ابو محمد موسی بن عبدالرحمن ثقفی صنعانی مفسر

 حافظ ابن حبانl  ’’المجروحين‘‘[40] میں لکھتے ہیں:  ’’دجال، يضع الحديث، روى عنه عبد الغني بن سعيد الثقفي، وضع على ابن جريج، عن عطاء، عن ابن عباس كتابا في التفسير، جمعه من كلام الكلبي ومقاتل بن سليمان، وألزقه بابن جريج عن عطاء، عن ابن عباس، ولم يحدث به ابن عباس، ولا عطاء سمعه، ولا ابن جريج سمع من عطاء، وإنما سمع ابن جريج من عطاء الخراساني، عن ابن عباس في التفسير أحرفا شبيها بجزء، وعطاء الخراساني لم يسمع من ابن عباس شيئا ولا رواه، لا تحل الرواية عن هذا الشيخ، ولا النظر في كتابه، إلا على سبيل الاعتبار‘‘.

 دجال ہے، حدیث گھڑتا ہے، اس سے عبد الغنی بن سعید ثقفی روایت  کرتا ہے، اس نے ابن جریج پر عن عطاء، عن ابن عباسرضی اللہ عنہما  کے طریق سے تفسیر میں ایک کتاب گھڑی ہے، اس میں کلبی اور مقاتل بن سلیمان کے کلام کو جمع کیا ہے، اور اسے عن عطاء، عن ابن عباسرضی اللہ عنہما  کے طریق سے ابن جریج پر چسپاں کردیا ہے، جبکہ اسے ابن عباسرضی اللہ عنہما  نے بیان نہیں کیا، اور عطاء نے ابن عباس رضی اللہ عنہما سے نہیں سنا، اور نہ ہی ابن جریج نے عطاء سے سنا ہے، بلکہ ابن جریج نے عطا ء خراسانی، عن ابن عباسرضی اللہ عنہما کے طریق سے تفسیر میں چند حروف ایک جزء کے مشابہ سنے ہیں،اور عطاء خراسانی نے ابن عباسرضی اللہ عنہما سے نہ کچھ سنا ہے اور نہ ہی کچھ روایت کیا ہے، اس شیخ سے روایت کرنا حلال نہیں ہے، اور نہ ہی اس کی کتاب کو دیکھنا حلال ہے سوائے اعتبار کے۔

حافظ ذہبیl نے ’’ديوان الضعفاء‘‘[41] میں اور حافظ ابن حجر عسقلانی l نے  ’’موافقة الخبر الخبر‘‘[42]  حافظ ابن حبانl کے کلام پر اعتماد کیا ہے۔

نیز علامہ ابن عراق lنے بھی  ’’تنزيه الشريعة‘‘[43] میں موسی بن عبدالرحمن کووضاعین و متہمین کی فہرست میں شمار کرکے حافظ ابن حبانl کے کلام پر اعتماد کیا ہے۔

حافظ ابن عدیl’’الكامل‘‘[44] میں فرماتے ہیں: ’’منكر الحديث‘‘.

اس کے بعد حافظ ابن عدیl ان کی چند احادیث نقل کرکے فرماتے ہیں:  ’’وهذه الأحاديث بواطيل‘‘[45] .اور یہ باطل حدیثیں ہیں۔

امام بیہقی l نے  ’’السنن الكبرى‘‘[46] میں ایک روایت کے تحت موسی بن عبد الرحمن کو ’’ضعيف جدا‘‘ کہا ہے۔

حافظ ابن قیسرانیl ’’ذخيرة الحفاظ‘‘[47] میں ایک روایت کے تحت فرماتے ہیں:  ’’وموسى هذا منكر الحديث عن الثقات، وهو أبو محمد المفسر‘‘. اور یہ موسی ثقات کے انتساب سے منکر الحدیث ہے، اور یہ ابو محمد مفسر ہے۔

حافظ ابن تیمیہ l ’’مجموع الفتاوى‘‘[48] میں فرماتے ہیں:  ’’وموسى بن عبد الرحمن هذا من الكذابين‘‘. اور یہ موسی بن عبد الرحمن جھوٹوں میں سے ہے۔

حافظ ذہبی l نے  ’’المهذب في اختصار السنن‘‘[49] میں ایک روایت کے تحت موسی بن عبد الرحمن کو ’’واه‘‘ کہا ہے، اور  ’’المغني‘‘[50]  میں  ’’هالك‘‘قرار دیا ہے۔

نیز حافظ ذہبیl  ’’ميزان الاعتدال‘‘[51] میں فرماتے ہیں:  ’’ ليس بثقة‘‘.

علامہ سبط ابن العجمی l نے  ’’الكشف الحثيث‘‘[52] میں حافظ ذہبی l، حافظ ابن حبان l اور  حافظ ابن عدی l کے کلام پر اعتماد کیا ہے۔

حافظ ا بن حجرعسقلانی l نے ایک روایت کے تحت موسی بن عبد الرحمن کو  ’’التلخيص الحبير‘‘[53] میں  ’’متروك‘‘ اور  ’’العجاب‘‘[54] میں  ’’ كذاب‘‘ کہا ہے۔