ابو علی محمد بن یعلی ثقفی کوفی زُنْبُور

حافظ ابو کریب محمد بن علاء ہمدانی l نے محمد بن یعلی کو ’’ ثقة‘‘ کہا ہے[47]۔

حافظ ذہبی l ’’ميزان الاعتدال‘‘[48] میں فرماتے ہیں: ’’وشذ أبو كريب فروى عنه، وقال: ثقة‘‘. ابو کریب l نے شذوذ اختیار کیا ہے کہ انہوں نے محمد بن یعلی سے روایت کی ہے، اور اس کے بارے میں کہا کہ وہ ثقہ تھا۔

امام بخاریl ’’التاريخ الصغير‘‘[49] اور ’’الضعفاء‘‘[50] میں فرماتے ہیں: ’’يتكلمون فيه‘‘. محدثین نے اس کے بارے میں کلام کیا ہے۔

امام بخاریl ہی ’’التاريخ الكبير‘‘[51] میں محمد بن یعلی کے بارے میں فرماتے ہیں: ’’يتكلم فيه‘‘. اس کے بارے میں کلام ہوا ہے۔

حافظ عجلی l ’’معرفة الثقات‘‘[52] میں محمد بن یعلی کے بارے میں فرماتے ہیں: ’’ كتبت عنه، ترك الناس حديثه، ويقال: إنه جهمي‘‘. میں نے اس سے لکھا ہے، محدثین نے اس کی حدیث کو ترک کردیا تھا، اور کہا جاتا ہے کہ یہ جہمی ہے۔

حافظ ابو حاتم l نے محمد بن یعلی کو ’’متروك الحديث‘‘ کہا ہے[53]۔

حافظ ابن ابی حاتمl ’’الجرح والتعديل‘‘[54] میں فرماتے ہیں: ’’وروى عن موسى بن عبيدة، سمع منه أحمد بن سنان، وترك الرواية عنه‘‘. اس نے موسی بن عبیدہ سے روایت کی ہے، اور احمد بن سنان نے اس سے سنا ہے، اور اس سے روایت کو ترک کر دیا ہے۔

امام نسائی l نے محمد بن یعلی کو ’’ليس بثقة‘‘ کہا ہے[55]۔

حافظ ابو یحیی زکریا بن یحیی ساجی l ، محمد بن یعلی کے بارے میں فرماتے ہیں: ’’منكر الحديث، يتكلمون فيه‘‘[56]. یہ منکر الحدیث ہے، محدثین نے اس کے بارے میں کلام کیا ہے۔

حافظ ابن حبان l ’’المجروحين‘‘ [57] میں فرماتے ہیں: ’’ كان ممن يخطئ، حتى يجيء بما يحدث به مقلوبا، فإذا سمعه من الحديث صناعته علم أنه معمول أو مقلوب، فلا يجوز الاحتجاج به فيما خالف الثقات من الروايات، ولا فيما انفرد، وإن لم يخالف الأثبات‘‘. یہ خطاء کرنے والوں میں سے تھا، حتی کہ اپنی بیان کردہ حدیث میں مقلوب لاتا تھا، سو حدیث جس کی صناعت ہو وہ اسے سن کر جان لیتا ہے کہ یہ بنائی گئی ہے، یا مقلوب ہے، چنانچہ روایات میں ثقات کی مخالفت کی صورت میں اس سے احتجاج جائز نہیں ہے، اور نہ ہی اس کی انفراد والی روایت سے، اگرچہ وہ اس میں اثبات کی مخالفت نہ کرے۔

حافظ ابن عدی l ’’الكامل‘‘[58] میں محمد بن یعلی کی چند روایات تخریج کرکے فرماتے ہیں: ’’ولمحمد بن يعلى أحاديث يروي عن عمرو بن صبيح [ كذا في الأصل، والصحيح: عمر بن صُبْح] هذا، ويكنى أبا نعيم، عن أبي حيان، وعن مقاتل أحاديث، ويروي عن محمد بن عمرو، عن أبي سلمة، عن أبي هريرة أحاديث لا يتابع عليه‘‘. اور محمد بن یعلی کی ایسی احادیث ہیں جسے وہ اس عمر بن صُبْح سے روایت کرتا ہے، جس کی کنیت ابو نعیم ہے، جو ابو حیان اور مقاتل سے احادیث روایت کرتا ہے، نیز یہ محمد بن یعلی، محمد بن عمرو، عن ابی سلمہ، عن ابی ہریرہ r کے طریق سے ایسی احادیث روایت کرتا ہے جن میں اس کی متابعت نہیں ہوتی۔

حافظ ذہبی l ’’ميزان الاعتدال‘‘[59] میں ایک روایت کے تحت محمد بن یعلی کے بارے میں فرماتے ہیں: ’’ومحمد بن يعلى واه‘‘. اور محمد بن یعلی واہی ہے۔

نیز حافظ ذہبی l نے’’تنقيح التحقيق‘‘[60] اور ’’الکاشف‘‘[61] میں محمد بن یعلی کو ’’متروك‘‘ کہا ہے۔

حافظ ابن حجرعسقلانی l نے ’’التقريب‘‘[62] میں اسے ’’ضعيف‘‘ کہا ہے۔