باب: لباس، زینت و عادات

روایت: آپ ﷺ نے ارشاد فرمایا کہ جو لمبی مونچھیں رکھے گا اس کو چار قسم کا عذاب دیا جائے گا: وہ میری شفاعت نہیں پائے گا، اور نہ وہ میرے حوض کوثر سے پانی پی سکے گا، اور اس کو قبر میں عذاب دیا جائے گا، اور اللہ تعالی اس کے پاس منکر نکیر کو غصے کی حالت میں بھیجیں گے ۔

روایت: ’’من تزيا بغير زيه فقتل فدمه هدر‘‘.جس نے کسی غیر کاروپ و بھیس اختیار کرلیاپھروہ قتل کردیاگیا تواس کا خون معاف ہے۔

’’تختم بالعقیق‘‘(عقیق کی انگوٹھی پہننے)کے بارےمیں منقول روایات سب واہی ہیں،اورمحققین ناقدین ان روایات کوبے اصل اورموضوع کہتےہیں۔

روایت: ناخن کاٹنے کا یہ طریقہ، حدیث میں نہیں ہے، البتہ امام نَوَوِی l کی رائے ہے کہ اس طرح کاٹا جائے۔

روایت: ’’حجام کے شیشہ میں دیکھنا، گھٹیا پن ہے‘‘، یہ روایت صحیح نہیں ہے۔

روایت: ’’جمعہ کے دن سرمہ لگانا‘‘، میرے علم میں کسی روایت میں جمعہ کے دن سرمہ لگانا ثابت نہیں ہے۔

۱ – جزء: عمامہ کے فضائل

روایت: ’’آپ ﷺ نے فرمایا: ’’من تعمم قاعدا أو تسرول قائما ابتلاه الله تعالى ببلاء لا دواء له‘‘. جس نے بیٹھ کر عمامہ باندھا، یا کھڑے ہوکر پاجامہ یا شلوار پہنی تو اللہ تعالی اسے ایسی مصیبت میں مبتلا فرمائیں گے جس کی کوئی دواء نہیں ہوگی‘‘۔