عیسی بن ابراہیم بن طہمان قرشی ہاشمی

حافظ یحیی بن معین l نے عیسی بن ابراہیم کو ’’ليس بشيء‘‘ کہا ہے[46]۔

حافظ یحیی بن معین l نے ایک دوسرے مقام پر اسے ’’ليس حديثه بشيء‘‘ کہا ہے[47]۔

امام احمد بن حنبلl ایک روایت کے تحت فرماتے ہیں: ’’عيسى بن إبراهيم وسعيد بن سنان ليسا بشيء‘‘[48]. عیسی بن ابراہیم اور سعید بن سنان (دونوں) ’’لیس بشیء‘‘ہیں۔

امام بخاری l ’’التاريخ الصغير‘‘[49] میں فرماتے ہیں: ’’عنده مناكير‘‘. اس کے پاس مناکیر ہیں۔

امام بخاری l نے ’’التاريخ الكبير‘‘[50] اور ’’الضعفاء‘‘[51] میں عیسی بن ابراہیم کو ’’منكر الحديث‘‘کہا ہے۔

حافظ ابو حاتم l نے اسے ’’متروك الحديث‘‘کہا ہے[52]۔

حافظ ابو حاتم l نے ایک دوسرے مقام پر اسے ’’ذاهب الحديث‘‘ کہا ہے[53]۔

امام ابو داؤد l فرماتے ہیں: ’’ليس بشيء، لا أدري من أين هو؟ حدث عنه بقية‘‘[54]. لیس بشیء ہے، میں نہیں جانتا یہ کہاں سے ہے؟ اس سے بقیہ نے حدیث بیان کی ہے۔

امام نسائی l نے ’’الضعفاء‘‘[55] میں عیسی بن ابراہیم کو ’’منكر الحديث‘‘ کہا ہے۔

امام نسائی l نے ایک دوسرے مقام پر اسے ’’متروك الحديث‘‘ کہا ہے[56]۔

حافظ ابن جارود l نے عیسی بن ابراہیم کو ’’ليس بشيء‘‘ کہا ہے[57]۔

حافظ ابو یحیی زکریا بن یحیی ساجی l فرماتے ہیں: ’’منكر الحديث، فيه نظر‘‘[58]. منکر الحدیث ہے، اس میں نظر ہے۔

حافظ عقیلی l ’’الضعفاء الكبير‘‘[59] میں فرماتے ہیں: ’’حديثه غير محفوظ، ولا يعرف إلا به‘‘. اس کی حدیث محفوظ نہیں ہے، اور اس کی معرفت اسی سے ہوتی ہے۔

حافظ ابن حبان l ’’المجروحين‘‘[60] میں عیسی بن ابراہیم کے بارے میں فرماتے ہیں: ’’يروي المناكير عن جعفر بن بُرْقان، قال: كأنه جعفر آخر، لا يجوز الاحتجاج به إذا انفرد‘‘. جعفر بن بُرْقان کے انتساب سے مناکیر روایت کرتا ہے، گویا کہ یہ دوسرا جعفر ہے، جب یہ متفرد ہوجائے تو اس سے احتجاج جائز نہیں ہے۔

حافظ ابن عدی l ’’الكامل‘‘[61] میں عیسی بن ابراہیم کے ترجمہ میں  چند روایات ذکرکرنے کے بعد فرماتے ہیں: ’’وهذه الأحاديث التي ذكرت أسانيدها هي عامة ما يرويه عيسى بن إبراهيم الهاشمي، وعامة رواياته لا يتابع عليها‘‘. اور یہ احادیث جن کی اسانید میں نے ذکر کی ہیں، ان میں سے اکثر کو عیسی بن ابراہیم ہاشمی روایت کرتا ہے، اور اس کی اکثر روایات میں متابعت نہیں کی جاتی۔

امام بیہقی l ’’السنن‘‘[62] میں ایک روایت کے تحت عیسی بن ابراہیم کے بارے میں فرماتے ہیں: ’’منكر الحديث، ضعفه يحيى بن معين والبخاري وغيرهما‘‘. منکر الحدیث ہے، یحیی بن معین l ، بخاری l وغیرہ نے اس کی تضعیف کی ہے۔

امام حاکم l نے اسے ’’واهي الحديث بمرة‘‘ کہا ہے[63]۔

حافظ ابن قیسرانی l نے ’’ذخيرة الحفاظ‘‘[64] میں اسے ’’متروك الحديث‘‘ کہا ہے۔

حافظ عبد الحق اشبیلی l ’’الأحكام الوسطى‘‘[65] میں فرماتے ہیں:  ’’ضعيف عندهم، بل متروک‘‘. یہ محدثین کے نزدیک ضعیف، بلکہ متروک ہے۔

حافظ ذہبی l نے عیسی بن ابراہیم کو ایک روایت کے تحت ’’تلخيص الموضوعات‘‘[66] میں ’’هالك‘‘ اور ’’سير‘‘[67] میں ’’غير ثقة‘‘ کہا ہے۔

حافظ ذہبی l نے ’’ميزان‘‘[68] میں موسی بن ابی حبیب کے ترجمہ میں اسے ’’متروك‘‘ کہا ہے۔

حافظ ہیثمی l نے ’’مجمع الزوائد‘‘[69] میں ایک روایت کے تحت عیسی بن ابراہیم کو ’’متروك‘‘ کہا ہے۔

حافظ ابن حجر عسقلانی l ’’نتائج الأفكار‘‘[70] میں ایک روایت کے تحت عیسی بن ابراہیم کے بارے میں فرماتے ہیں: ’’وهو ضعيف جدا، نسبوه إلى الوضع‘‘. وہ شدید ضعیف ہے، محدثین نے اسے حدیث گھڑنے کی طرف منسوب کیا ہے۔

علامہ ابن عراق l ’’تنزيه الشريعة‘‘[71] میں عیسی بن ابراہیم ہاشمی  کووضاعین ومتہمین کی فہرست میں شمار کرکے فرماتے ہیں: ’’اتهمه ابن الجوزي‘‘. ابن جوزی l نے اسے متہم قرار دیا ہے۔