روایت: ’’رسول اللہ ﷺ نے فرمایا: جو شخص اپنے بستر پر پہنچ کر سورۂ تبارک الذی پڑھے پھر چار مرتبہ کہے: ’’اللهم رب الحل والحرم والبلد الحرام، والركن، والمقام، والمشعر الحرام، بلغ روح محمد مني تحية وسلاما‘‘. اے حل، حرم، شہر حرام، رکن یمانی، مقام ابراہیم اور مشعر حرام کے پروردگار! میری طرف سے محمد ﷺ کی روح کو درود وسلام بھیج دیجئے، تو اللہ تعالی اس کے لئے دو فرشتے مقرر فرماتے ہیں، وہ دونوں محمد ﷺ کی خدمت میں حاضر ہوتے ہیں، چنانچہ وہ دونوں آپ کی خدمت میں عرض کرتے ہیں، اے محمد! فلاں بن فلاں نے آپ کو سلام پیش کیا ہے، تو آپ ﷺ اس کے جواب میں فرماتے ہیں: میری طرف سے فلاں بن فلاں پر سلام ہو، اور اللہ کی رحمت اور اس کی برکتیں ہوں‘‘۔

زیر بحث روایت حافظ آدم بن ابی ایاس l رحمہ اللہ نے اپنے ایک ’’جزء‘‘[2] میں اور حا فظ آدم بن ابی ایاس l رحمہ اللہ کے طریق سے حافظ ابو الشیخ اصبہانی l رحمہ اللہ نے ’’طبقات المحدثين‘‘[3] میں تخریج کی ہے، اور حافظ ابو الشیخ اصبہانی l رحمہ اللہ   کے طریق سے حافظ ابو العباس مستغفری l رحمہ اللہ نے ’’دلائل النبوة‘‘[4] میں، علامہ ابو الحسن علی بن احمد ہکاری l رحمہ اللہ نے ’’هدية الأحياء‘‘[5] میں، علامہ یحیی بن حسین شجری l رحمہ اللہ نے ’’الأمالي‘‘[6] میں اور حافظ ضیاء الدین مقدسی l رحمہ اللہ نے ’’الأحاديث المختارة‘‘[7] میں تخریج کی ہے۔

اور حافظ ابن عبد الہادی l رحمہ اللہ نے ’’الصارم المنكى‘‘[8] میں حافظ ضیاء الدین مقدسی l رحمہ اللہ کے طریق سے اس کی تخریج کی ہے۔

واضح رہے کہ ’’طبقات المحدثین‘‘، ’’دلائل النبوہ‘‘، ’’امالی‘‘ اور ’’الصارم المنکی‘‘ میں زیر بحث روایت میں ابو قرْصافہ r رضی اللہ عنہ کی قلعہ پر چڑھ کر آواز لگانے والی حکایت بھی موجود ہے[9]۔

قطع نظر مرفوع روایت کے خاص اس حکایت سے متعلق اہم نوٹ تحقیق کے آخر میں ملاحظہ فرمائیں۔

حافظ ابن عبد الہادی l رحمہ اللہ ’’الصارم المنكى‘‘[10] میں زیر بحث روایت کی تخریج کے بعد فرماتے ہیں:

’’هكذا أخرجه الحافظ أبو عبد الله في الأحاديث المختارة، وقال: لا أعرف هذا الحديث،إلا بهذا الطريق وهو غريب جدا، وفي رواته من فيه بعض المقال‘‘.

 حافظ ابو عبد اللہ l رحمہ اللہ نے ’’الاحادیث الختارہ‘‘ میں اس حدیث کی تخریج اسی طرح کی ہے، اور وہ فرماتے ہیں: مجھے صرف اسی طریق سے اس حدیث کی معرفت ہے، اور یہ غریب جداً ہے، اور اس کے راویوں میں ایسے افراد بھی ہیں جن پر کچھ کلام ہوا ہے۔

حافظ ابن قیم الجوزیہ l رحمہ اللہ ’’جلاء الأفهام‘‘[11] میں زیر بحث روایت نقل کرکے فرماتے ہیں:

’’قلت: وأبو قِرْصافة ذكره ابن عبد البر في كتابه الصحابة، وقال: اسمه جَنْدَرَة من بني كنانة، له صحبة، سكن فلسطين، وقيل: كان يسكن تهامة، ولكن محمد بن نشر هذا هو المدني، قال فيه الأزدي: متروك الحديث، مجهول، وقلت: وعلة الحديث أنه معروف من قول أبي جعفر الباقر، وهذا أشبه، والله أعلم‘‘.

میں کہتا ہوں: اور ابو قرْصافہ کو ابن عبد البر l رحمہ اللہ نے اپنی  کتاب ’’الصحابہ‘‘ میں ذکر کیا، اور فرمایا ہے: ان کا نام ’’جَنْدَرَہ‘‘ہے، قبیلہ بنو کنانہ سے ان کا تعلق ہے، ان کو صحبت (نبی ﷺ کی صحابیت) کا شرف حاصل ہے، فلسطین کو مسکن بنایا ہے، اور یہ بھی کہا گیا ہے کہ ’’تہامہ‘‘ میں رہا کرتے تھے، لیکن (سند میں موجود راوی) محمد بن نشر یہ مدنی ہے، جس کے بارے میں ازدی l رحمہ اللہ فرماتے ہیں: متروک الحدیث، مجہول ہے، (حافظ ابن قیم l رحمہ اللہ فرماتے ہیں) میں کہتا ہوں: حدیث کی علت یہ ہے کہ یہ ابو جعفر باقر l رحمہ اللہ کے قول کے طور پر مشہور ہے، اور یہی بات اشبہ ہے، واللہ اعلم۔

واضح رہے کہ تلاش بسیار کے باوجود زیرِ بحث سیاق والفاظ سے یہ روایت امام ابو جعفر باقر l رحمہ اللہ کے قول کے طور پر تاحال نہیں مل سکی ہے، البتہ بعض کتب میں مزدلفہ میں داخلہ کے وقت[12]، اور بعض میں قبر النبی ﷺ کے قریب[13] روایت میں مذکور صرف دعاء کے کلمات پڑھنے کا ذکر ہے، یہ بھی واضح رہے کہ زیرِ بحث روایت اپنے مخصوص مضمون کی وجہ سے امام ابو جعفر باقر l رحمہ اللہ   کی جانب منسوب ہوکر بھی حکماً مرفوع کہلائے گی، جس کی سند نہیں ملتی، اس لئے امام ابو جعفر باقر l رحمہ اللہ کی جانب منسوب قول سے زیرِ بحث کا مکمل سیاق والفاظ مراد لینا اس کی سند ملنے تک موقوف رکھا جائے، واللہ اعلم۔

حافظ ابن ناصر الدین دمشقی l رحمہ اللہ ’’جامع الآثار‘‘[14] میں زیر بحث روایت نقل کرکے فرماتے ہیں:

’’إسحاق الرملي حدث من حفظه فأخطأ في أحاديث، قاله أبو نعيم الأصبهاني، ولعل هذا الحديث مما أخطأ فيه، فإنه جاء عن أبي جعفر محمد بن علي الباقر من قوله، والله أعلم‘‘.

اسحاق رملی اپنے حفظ سے احادیث بیان کرتے ہوئے غلطی کر بیٹھتے تھے، یہ بات ابو نعیم اصبہانی l رحمہ اللہ نے کہی ہے، اور شاید یہ حدیث بھی انہی احادیث میں سے ہے، جن میں ان سے خطا ہوئی ہے، کیوں کہ یہ حدیث ابو جعفر محمد بن علی باقر l رحمہ اللہ سے ان کے قول کے طور پر آئی ہے، واللہ اعلم۔

علامہ ابو العباس مقریزی l رحمہ اللہ ’’إمتاع الأسماع‘‘[15] میں زیر بحث روایت نقل کرکے فرماتے ہیں:

’’ومحمد بن بشر المدني قال فيه الأزدي: متروك الحديث، مجهول، ولهذا الحديث مع ذلك علة، وهي أنه معروف من قول أبي جعفر محمد الباقر‘‘. اور محمد بن بشر یہ مدنی ہے جس کے بارے میں ازدی l رحمہ اللہ فرماتے ہیں: متروک الحدیث، مجہول ہے، اور اس کے ساتھ ساتھ اس حدیث میں علت ہے، اور وہ یہ کہ یہ حدیث ابو جعفر محمد باقر l رحمہ اللہ کے قول سے مشہور ہے۔

حافظ سخاوی l رحمہ اللہ ’’القول البديع‘‘[16] میں زیر بحث روایت نقل کرکے فرماتے ہیں:

’’رواه أبو الشيخ، ومن طريقه الديلمي في مسند الفردوس له، وكذا الضياء في المختارة، وقال: لا أعرف هذا الحديث إلا بهذا الطريق، وهو غريب جدا، و في رواته من فيه بعض المقال، انتهى، وقال ابن القيم: إنه معروف من قول أبي جعفر، وإنه أشبه، والله أعلم‘‘.

اسے ابو الشیخ l رحمہ اللہ نے روایت کیا ہے، اور ان کے طریق سے دیلمی l رحمہ اللہ نے ’’مسند الفردوس‘‘ میں اور اسی طرح ضیاء l رحمہ اللہ نے ’’مختارہ‘‘ میں روایت کیا ہے، اور فرمایا ہے: مجھے صرف اسی طریق سے اس حدیث کی معرفت ہے، اور یہ غریب جداً ہے، اور اس کے راویوں میں ایسے افراد بھی ہیں جن پر کچھ کلام ہوا ہے انتہی، اور ابن قیم l رحمہ اللہ فرماتے ہیں: یہ حدیث ابو جعفر l رحمہ اللہ کے قول کے طور پر مشہور ہے، اور یہی بات اشبہ ہے، واللہ اعلم۔

حافظ سیوطی l رحمہ اللہ نے اسے ’’الزيادات‘‘[17] میں ذکر کرکے ’’من گھڑت‘‘ روایات میں شمار کیا ہے۔

حافظ ابن عراق l رحمہ اللہ ’’تنزيه الشريعة‘‘[18] میں زیر بحث روایت نقل کرکے فرماتے ہیں:

’’(قلت:) لم يذكر علة، وفي إدخاله في الموضوعات نظر، فإن الضياء أخرجه في المختارة، وقال: لا أعرفه إلا بهذا الطريق، وهو غريب جدا، وفي رواته من فيه بعض المقالات انتهى، وذكر ابن القيم أنه معروف من قول أبي جعفر محمد بن علي، وأنه أشبه، والله تعالى أعلم‘‘.

 میں کہتا ہوں:سیوطی l رحمہ اللہ نے کوئی علت ذکر نہیں کی،اور اس کو ’’موضوعات‘‘ میں داخل کرنے میں نظر ہے، کیونکہ ضیاء l رحمہ اللہ نے ’’مختارہ‘‘ میں اس کی تخریج کی ہے، اور فرمایا ہے: مجھے صرف اسی طریق سے اس حدیث کی معرفت ہے، اور یہ غریب جداً ہے، اور اس کے راویوں میں ایسے افراد بھی ہیں جن پر کچھ کلام ہوا ہے انتہی، اور ابن قیم l رحمہ اللہ   نے ذکر کیا ہے کہ یہ ابو جعفر محمد بن علی l رحمہ اللہ کے قول سے معروف ہے، اور یہی اشبہ ہے، واللہ تعالی اعلم۔

حافظ ابو نعیم اصبہانی l رحمہ اللہ ’’تاريخ أصبهان‘‘[19] میں فرماتے ہیں: ’’حدث بأحاديث من حفظه فأخطأ فيها‘‘.یہ اپنے حفظ سے احادیث بیان کرتا ہے، چنانچہ ان میں خطا کرتا ہے۔

امام نسائی l رحمہ اللہ فرماتے ہیں: ’’لا أدري ما هو‘‘[20]. مجھے معلوم نہیں کہ یہ کون ہے۔

اسی طرح امام نسائی l رحمہ اللہ ایک مقام پر فرماتے ہیں: ’’كتبت عنه، ولم أقف عليه‘‘[21]. میں نے اس سے لکھا ہے، اور میں اس پر واقف نہیں ہوسکا ہوں۔

امام نسائی l رحمہ اللہ نے ایک مقام پر اسے ’’صالح‘‘ کہا ہے[22]۔

حافظ ذہبی l رحمہ اللہ ’’تاريخ الإسلام‘‘[23] میں فرماتے ہیں: ’’دخل أصبهان، وحدث بها بأحاديث من حفظه عن آدم بن أبي إياس، فأخطأ في بعضها‘‘. یہ اصبہان میں آیا تھا، اور یہ اصبہان میں آدم بن ابی ایاس l رحمہ اللہ کے انتساب سے اپنے حفظ سے احادیث بیان کرتا تھا، چنانچہ بعض احادیث میں خطا کرتا تھا۔

حافظ ابن حجرعسقلانی l رحمہ اللہ ’’التقريب‘‘[24] میں فرماتے ہیں: ’’صدوق أخطأ في أحاديث‘‘. یہ صدوق ہے، احادیث میں خطا کرتا ہے۔

حافظ ازدی l رحمہ اللہ ، محمد بن نشر مدنی کے بارے میں فرماتے ہیں: ’’متروك الحديث، مجهول‘‘[25]. محمد بن نشر مدنی متروک الحدیث، مجہول راوی ہے۔

حافظ ابن جوزی l رحمہ اللہ نے ’’الضعفاء‘‘[26] میں، حافظ ابن قیمl رحمہ اللہ نے ’’جلاء الأفهام‘‘[27] میں اور علامہ ابو العباس مقریزی l رحمہ اللہ نے ’’إمتاع الأسماع‘‘[28] میں حافظ ازدی l رحمہ اللہ کے قول پر اعتماد کیا ہے۔

حافظ ذہبی l رحمہ اللہ ’’ميزان‘‘[29] اور ’’المغني‘‘[30] میں فرماتے ہیں: ’’عن عمرو بن نجيح، نكرة لا يعرف‘‘.عمرو بن نجیح سے روایت کرتا ہے، ’’نکرۃ‘‘ ہے، اس کی معرفت نہیں ہے۔

واضح رہے کہ تلاش بسیار کے باوجود زیرِ بحث سیاق والفاظ سے یہ روایت امام ابو جعفر باقر l رحمہ اللہ کے قول کے طور پر تاحال نہیں مل سکی ہے، البتہ بعض کتب میں مزدلفہ میں داخلہ کے وقت، اور بعض میں قبر النبی ﷺ کے قریب، روایت میں مذکور صرف دعاء کے کلمات پڑھنے کا ذکر ہے، یہ بھی واضح رہے کہ زیرِ بحث روایت اپنے مخصوص مضمون کی وجہ سے امام ابو جعفر باقر l رحمہ اللہ   کی جانب منسوب ہوکر بھی حکماً مرفوع کہلائے گی، جس کی سند نہیں ملتی، اس لئے امام ابو جعفر باقر l رحمہ اللہ کی جانب منسوب قول سے زیرِ بحث کا مکمل سیاق والفاظ مراد لینا اس کی سند ملنے تک موقوف رکھا جائے، واللہ اعلم۔

الحاصل سابقہ ائمہ کرام کی تصریح کا حاصل یہ ہے کہ زیرِ بحث روایت کو رسول اللہ ﷺ کی جانب منسوب کرنا درست نہیں ہے، واللہ اعلم۔

مرفوع روایت کا حکم گزر چکا ہے، تاہم سابقہ ذکر کردہ بعض مصادر میں مرفوع روایت کے ساتھ حضرت ابو قرْصافہ r رضی اللہ عنہ   کی ایک حکایت بھی ذکر کی گئی تھی، صرف وہ حکایت بعض دیگر معتبر طرق سے ثابت ہے، چنانچہ امام طبرانی l رحمہ اللہ ’’المعجم الكبير‘‘[31] میں تخریج فرماتے ہیں:

’’حدثنا محمد بن الخزر الطبراني، ثنا أيوب بن علي بن الهيصم، ثنا زياد بن سيار، حدثتني عَزّة بنت عياض بن أبي قِرْصافة، قالت: أسر الروم ابنا لأبي قرصافة، فكان أبو قِرْصافة إذا كان وقت كل صلاة صعد سور عسقلان، ونادى: يا فلان! الصلاة، فسمعه، وهو في بلد الروم‘‘.

عَزہ بنت ابی قرْصافہ فرماتی ہیں: روم کے امیر نے ابو قرْصافہ کے بیٹے کو قید کرلیا، چنانچہ جب بھی نماز کا وقت ہوتا تو ابو قرْصافہ عسقلان کی فصیل پر چڑھ کر آواز لگاتے، اے فلان! نماز، تو ابو قرْصافہ کا بیٹا ان کی آواز روم کے شہر میں ہی  سن لیتا تھا۔

یہی حکایت حافظ ابو نعیم اصبہانی l رحمہ اللہ نے ’’معرفة الصحابة‘‘[32] میں امام طبرانی l رحمہ اللہ کے طریق سے تخریج کی ہے، نیز حافظ ابن ابی عاصم l رحمہ اللہ نے بھی  ’’الآحاد‘‘[33] میں اس کی تخریج کی ہے۔

حافظ ہیثمی l رحمہ اللہ ’’مجمع الزوائد‘‘[34] میں اس حکایت کو نقل کرنے کے بعد فرماتے ہیں: ’’رواه الطبراني، ورجاله ثقات‘‘. اسے طبرانی l رحمہ اللہ نے روایت کیا ہے، اور اس کے رجال ثقہ ہیں۔