ابو سعید یحیی بن عبد اللہ بن ضحاک حَرَّانی بَابْلُتِّی

امام بخاری l ’’التاريخ الكبير‘‘[15] میں فرماتے ہیں: ’’وقال أحمد بن حنبل: أما السماع فلا يدفع‘‘. احمد بن حنبل l فرماتے ہیں: سماعت کی تردید نہیں کی جا سکتی۔

اس کے بعد امام بخاری l نے یحیی بَابْلُتِّی کی اوزاعی سے تحدیث کی صراحت کے ساتھ ایک حدیث تعلیقاً نقل کی ہے۔

حافظ عبد اللہ بن احمد دَوْرَقی l فرماتے ہیں: ’’قدم يحيى بن معين حران، فطمع البَابْلُتِّي أن يجيئه، فوجه إليه بصرة فيها مئة دينار، وطعام طيب، فرد الصرة وقبل الطعام، فقيل ليحيى يوم دخل: ما تقول في البَابْلُتِّي؟ قال: والله! إن صلته حسنة وطعامه طيب، إلا أنه لم يسمع من الأوزاعي شيئا‘‘[16]. یحیی بن معین l حران تشریف لائے، تو بَابْلُتِّی کو یہ طمع ہوئی کہ وہ ان کے پاس آئے، سو بَابْلُتِّی ، یحیی بن معین l کے پاس ایک تھیلی لے کر آیا جس میں سو دینار تھے، اور عمدہ کھانا لایا، تو یحیی بن معین l نے تھیلی واپس لوٹا دی، اور کھانا قبول کرلیا، آمد کے دن یحیی بن معین l سے کہا گیا: آپ بَابْلُتِّی کے بارے میں کیا کہتے ہیں؟ یحیی بن معین l نے فرمایا: بلا شبہ وہ اچھے سلوک والا ہے، اور اس کا کھانا عمدہ ہے، البتہ اس نے اوزاعی l سے کچھ نہیں سنا[17]۔

حافظ ابو حاتم l فرماتے ہیں: ’’سمعت النفيلي يحمل عليه، وقال لى: كتبت عنه؟ فقلت: لا، أوهمته أني لم أكتب عنه من أجل ضعفه، وإنما قدمت حران، وقد كان توفي‘‘[18]. میں نے نُفَیْلی (یعنی حافظ عبد اللہ بن محمد نُفَیْلی حَرَّانی l) سے سنا، وہ اس پر ’’حمل‘‘ کرتے تھے، اور مجھ سے نُفَیْلیl نے کہا: آپ نے اس سے لکھا؟ تو میں نے کہا: نہیں، میں نے یحیی بن عبد اللہ کے ضعف کی وجہ سے نُفَیْلی کو یہ ایہام دیا کہ میں نے اس سے نہیں لکھا ہے، اور میں حران آیا تو یحیی بن بن عبد اللہ کا انتقال ہوچکا تھا۔

حافظ ابن ابی حاتم l ’’الجرح والتعديل‘‘[19] میں فرماتے ہیں: ’’سألت أبا زرعة عن يحيى بن عبد الله بن الضحاك الحَرَّاني: فقال: لا أحدث عنه، ولم يقرأ علينا حديثه‘‘. میں نے ابو زرعہ l سے یحیی بن عبد اللہ بن ضحاک حَرَّانی کے بارے میں پوچھا، تو فرمایا: میں اس سے حدیث بیان نہیں کرتا، اور ہم پر ابو زرعہ l نے اس کی حدیث نہیں پڑھی۔

حافظ ابن حبان l ’’المجروحين‘‘[20] میں فرماتے ہیں: ’’ كان كثير الخطأ، لا يدفع عن السماع، ولكنه يأتي عن الثقات بأشياء معضلات ممن كان يهم فيها، حتى ذهب حلاوته عن القلوب لما شاب أحاديثه المناكير، فهو عندي فيما انفرد به ساقط الاحتجاج، وفيما لم يخالف الثقات معتبر به، وفيما وافق الثقات محتج به‘‘. یہ کثیر الخطا ہے، سماعت میں اس کی تردید نہیں کی جا سکتی، لیکن یہ ثقہ راویوں کے انتساب سے ایسی معضل اشیاء لاتا ہے جن میں اسے وہم ہوتا تھا، یہاں تک کہ اس کی حلاوت دلوں سے نکل گئی، کیونکہ اس کی احادیث سے مناکیر مل گئی ہیں، سو یہ میرے نزدیک ان احادیث میں ساقط الاحتجاج ہے جن میں یہ متفرد ہو، اور جن میں یہ ثقات کی مخالفت نہ کرے ان کا اعتبار کیا جائےگا، اور جن میں یہ ثقات کی موافقت کرے وہ محتج بہ ہیں۔

حافظ بن عدی l ’’الكامل‘‘[21] میں فرماتے ہیں: ’’وليحيى البَابْلُتِّي عن الأوزاعي أحاديث صالحة، وفي تلك الأحاديث أحاديث ينفرد بها عن الأوزاعي، ويروي عن غير الأوزاعي من المشهورين والمجهولين، والضعف على حديثه بين‘‘. اور یحیی بَابْلُتِّی کی اوزاعی سے صالح احادیث ہیں، اور ان احادیث میں ایسی احادیث بھی ہیں جن میں یحیی، اوزاعی سے نقل کرنے میں متفرد ہے، اور یحیی،  اوزاعی کے علاوہ مشہور اور مجہول لوگوں سے بھی روایت کرتا ہے، اور اس کی حدیث میں ضعف واضح ہے۔

حافظ خلیلی l ’’الإرشاد‘‘[22]میں فرماتے ہیں: ’’[شيخ مشهور، أكثر عن الأوزاعي، وطعنوا في سماعه منه، منهم من يحسن القول فيه، ومنهم من يضعفه]، قيل: إنه أنفذ إلى يحيى بن معين حين دخل حران بدنانير، فقال: لا تكتب عني، ولا تتكلم في‘‘. مشہور شیخ ہے، اوزاعی سے کثرت سے روایت کرتا ہے، اور اسے اوزاعی سے سماعت میں مطعون قرار دیا گیا ہے، بعض نے اس کے بارے میں اچھا قول اختیار کیاہے، اور بعض نے اسے ضعیف قرار دیا ہے، کہا گیا ہے کہ جب یحیی بن معین lحَرَّان داخل ہوئے تو اس نے ان کے پاس دنانیر بھیج کر کہا: میرے متعلق مت لکھو، اور میرے بارے میں گفتگو مت کرو۔

حافظ ابن قیسرانیl ’’تذكرة الحفاظ‘‘[23] میں ایک روایت کو من گھڑت قرار دینے کے بعد یحیی بن عبد اللہ بَابْلُتِّی کے بارے میں فرماتے ہیں: ’’والآفة من البَابْلُتِّي‘‘. اور آفت بَابْلُتِّی کی طرف سے ہے۔

امام بغویl ’’شرح السنة‘‘[24] میں ایک روایت کے تحت یحیی بن عبد اللہ بَابْلُتِّی کے بارے میں فرماتے ہیں: ’’تكلموا فيه، وهو محتج به فيما يوافق الثقات‘‘. اس کے بارے میں کلام کیاگیا ہے، اور یہ ان روایات میں محتج بہ ہے جن میں یہ ثقہ راویوں کی موافقت کرے۔

حافظ ذہبیl نے یحیی بن عبد اللہ بَابْلُتِّی کو ’’الكاشف‘‘[25] میں ’’لين‘‘ اور ’’المغني‘‘[26] میں ’’واه‘‘ کہا ہے۔

حافظ ہیثمی l  نے ’’مجمع الزوائد‘‘[27] میں ایک حدیث کے تحت یحیی بن عبد اللہ بَابْلُتِّی کو ’’ضعيف‘‘ کہا ہے۔

حافظ ابن حجر عسقلانی l نے ’’التقريب‘‘[28] میں یحیی بن عبد اللہ بَابْلُتِّی کو ’’ضعيف‘‘ کہا ہے۔