللہ العظیم مجھے بیان کیا جبریل e علیہ السلام نے، اور جبریل e علیہ السلام فرماتے ہیں کہ باللہ العظیم مجھے بیان کیا میکائیل e علیہ السلام نے، اور میکائیل e علیہ السلام فرماتے ہیں کہ باللہ العظیم مجھے بیان کیا اسرافیل e علیہ السلام نے، اور اسرافیل e علیہ السلام کہتے ہیں: اللہ تبارک وتعالی نے ارشاد فرمایا: اے اسرافیل! میری عزت وجلال، جود وکرم کی قسم! جس شخص نےبسم اللہ الرحمن الرحیم سورہ ٔفاتحہ کے ساتھ ملا کر ایک مرتبہ پڑھی، تو تم لوگ اس بات کے گواہ رہو  کہ میں اس کی بخشش کر دوں گا، اور اس کی نیکیاں قبول کروں گا، اور اس کے گناہوں سے درگزر کروں گا، اور اس کی زبان کو آگ میں نہیں جلاؤں گا، اور اسے قبر اور جہنم اور قیامت کے عذاب سے، اور بڑے دردناک دن  سے بچاؤں گا، اور وہ انبیاء E علیہ الصلاۃ والسلام اور اولیاء سے پہلے مجھ سے ملے گا۔

 حافظ ابن جوزیl رحمہ اللہ نے  ’’ كتاب المسلسلات‘‘[2] میں اپنی متصل سند سے، حافظ ابوالقاسم محمد بن عبد الواحد غافقی اندلسی l رحمہ اللہ (المتوفی 619ھ)نے  ’’كتاب لمحات الأنوار ونفحات الأزهار‘‘[3] میں، نیز علامہ ابو الفیض محمد یاسین بن محمد عیسی فادانی مکی (المتوفی ۱۴۱۱ھ)نے اپنی مسلسلات ’’العجالة في أحاديث المسلسلة‘‘[4] میں اسے اپنی متصل سند سے علامہ ابوبکر احمد بن علی طُرَیْثِیثی کے طریق سے تخریج کیا ہے۔

علامہ ابوبکر ابن العربی نے بھی  ’’الفتوحات المكية‘‘[5] میں بالکل ختمِ کتاب پر  ’’الباب الموفی ستین و خمسمائہ‘‘ میں اس روایت کی تخریج کی ہے،اور علامہ ابوبکر ابن العربی l رحمہ اللہ   کے طریق سے علامہ محمد بن احمد بن سعید حنفی مکی l رحمہ اللہ (المتوفی 1150ھ)نے  ’’الفوائد الجليلة في مسلسلات ابن عقيلة‘‘ [6] میں اس کی تخریج کی ہے، تمام سندیں سند میں موجود راوی ابوبکر فضل بن محمد کاتب ہروی پر آکر مشترک ہوجاتی ہیں۔

علامہ ابن عراق l رحمہ اللہ  ’’تنزيه الشريعة‘‘[8] میں فرماتے ہیں:

 ’’أبو حفص المَيَّانِشِيْ  في المجالس المكية مسلسلا بالحلف بالله العظيم، وإنه لكذب بين وبهتان عظيم‘‘.

 ابو حفص مَیَّانِشی نے  ’’مجالس مكیہ‘‘میں باللہ العظیم کی قسم کے تسلسل کے ساتھ اسے تخریج کیا ہے، (علامہ ابن عراق l رحمہ اللہ فرماتے ہیں)بےشک یہ واضح جھوٹ اور عظیم بہتان ہے۔

علامہ قاؤقجی l رحمہ اللہ  ’’اللؤلؤ المرصوع‘‘[9] میں لکھتے ہیں:

  ’’وقد أنكره السخاوي تسلسلا ومتنا، وشنع الكلام [عليه], وقال: لولا قصد بيانه ما استبحت حكايته، قبح الله واضعه، لكن انتصر لرده المحقق إبراهيم الكُوْرَانِيْ [كذا في الأصل]، وذكره العارف محيي الدين بن عربي في الفتوحات المكية، وفي كتابه مشكاة الأنوار، وهو من أهل العِلْمَيْن، فالحديث وإن لم يصح بطريق النقل فقد صح من طريق الكشف، والله أعلم‘‘.

 سخاوی l رحمہ اللہ نے اس کے تسلسل و متن دونوں پر انکار کیا ہے،اور اس کی قباحت بیان کی ہے، نیز  فرمایا ہے کہ اگر اس کی صورتحال واضح کرنے کا ارادہ نہ ہوتا تو مجھے اس کا نقل کرنا بھی گوارہ نہ تھا، اللہ اس کے گھڑنے والے کا بُرا کرے، لیکن محقق ابراہیم کورانی l رحمہ اللہ نے ان کے رد کی تائید کی ہے[اصل میں اسی طرح ہے، محمد طارق]، اور اسے عارف محی الدین بن عربی نے  ’’فتوحات مکیہ‘‘اور  ’’مشکاۃ الانوار‘‘میں ذکر کیا ہے، اورمحی الدین بن عربی دونوں علوم کی اہلیت رکھتے ہیں،الحاصل یہ حدیث اگرچہ نقل کے طریقے پر صحیح نہیں ہے لیکن کشف کے طریقے پر صحیح ہے، واللہ اعلم۔

واضح رہے کہ حضرات محدثین کے نزدیک کشف کے ذریعے کسی حدیث کو صحیح قرار دینے کا کوئی اعتبار نہیں ہے،چنانچہ شیخ عبد الفتاح ابو غدہ  l رحمہ اللہ ایک موقع پر محدثین کے نزدیک مکاشفات سے ثبوت ِ حدیث کی نفی کرنے کے بعد لکھتے ہیں:

 ’’ويشير الإمام الآلوسي رحمه الله تعالى بهذا إلى أنه لا عبرة بالتصحيح الكشفي عند المحدثين، وهو كذلك.... ويزيد في لزوم التمسك بأقوال الحفاظ المحدثين العارفين بهذا الشأن، فهم أصحاب الحق والمرجع المتبع في التصيح والتضعيف، بما سنوه من قواعدهم لحفظ سنة رسول الله + من أن يدخل عليها ماليس منها‘‘[10] .

امام آلوسی l رحمہ اللہ اپنے اس کلام سے اس طرف اشارہ فرمارہے ہیں کہ محدثین کے نزدیک کشف کے ذریعے کسی حدیث کو صحیح قرار دینے کا کوئی اعتبار نہیں ہے، اور حقیقت بھی یہی ہے۔۔۔حدیث کی معرفت رکھنے والے محدثین اور حفاظ کے اقوال کو اختیار کرنا ایک لازمی امر ہے، یہی لوگ اہل حق ہیں، اور حدیث کی تصحیح اور تضعیف میں یہی لوگ قابل ِ اقتداء اور مرجع ہیں، کیونکہ سنت ِ رسول اللہ ﷺکو غیر متعلقہ مواد سے محفوظ رکھنے کےلئے، ان محدثین ہی نے اصول و قواعد وضع کئے ہیں۔