روایت: ’’جمعہ کے دن سرمہ لگانا‘‘، میرے علم میں کسی روایت میں جمعہ کے دن سرمہ لگانا ثابت نہیں ہے۔

روایت: ناخن کاٹنے کا یہ طریقہ، حدیث میں نہیں ہے، البتہ امام نَوَوِی l کی رائے ہے کہ اس طرح کاٹا جائے۔

روایت: ’’سنت نے کافر، بدعتی اور فاسق کو خاص کر دیا ہے ۔۔۔ ان کو سلام کا جواب دینا واجب نہیں ہے‘‘، ان لفظوں کے ساتھ کوئی حدیث میرے علم میں نہیں۔

روایت: ’’جو جماعت یا طالب علم جس قبر ستان کے قریب سے گزرتے ہیں اس قبرستان کے مردوں کا چالیس روزتک قبر کا عذاب معاف ہو جاتا ہے‘‘۔

یہ روایت بے اصل ہے۔

روایت: ’’مجھے میرے رب نے تعلیم دی اور مجھے علم میں خوب اچھا بنایا، مجھے میرے رب نے ادب سکھایا اور مجھے ادب میں خوب اچھا بنایا‘‘، جملہ اول تو کہیں نہیں دیکھا، البتہ دوسرے جملے کے بارے میں حافظ ابن تیمیہ l وحافظ سخاوی l فرماتے ہیں کہ اس کی کوئی ثابت سند نہیں ہے۔

روایت: ’’میری امت کے علماء بنی اسرائیل کے نبیوں کی طرح ہیں‘‘، یہ روایت ثابت نہیں ہے۔