روایت: ایک مرتبہ آل محمدﷺ پر چار دن بھوک کی حالت میں گزرے، آپ ﷺ اللہ تعالی کی بارگاہ میں خوب گڑ گڑائے، اللہ تعالی نےحضرت عثمان r رضی اللہ عنہ کے ذریعے وافر مقدار میں کھانا اور دیگر اشیاء بھجوائیں،پھر آپ ﷺ نے حضرت عثمان r رضی اللہ عنہ کےلئے دعا کی: یا اللہ میں عثمانسے راضی ہوں تو بھی اس سے راضی ہوجا۔

یہی روایت علامہ ابو طاہر مُخَلِّص محمد بن عبدالرحمن بغدادی ذہبی l رحمہ اللہ (المتوفی ۳۹۳ھ)نے  ’’اَلْمُخَلِّصِيَّات‘‘[2]  میں، حافظ ابو نعیم اصبہانی l رحمہ اللہ نے ’’فضائل الخلفاء الأربعة‘‘[3] میں، حافظ ابن عساکر l رحمہ اللہ نے  ’’تاريخ دمشق‘‘[4] میں اور  علامہ ابن قدامہ مقدسی l رحمہ اللہ نے ’’الرقة والبكاء‘‘[5] میں تخریج کی ہے، تمام سندیں سند میں موجود راوی احمد بن محمد بن محمد بن سلیمان باغندی پر آکر مشترک ہوجاتی ہیں۔

 حافظ ابو نعیم اصبہانیl رحمہ اللہ ’’فضائل الخلفاء الأربعة‘‘[6] میں فرماتے ہیں:  ’’وهذا حديث غريب من حديث محمد بن يعلى عن عمر بن صبح، لا أعلم رواه غيره، وفيه لين‘‘. محمد بن یعلی کی عمر بن صبح سے منقول یہ حدیث غریب ہے، مجھے معلوم نہیں کہ اس کے علاوہ بھی کسی نے اسے روایت کیا ہو، اور اس میں  ’’لین ‘‘ہے۔

امام سیوطی l رحمہ اللہ  ’’الزيادات على الموضوعات‘‘[7] میں اس روایت کو من گھڑت روایات میں شمار کرکے حافظ ابو نعیم اصبہانی l رحمہ اللہ کے کلام کو نقل کرنے کے بعد فرماتے ہیں:  ’’وعبد الكريم أبو أمية، قال في المغني: كذبه أيوب السختياني، وضرب أحمد على حديثه، وقال ابن معين: ليس بشيء‘‘.

 اور عبد الکریم بن امیہ کے بارے میں  ’’مغنی‘‘  میں ہے:ایوب سختیانی l رحمہ اللہ نے اس کو جھوٹا کہا ہے، اور احمد l رحمہ اللہ نے اس کی حدیث کو دے مارا ہے، اور ابن معین l رحمہ اللہ نے کہاہے کہ  ’’لیس بشیء‘‘ ہے۔

 علامہ ابن عراق l رحمہ اللہ نے  ’’تنزيه الشريعة‘‘[8] میں مذکورہ روایت فصل ثالث میں ذکر کرکے امام سیوطی l رحمہ اللہ کے کلام پر اعتماد کیا ہے۔

 واضح رہے کہ علامہ ابن عراق l رحمہ اللہ  ’’تنزيه الشريعة‘‘[9] کے مقدمہ میں عمر بن صبح بلخی کے بارے میں فرماتے ہیں:  ’’عمر بن صبح البلخي عن قتادة وغيره كذاب، اعترف بالوضع‘‘.  قتادہ وغیرہ سے نقل کرنے والا عمر بن صبح بلخی جھوٹا ہے، اس نے حدیث گھڑنے کا خود اعتراف کیا ہے۔

 امام ابو حاتم l رحمہ اللہ ’’الجرح والتعديل‘‘[10] میں  فرماتے ہیں:  ’’منكر الحديث‘‘.  

 حافظ ابن حبان l رحمہ اللہ    فرماتے ہیں:  ’’كان ممن يضع الحديث على الثقات، لا يحل كتابة حديثه إلا على جهة التعجب لأهل الصناعة فقط‘‘[11]. یہ ان لوگوں میں سے ہے جو ثقہ لوگوں پر حدیثیں گھڑتے تھے، اس کی حدیث کو لکھنا حلال نہیں ہے، سوائے تعجب کے صرف اہل صناعت کےلئے۔

 حافظ ابن عدی l رحمہ اللہ  ’’الكامل‘‘[12] میں فرماتے ہیں:  ’’منكر الحديث، عن مقاتل بن حيان وغيره‘‘. یہ منکر الحدیث ہے، مقاتل بن حیان اور ان کے علاوہ سے حدیثیں نقل کرتا ہے۔

حافظ ابن عدی l رحمہ اللہ   مزید فرماتے ہیں:  ’’ولعمر بن صبح غير ما ذكرت من الحديث، وعامة ما يرويه غير محفوظ لا متنا ولا إسنادا‘‘[13]. عمر بن صبح کی میری ذکر کردہ احادیث کے علاوہ بھی احادیث موجود ہیں، ان کی اکثر روایات محفوظ نہیں ہیں نہ متن کے لحاظ سے اور نہ ہی سند کے لحاظ سے۔

حافظ ابو نعیم اصبہانی l رحمہ اللہ فرماتے ہیں:  ’’عمر بن صبح عن قتادة ومقاتل الموضوعات‘‘[14]. عمر بن صبح، قتادہ اور مقاتل کے انتساب سے من گھڑت احادیث نقل کرتا ہے۔

امام ابو عبد اللہ حاکم نیشاپوری l رحمہ اللہ عمر بن صبح کے بارے میں  فرماتے ہیں:  ’’روى عن قتادة و مقاتل بن حيان أحاديث موضوعة‘‘[15]. قتادہ اور مقاتل بن حیان کے انتساب سے من گھڑت احادیث نقل کرتا ہے۔

امام بخاری l رحمہ اللہ ، یحیی یشکری سے علی بن جریر کا یہ قول نقل کرتے ہیں:  ’’سمعت عمر بن صبح يقول: أنا وضعت خطبة النبي صلى الله عليه وسلم‘‘[16].میں نے عمر بن صبح کو کہتے ہوئے سنا ہے کہ نبی ﷺ کا خطبہ میں نے گھڑا ہے۔

 حافظ دار قطنی l رحمہ اللہ فرماتے ہیں:  ’’متروك‘‘[17] .

 حافظ ازدی l رحمہ اللہ فرماتے ہیں:  ’’ كذاب‘‘[18] .

 حافظ احمد بن علی سلیمانی l رحمہ اللہ فرماتے ہیں:  ’’عمر بن الصبح الذي وضع آخر خطبة النبي صلى الله عليه وسلم‘‘[19]. عمر بن صبح وہ شخص ہے جس نے رسول اللہ ﷺ کا آخری خطبہ گھڑا تھا۔

 حافظ ذہبی l رحمہ اللہ  ’’ميزان الاعتدال‘‘[20] میں فرماتے ہیں:  ’’ليس بثقة ولا مأمون‘‘ .

 حافظ ذہبی l رحمہ اللہ ہی ایک دوسرے مقام پر فرماتے ہیں:  ’’هالك، اعترف بوضع الحديث‘‘[21]. ہالک ہے، اس نے حدیث گھڑنے کا اعتراف کیا ہے۔

 حافظ ابن حجر عسقلانی l رحمہ اللہ  ’’تقريب التهذيب‘‘[22] میں فرماتے ہیں:  ’’متروك، كذبه ابن راهويه‘‘ . یہ متروک ہے، ابن راہویہ l رحمہ اللہ   نے اس کو جھوٹا کہا ہے۔

 امام بخاری l رحمہ اللہ   محمد بن یعلی کے بارے میں لکھتے ہیں:  ’’يتكلم فيه‘‘[23].

امام ابو حاتم l رحمہ اللہ نے محمد بن یعلی کو  ’’متروك الحديث‘‘ کہا ہے[24]۔

امام نسائی l رحمہ اللہ نے محمد بن یعلی کو  ’’ليس بثقة‘‘ کہا ہے[25]۔

حافظ خطیب بغدادی l رحمہ اللہ نے اسے  ’’ضعيف‘‘ کہا ہے[26]۔

 حافظ ابن حبان l رحمہ اللہ فرماتے ہیں:  ’’كان ممن يخطئ، حتى يجيء بما يحدث به مقلوبا، فإذا سمعه من الحديث صناعته علم أنه معمول أو مقلوب، فلا يجوز الاحتجاج به فيما خالف الثقات من الروايات، ولا فيما انفرد وإن لم يخالف الأثبات‘‘[27] .

یہ ان لوگوں میں سے تھا جو غلطی کرتے تھے، یہاں تک کہ وہ مقلوب روایات بیان کرنے لگا، چنانچہ جب اہل صناعت میں سے کوئی اس کی روایت سنتا تو جان لیتا تھا کہ یہ بنائی ہوئی ہے یا مقلوب روایت ہے، چنانچہ اس کی اس روایت سے احتجاج درست نہیں جس میں اس نے ثقہ راویوں کی مخالفت کی ہے، اور نہ ہی اس روایت سے کہ جس میں یہ متفرد ہو اگرچہ وہ روایت ثبت لوگوں کے مخالف نہ ہو۔

حافظ ذہبی l رحمہ اللہ ’’ميزان الاعتدال‘‘[28] میں فرماتے ہیں:  ’’وشذ أبو كريب فروى عنه، وقال: كان ثقة‘‘. ابو کریبl رحمہ اللہ نے شذوذ اختیار کرتے ہوئے محمد بن یعلی سے روایت کی ہے، اور محمد بن یعلی کو ثقہ کہا ہے۔

حافظ ذہبی l رحمہ اللہ   نے  ’’ميزان الاعتدال‘‘[29] میں محمد بن یعلی کو ’’واه ‘‘، اور  ’’الكاشف‘‘[30] میں  ’’متروك‘‘ کہا ہے۔

حافظ ابن حجر عسقلانی l رحمہ اللہ نے  ’’تقريب‘‘[31] میں اسے  ’’ضعيف‘‘ کہا ہے۔

 امام ایوب سختیانی l رحمہ اللہ فرماتے ہیں:  ’’لاتحمل عن عبد الكريم بن أبي أمية، فإنه ليس بشيء‘‘[32]. عبد الکریم بن امیہ سے تحمل حدیث مت کرو، کیونکہ وہ لیس بشیء ہے۔

 امام فلاس l رحمہ اللہ فرماتے ہیں:  ’’ كان يحيى وابن مهدي لا يحدثان عن عبد الكريم المعلم‘‘[33]. یحیی l رحمہ اللہ اور ابن مہدی l رحمہ اللہ ، عبد الکریم معلم سے حدیث بیان نہیں کرتے تھے۔

 امام یحیی بن معین l رحمہ اللہ نے عبد الکریم کو  ’’ليس بشيء‘‘ کہا ہے[34]۔

 امام احمد بن حنبل l رحمہ اللہ فرماتے ہیں:  ’’قد ضربت على حديثه، هو شبه المتروك‘‘[35] .

 امام نسائی l رحمہ اللہ اور امام دارقطنی l رحمہ اللہ نے اسے  ’’متروك‘‘ کہا ہے[36]۔

 حافظ ذہبی l رحمہ اللہ  ’’ميزان الاعتدال‘‘[37] میں فرماتے ہیں:  ’’وقد أخرج له البخاري تعليقا، ومسلم متابعة، وهذا يدل على أنه ليس بمطرح‘‘. بخاری l رحمہ اللہ تعلیقاً ان کی حدیث لائے ہیں، اور مسلم l رحمہ اللہ نے متابعت میں ان کی روایت کی تخریج کی ہے، چنانچہ اس سے معلوم ہوا کہ یہ مطرح نہیں ہے۔

 حافظ ابن عبد البر l رحمہ اللہ فرماتے ہیں:  ’’بصري، لا يختلفون في ضعفه، إلا أن منهم من يقبله في غير الاحكام خاصة، ولا يحتج به، وكان مؤدب كتاب، حسن السمت، غر مالكا منه سمته، ولم يكن من أهل بلده فيعرفه، كما غر الشافعي من إبراهيم ابن أبي يحيى حذقه ونباهته، وهو أيضا مجمع على ضعفه، ولم يخرج مالك عنه حكما، بل ترغيبا وفضلا‘‘[38] .

 یہ بصری ہے، ان کے ضعف میں اختلاف نہیں ہے، لیکن بعض ائمہ ان کو صرف احکام کے باب کے علاوہ ہی میں قبول کرتے ہیں، اس سے احتجاج درست نہیں ہے، وہ کاتبین کا مؤدب تھا، بظاہر اچھی حالت میں تھا، اس کی حالت سے مالک l رحمہ اللہ   کو دھوکہ ہوگیا تھا، کیونکہ وہ ان کے شہر کا نہیں تھا ورنہ وہ اسے جان لیتے، جیسے شافعی l رحمہ اللہ   کو ابراہیم بن ابی یحیی کی مہارت اور ان کی سمجھ سے دھوکہ ہوا، وہ بھی متفق علیہ ضعیف تھا، اور مالک l رحمہ اللہ نے ان سے حکم میں  کوئی روایت تخریج نہیں کی ہے، صرف ترغیب اور فضیلت کے باب میں حدیث تخریج کی ہے۔