باب: رزق، معاملات و تجارت

روایت: ’’رسول اللہ ﷺ کا ارشاد ہے: ’’من جاع أو احتاج، فكتمه الناس وأفضى به إلى الله عز وجل، كان حقا على الله عز وجل أن يفتح له رزقا حسنا من حلال‘‘. جو شخص بھوکا ہو یا محتاج ہو اور اپنی حاجت کو لوگوں سے چھپائے، اور اسے اللہ عز وجل کے سامنے پیش کرے، تو اللہ تعالی کے ذمہ ہے کہ اس کو ایک سال کی روزی حلال طریقہ سے عطا فرمائیں گے‘‘۔

روایت:’’آپ ﷺ کا ارشاد ہے: ’’إني لأكره أن أرى الرجل فارغا، لا في عمل دنيا ولا آخرة‘‘. بے شک میں ناپسند کرتا ہوں کہ میں کسی شخص کو فارغ دیکھوں، نہ کسی دنیا کے کام میں لگا ہو، اور نہ آخرت کے کسی کام میں مشغول ہو‘‘۔

روایت: ’’آپ ﷺ نے فرمایا: ’’الزارع يتاجر ربه‘‘.کھیتی کرنے والا اپنے رب کے ساتھ تجارت کرتا ہے‘‘۔

روا یت : ’’ لرد دانق من حرام يعدل عند الله سبعين ألف حجة‘‘. حرام کا ایک دانق لو ٹا نا اللہ تعا لی کے ہاں ستر ہزار مقبو ل حج کے برابر ہے ۔

روایت : ثعلبہ بن حاطب کا آپ ﷺ سے کہنا کہ میرے لئے دعا کریں کہ اللہ تعالی مجھے مالدار بنا دیں، پھر آپ ﷺ کا ثعلبہ کےلئے مالدار ہونے کی دعا فرمانا، اور مال کے زیادہ ہونے کی وجہ سے ثعلبہ کا مدینہ سے دور چلے جانا، حتی کہ نمازوں میں بھی حاضر نہ ہونا، اور پھر زکوۃ دینے سے اعراض کرنا، اس کے بعد نادم ہوکر آپ ﷺ کی خدمت میں زکوۃ لانا، آپ ﷺ کا اسے قبول نہ کرنا، پھر حضرت ابو بکر r ، حضرت عمر r اور حضرت عثمان r کا بھی زکوۃ قبول نہ کرنا، اور حضرت عثمان r کے زمانہ میں ثعلبہ کا انتقال ہونا۔

روایت: ’’پیغمبرﷺ نے فرمایا:رزق کا دروازہ بند اور اس پر تالا لگا ہوا ہے، اس کی کنجی محنت، کوشش، اور کمانا ہے‘‘۔

روایت : ’’الدین المعاملة‘‘.دین تو سراسرمعاملات ہی ہے

روایت: ’’ إن الدانق من الفضة يؤخذ به يوم القيامة سبعمائة صلاة مقبولة فتعطى إلى الخصم‘‘. چاندی کے ایک دانق کے بدلہ قیامت کے دن سات سو مقبول نمازیں لے کر مد مقابل کو دے دی جائیں گی۔