حبیب بن ابی حبیب خَرْطَطِی مروزی

حافظ ابن حبانl ’’المجروحين‘‘[27]  میں فرماتے ہیں: ’’ كان يضع الحديث على الثقات، لا تحل كتابة حديثه ولا الرواية عنه، إلا على سبيل القدح فيه‘‘. یہ ثقہ لوگوں پر حدیثیں گھڑتا تھا، اس کی حدیث کولکھنا اور اس سے روایت کرنا اس پر جرح کے علاوہ حلال نہیں ہے۔

حافظ سمعانی l نے  ’’الأنساب‘‘[28] میں، حافظ سبط  ابن العجمی l نے ’’الكشف الحثيث‘‘[29] میں، حافظ ابن حجر عسقلانیl نے  ’’تقريب‘‘[30] میں اور حافظ بدر الدین عینی l نے  ’’مغاني الأخيار‘‘[31] میں حافظ ابن حبانl کے کلام پر اعتماد کیا ہے۔

امام حاکمl  ’’المدخل‘‘[32]  میں فرماتے ہیں:  ’’حدث بمرو عن إبراهيم الصايغ، وأبي حمزة السكري بأحاديث موضوعة‘‘. اس نے مرو مقام پر ابراہیم صائغ اور ابو حمزہ سکری کے انتساب سے من گھڑت احادیث بیان کی ہیں۔

حافظ ابو نعیم اصبہانیl ’’الضعفاء‘‘[33] اور  ’’المسند المستخرج‘‘[34] میں فرماتے ہیں:  ’’حدث عن إبراهيم الصائغ، وأبي حمزة السكري أحاديث موضوعة، لا شيء‘‘. یہ ابراہیم صائغ اور ابو حمزہ سکری کے انتساب سے من گھڑت احادیث نقل کرتا ہے، یہ لاشیء ہے۔

حافظ ابو سعید نقاشl فرماتے ہیں:  ’’يروي الموضوعات‘‘[35] .یہ من گھڑت احادیث نقل کرتا ہے۔

حافظ ذہبیl نے ’’المغني‘‘[36] میں حبیب کو  ’’كذاب‘‘ کہا ہے۔

علامہ ابن عراق lنے ’’تنزيه الشريعة‘‘[37] میں حبیب بن ابی حبیب کووضاعین ومتہمین کی فہرست میں شمار کرکے فرمایا ہے:  ’’كان يضع الحديث‘‘. یہ حدیث گھڑتا ہے۔