اسماعیل بن سلمان بن ابی مغیرہ ازرق تمیمی کوفی

حافظ یحیی بن معین l نے اسماعیل بن سلمان کو ’’ليس بشيء‘‘ کہا ہے[32]۔

حافظ یحیی بن معین l ایک مقام پر اسماعیل بن سلمان کے بارے میں فرماتے ہیں: ’’حديثه ليس بشيء‘‘[33]. اس کی حدیث لیس بشیء ہے۔

امام بخاری l نے ’’التاريخ الكبير‘‘[34] میں اسماعیل بن سلمان کے ترجمہ میں ’’حدیث طیر‘‘اور ایک دوسری حدیث نقل کی، پھر فرماتے ہیں: ’’لا يتابع عليه‘‘. ان کی متابعت نہیں ہوتی۔

حافظ ابو زرعہ l نے اسماعیل بن سلمان کو ’’واهي الحديث، ضعيف الحديث‘‘کہا ہے[35]۔

امام ابو داؤد l نے  اسماعیل بن سلمان کو ’’ضعيف‘‘ کہا ہے[36]۔

حافظ ابوحاتم l نے اسماعیل بن سلمان کو ’’ضعيف الحديث‘‘ کہا ہے[37]۔

حافظ یعقوب فَسَوی l نے ’’المعرفة‘‘[38] میں اسماعیل بن سلمان کو ’’باب من یرغب عن الروایۃ عنہم‘‘(باب ان لوگوں کے بارے میں جن کی روایت سے اعراض کیا جاتا ہے) میں شمار کیا ہے۔

امام ابو بکر بزارl اپنی ’’مسند‘‘[39] میں اسماعیل ازرق، عن انس r کے طریق سے مشہور ’’حدیث طیر‘‘ تخریج کرنے کے بعد  فرماتے ہیں: ’’وكل من رواه عن أنس فليس بالقوي‘‘. انس r سے اسے روایت کرنے والا ہر شخص غیر قوی ہے۔

امام نسائی l نے ’’الضعفاء‘‘[40] میں اسماعیل بن سلمان کو ’’متروك الحديث‘‘ کہا ہے۔

حافظ ابو یحیی زکریا بن یحیی ساجی l نے اسماعیل بن سلمان کو ’’ضعيف‘‘ کہا ہے[41]۔

حافظ ابن حبان l ’’الثقات‘‘[42] میں اسماعیل بن سلمان کو ذکر کرکے فرماتے ہیں: ’’يخطئ‘‘. یہ خطاء کرتا ہے۔

حافظ ابن حبان l ’’المجروحين‘‘[43] میں فرماتے ہیں: ’’ينفرد بمناكير، ويرويها عن المشاهير‘‘. مناکیر نقل کرنے میں متفرد ہے، اور انہیں مشاہیر کے انتساب سے روایت کرتا ہے۔

حافظ ابن نُمیر l، اسماعیل بن سلمان کے بارے میں فرماتے ہیں:  ’’متروك الحديث، وإنما نقم على وكيع به‘‘[44]. یہ متروک الحدیث ہے، اس کی وجہ سے (یعنی اس سے روایت کرنے کی وجہ سے) وکیع کو بُرا جانا جاتا تھا۔

حافظ ابن نُمیر l ایک اور مقام پر فرماتے ہیں: ’’إسماعيل الأزرق الذي يروي عن أبي عمر كان من الشيعة الغلاة، وأبو عمر صاحب ابن الحنفية ‘‘[45]. اسماعیل ازرق جو ابو عمر سے روایت کرتا ہے وہ غالی شیعہ میں سے تھا، اور ابو عمر، صاحبِ ابن حنفیہ ہے۔

حافظ ابن عدی l ’’الكامل‘‘[46] میں فرماتے ہیں: ’’وإسماعيل بن سلمان هذا قد روى عن أنس أيضا حديث الطير في فضائل علي رضوان الله عليه، وغيره من الأحاديث‘‘. اس اسماعیل بن سلمان نے انس r سے بھی علی رضوان اللہ علیہ کے فضائل میں ’’حدیث طیر‘‘وغیرہ احادیث روایت کی ہیں۔

حافظ مغلطای l نے ’’إكمال‘‘[47] میں اور حافظ ابن حجر عسقلانی l نے ’’تهذيب التهذيب‘‘[48] میں حافظ ابن عدی l کے حوالہ سے یہ اضافہ بھی نقل کیا ہے: ’’البلاء فيها منه‘‘. ان میں اسماعیل بن سلمان کی جانب سے ’’بلاء‘‘ ہے۔

حافظ دار قطنی l نے ’’الضعفاء‘‘[49] میں اسماعیل بن سلمان کو ذکر کیا ہے۔

حافظ ابو یعلی خلیلی l ’’الإرشاد‘‘[50] میں ’’حدیث طیر‘‘کے بارے میں فرماتے ہیں: ’’رواه الضعفاء، مثل: إسماعيل بن سلمان الأزرق وأشباهه‘‘. اسے ضعفاء نے روایت کیا ہے، جیسے: اسماعیل بن سلمان ازرق اور ان جیسے لوگ۔

حافظ ابن قیسرانیl نے ’’ذخيرة الحفاظ‘‘[51] میں ایک حدیث کے تحت اسماعیل بن سلمان کو ’’متروك الحديث‘‘ کہا ہے۔

حافظ ذہبی l نے اسماعیل بن سلمان کو ’’المغني‘‘[52] میں ’’ضعفه غير واحد‘‘، ’’ديوان‘‘[53] میں ’’ضعفوه‘‘ اور ’’الكاشف‘‘[54] میں ’’ضعيف‘‘ کہا ہے۔

حافظ ابن حجر عسقلانی l نے ’’التقريب‘‘[55] میں اسماعیل بن سلمان کو ’’ضعيف‘‘ کہا ہے۔

حافظ ابن حجر عسقلانی l ’’لسان‘‘[56] میں اسحاق بن کثیر کے ترجمہ میں ایک مقام پر کلام فرماتے ہوئے لکھتے ہیں: ’’وتعقبه النباتي بأن شيخه هذا هو إسماعيل بن سلمان الأزرق، وليس بحجة‘‘. اور نَبَاتی(یعنی حافظ ابن رومیہ l) نے ان کا تعاقب ان الفاظ سے کیا ہے: اسحاق بن کثیر کا شیخ اسماعیل بن سلمان ازرق ہے، اور یہ حجت نہیں ہے۔