ابو یعقوب اسحاق بن اسماعیل بن عبد اللہ مَذجَحی رملی نحاس

حافظ ابو نعیم اصبہانی l ’’تاريخ أصبهان‘‘[19] میں فرماتے ہیں: ’’حدث بأحاديث من حفظه فأخطأ فيها‘‘.یہ اپنے حفظ سے احادیث بیان کرتا ہے، چنانچہ ان میں خطا کرتا ہے۔

امام نسائی l فرماتے ہیں: ’’لا أدري ما هو‘‘[20]. مجھے معلوم نہیں کہ یہ کون ہے۔

اسی طرح امام نسائی l ایک مقام پر فرماتے ہیں: ’’كتبت عنه، ولم أقف عليه‘‘[21]. میں نے اس سے لکھا ہے، اور میں اس پر واقف نہیں ہوسکا ہوں۔

امام نسائی l نے ایک مقام پر اسے ’’صالح‘‘ کہا ہے[22]۔

حافظ ذہبی l ’’تاريخ الإسلام‘‘[23] میں فرماتے ہیں: ’’دخل أصبهان، وحدث بها بأحاديث من حفظه عن آدم بن أبي إياس، فأخطأ في بعضها‘‘. یہ اصبہان میں آیا تھا، اور یہ اصبہان میں آدم بن ابی ایاس l کے انتساب سے اپنے حفظ سے احادیث بیان کرتا تھا، چنانچہ بعض احادیث میں خطا کرتا تھا۔

حافظ ابن حجرعسقلانی l ’’التقريب‘‘[24] میں فرماتے ہیں: ’’صدوق أخطأ في أحاديث‘‘. یہ صدوق ہے، احادیث میں خطا کرتا ہے۔