عبد اللہ بن یزید مَحْمِش نیشاپوری

حافظ ابن جوزی l ’’الضعفاء‘‘[18] میں فرماتے ہیں: ’’ كذبه الدار قطني، وقال: كان يضع الحديث على الثقات‘‘. دار قطنی l نے اسے جھوٹا کہا ہے، اور فرمایا ہے: یہ ثقہ راویوں کے انتساب سے حدیث گھڑتا تھا۔

حافظ ذہبی l نے ’’المغني‘‘[19]  اور ’’تلخيص الموضوعات‘‘[20] میں اسے ’’كذاب‘‘ کہا ہے۔

حافظ ذہبی l ’’ميزان‘‘[21] میں عبد اللہ بن یزید مَحْمِش کے بارے میں فرماتے ہیں: ’’متهم بالكذب‘‘. جھوٹ بولنے میں متہم ہے۔

حافظ ابن حجر عسقلانی l نے ’’لسان‘‘[22] میں حافظ ذہبی l کے کلام پر اعتماد کیا ہے۔

علامہ سبط ابن عجمی l ’’الكشف الحثيث‘‘[23] میں عبد اللہ بن یزید بن مَحْمِش کو متہم بالوضع راویوں میں شمار کرکے فرماتے ہیں: ’’قال الدارقطني كان يضع الحديث‘‘.دار قطنی l فرماتے ہیں: یہ حدیث گھڑتا تھا۔

علامہ ابن عراق l ’’تنزيه الشريعة‘‘[24] میں عبد اللہ بن یزید مَحْمِش کو وضاعین ومتہمین کی فہرست میں شمار کرکے فرماتے ہیں: ’’متهم بالكذب، وقال الدارقطني: كان يضع الحديث‘‘. جھوٹ بولنے میں متہم ہے، دار قطنی l فرماتے ہیں: یہ حدیث گھڑتا تھا۔