افطار کی دعا: ’’اللّهم لك صمت وبك آمنت وعليك توكلت وعلى رزقك أفطرت‘‘.

ملاعلی قاری l رحمہ اللہ  ’’مرقاة المفاتیح‘‘[2] میں’’سنن أبی داؤد‘‘ کی مذکورہ روایت نقل کرکے لکھتے ہیں:

’’وأما ما اشتهر على الألسنة: اللهم لك صمت وبك آمنت وعلى رزقك أفطرت، فزيادة: وبك آمنت. لا أصل لها، وإن كان معناها صحيحا، وكذا زيادة: وعليك توكلت. ولصوم غد نويت. بل النية باللسان من البدعة الحسنة‘‘.

اور یہ دعا زبان زدعام ہے: ’’اللهم لك صمت وبك آمنت وعلى رزقك أفطرت‘‘.اس دعا میں لفظِ : ’’وبك آمنت‘‘. کا اضافہ بے اصل ہے، اگرچہ اس کا معنی درست ہے، اسی طرح یہ اضافہ بھی بے اصل ہے: ’’وعليك توكلت‘‘. (اور یہ بھی بے اصل ہے) ’’ولصوم غد نويت‘‘. بلکہ زبان سے نیت کرنا ایک پسندیدہ امرنو ہے (اگرچہ آپ ﷺ سے ان الفاظ سے نیت ثابت نہیں )۔

ملاعلی قاری l رحمہ اللہ  فرمارہے ہیں کہ دعا کے یہ الفاظ آپ ﷺ سے ثابت ہیں: ’’اللهم لك صمت وعلى رزقك أفطرت‘‘. اور اس دعا کو آپ ﷺ کے انتساب سے بیان کرنا بلاشبہ درست ہے۔

اس روایت میں لوگوں نے یہ دو اضافے کردیے ہیں، جو درحقیقت آپﷺ سے اس دعا میں ثابت نہیں: 1 ’’وبك آمنت‘‘. 2 (2) ’’وعليك توكلت‘‘. اس لئے ان دو لفظوں کو دعا میں حضور ﷺ کی جانب منسوب کرنا درست نہیں ہے۔

نیز یہ بھی آپ ﷺ سے ثابت نہیں ہے کہ روزے کی نیت ان الفاظ سے کی جائے : ’’ولصوم غد نويت‘‘. البتہ زبان سےنیت کرنا پسندیدہ بات ہے، اگرچہ مذکورہ الفاظ سے نیت آپ ﷺ سے ثابت نہیں ہے،اس لئے ان الفاظ سے محض نیت کرنے میں کوئی حرج نہیں،تاہم ان الفاظ سے نیت کرنے کو رسالت مآب ﷺ کی جانب منسوب کرنا درست نہیں ۔