ابو خلاد ایوب بن نَہِیک حَلَبی

امام بخاری l ’’التاريخ الكبير‘‘[5] میں فرماتے ہیں: ’’يقال: روى عن الشعبي، من أهل حلب‘‘. کہا جاتا ہے کہ اس نے شعبی سے روایت کی ہے، یہ حلب والوں میں سے ہے۔

حافظ ابو حاتم l نے ایوب بن نَہِیک کو ’’ضعيف الحديث‘‘ کہا ہے[6]۔

حافظ ابن ابی حاتم l ’’الجرح والتعديل‘‘[7] میں فرماتے ہیں: ’’سمعت أبا زرعة يقول: لا أحدث عن أيوب بن نَهِيك، ولم يقرأ علينا حديثه، وقال: هو منكر الحديث‘‘. میں نے ابو زرعہ l کو فرماتے سنا: میں ایوب بن نَہِیک کے حوالہ سے حدیث بیان نہیں کرتا، اور انہوں نے ہم پر ایوب کی حدیث نہیں پڑھی، اور فرمایا: وہ منکر الحدیث ہے۔

حافظ ابن حبان l ’’الثقات‘‘[8] میں ایوب بن نَہِیک کو ذکر کرکے فرماتے ہیں: ’’يخطئ، وكان مولى سعد بن أبي وقاص، يعتبر بحديثه من غير رواية أبي قتادة الحَرَّانِي عنه‘‘. یہ خطا کرتا ہے، سعد بن ابی وقاص کا غلام تھا، ابو قتادہ حَرَّانِی کے ان سے روایت کردہ کے علاوہ میں اس کی حدیث میں ’’اعتبار‘‘ کیا جائے گا۔

حافظ ابو الفتح ازدی l نے ایوب بن نَہِیک کو ’’متروك الحديث‘‘ کہا ہے[9]۔

حافظ ذہبی l ’’ديوان‘‘[10] اور ’’المغني‘‘[11] میں ایوب بن نَہِیک کے بارے میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ہیثمی l ’’مجمع الزوائد‘‘[12] میں ایک روایت کے تحت ایوب بن نَہِیک کے بارے میں فرماتے ہیں: ’’متروك، ضعفه جماعة، وذكره ابن حبان في الثقات، وقال: يخطئ‘‘. متروک ہے، ایک جماعت نے اسے ضعیف قرار دیا ہے، اور ابن حبان l اسے ’’ثقات‘‘میں ذکرکرکے فرماتے ہیں: یہ خطاء کرتا ہے۔

حافظ ابن حجر عسقلانیl ’’فتح الباري‘‘[13]میں ایک حدیث کے تحت فرماتے ہیں: ’’فيه أيوب بن نَهِيك، وهو منكر الحديث، قاله أبو زرعة وأبو حاتم‘‘. اس میں ایوب بن نَہِیک ہے، اور وہ منکر الحدیث ہے، ابو زرعہ l اور ابو حاتم l نے اسی طرح کہا ہے۔

حافظ سیوطی l نے ’’جمع الجوامع‘‘[14] میں ایک روایت کے تحت اسے ’’منكر الحديث‘‘ کہا ہے۔