ابو اسحاق ابراہیم بن ہشام بن یحیی غسانی دمشقی

حافظ ابو حاتمl فرماتے ہیں: ’’قلت لأبي زرعة: لا تحدث عن إبراهيم بن هشام بن يحيى، فإني ذهبت إلى قريته، وأخرج إلي كتابا، زعم أنه سمعه من سعيد بن عبد العزيز، فنظرت فيه، فإذا فيه أحاديث ضمرة، عن رجاء بن أبي سلمة، وعن ابن شوذب، وعن يحيى بن أبي عمرو السَيْبَاني، فنظرت إلى حديث فاستحسنته من حديث ليث بن سعد، عن عقيل، فقلت له: اذكر هذا، فقال: حدثنا سعيد بن عبد العزيز، عن ليث بن سعد، عن عقيل، بالكسر، ورأيت في كتابه أحاديث عن سويد بن عبد العزيز، عن مغيرة، وحصين، قد أقلبها على سعيد بن عبد العزيز، [فقلت له: هذه أحاديث سويد بن عبد العزيز؟ فقال: نا سعيد بن عبد العزيز، عن سويد،] وأظنه لم يطلب العلم، وهو كذاب‘‘[81]. میں نے ابو زرعہ l سے کہا: ابراہیم بن ہشام بن یحیی کے حوالہ سے حدیث بیان نہ کرو، کیونکہ میں اس کی بستی گیا تھا، اور وہ میرے پاس ایک کتاب لے کر آیا، اس کا کہنا تھا کہ اس نے سعید بن عبد العزیز سے اسے سنا ہے، میں نے اس کتاب میں دیکھا تو اس میں ضمرہ کی احادیث رجاء بن ابی سلمہ، ابن شوذب، اور یحیی بن ابی عمرو سَیْبَانی  کے طریق سے تھیں، پھر میں نے ایک حدیث دیکھی جو مجھے لیث بن سعد، عن عقیل کے طریق سے اچھی لگی، تو میں نے اس سے کہا: اسے ذکر کرو، اس نے کہا: ہمیں سعید بن عبد العزیز نے لیث بن سعد، عن عقیل کسرہ کے ساتھ، کے طریق سے بیان کیا ہے، اور میں نے اس کی کتاب میں سوید بن عبد العزیز کی احادیث مغیرہ اور حصین کے طریق سے دیکھیں، جن کو اس نے سعید بن عبد العزیز پر قلب کیا تھا، میں نے اس سے کہا: یہ سعید بن عبد العزیز کی احادیث ہیں؟ تو اس نے کہا: ہمیں سعید بن عبد العزیز نے سوید کے طریق سے بیان کیا ہے، اور میرا گمان یہ ہے کہ اس نے علم حاصل نہیں کیا، اور وہ کذاب ہے[82]۔

حافظ ابن ابی حاتم l ’’الجرح والتعدیل‘‘[83] میں فرماتے ہیں: ’’ذكرت لعلي بن الحسين بن الجنيد بعض هذا الكلام عن أبي، فقال: صدق أبو حاتم، ينبغي أن لا يحدث عنه‘‘. میں نے علی بن حسین بن جنید سے اپنے والد کے اس کلام میں سے (یعنی جو متصل پہلے گزرا ہے) بعض کا ذکر کیا تو علی بن حسین بن جنید نے کہا: ابو حاتم l نے سچ کہا، مناسب یہ ہے کہ اس کے حوالہ سے روایت بیان نہ کی جائے۔

حافظ ابن عساکر l نے ’’تاريخ دمشق‘‘[84] میں اور حافظ ذہبیl نے ’’تاريخ الإسلام‘‘[85] میں حافظ ابو حاتم l کے کلام پر اعتمادکیا ہے۔

نیز حافظ ابو حاتم l نے ایک مقام پر ابراہیم بن ہشام کو  ’’ ليس بثقة‘‘ کہا ہے[86]۔

حافظ ذہبی l ’’المغني‘‘[87] میں فرماتے ہیں: ’’قال أبو حاتم وغيره: ليس بثقة، وثقه الطبراني، وحكى عنه أبو حاتم ما يدل على أنه لا يعي الحديث‘‘. ابو حاتم l وغیرہ نے اسے غیر ثقہ کہا ہے، اور طبرانی l نے اس کی توثیق کی ہے، اور ابو حاتم l نے اس کے بارے میں حکایت کی ہے جو اس بات پر دلالت کرتی ہے کہ یہ حدیث محفوظ نہیں کرتا تھا۔

حافظ ابو زرعہ l نے ابراہیم بن ہشام کو ’’ كذاب‘‘ کہا ہے[88]۔

حافظ ابن جوزی l نے ’’الضعفاء‘‘[89] میں حافظ ابو زرعہ l کے قول پر اعتماد کیا ہے۔

امام طبرانی l’’المعجم الصغير‘‘[90] میں دو احادیث بطریق ’’ابراہیم بن ہشام بن یحیی بن یحیی غسانی، عن ابیہ، عن جدہ‘‘نقل کرنے کے بعد فرماتے ہیں: ’’لم يرو هذين الحديثين عن يحيى بن يحيى، وكان من الثقات، إلا ولده، وهم ثقات‘‘. یحیی بن یحیی جو ثقات میں سے ہے،اس سے ان دو حدیثوں کو صرف ان کی اولاد نے روایت کیا ہے، اور وہ ثقہ ہیں۔

حافظ ابن عبد الہادی l ’’تنقيح التحقيق‘‘[91] میں ابراہیم بن ہشام  کے بارے میں فرماتے ہیں: ’’وقد علم أن إبراهيم بن هشام شيخ، متهم بالكذب، لا يعرف الحديث ولا يدريه، ولا يحتج بروايته‘‘. اور یہ بات معلوم ہوچکی ہے کہ ابراہیم بن ہشام شیخ ہے، جھوٹ بولنے میں متہم ہے، اسے نہ حدیث کی معرفت ہے، اور نہ حدیث کی سمجھ رکھتا ہے، اور اس کی روایت سے احتجاج نہیں کیا جائے گا۔

حافظ ذہبی l ’’العلو‘‘[92] میں ایک روایت کے تحت ابراہیم بن ہشام کے بارے میں فرماتے ہیں: ’’إبراهيم ليس بشيء، وقد وثق‘‘. ابراہیم لیس بشیء ہے، اور اس کی توثیق بھی کی گئی ہے۔

حافظ ذہبی l ’’ميزان الاعتدال‘‘[93] میں یحیی بن سعید قرشی کے ترجمہ میں ابراہیم بن ہشام کے بارے میں فرماتے ہیں: ’’إبراهيم بن هشام أحد المتروكين الذين مشاهم ابن حبان، فلم يصب‘‘. ابراہیم متروک راویوں میں سے ایک راوی ہے، ابن حبان l نے اسے چلنے دیا ہے، سو وہ درستگی پر نہیں ہیں۔

حافظ ابن حجر عسقلانی  l نے ’’لسان‘‘[94] میں حافظ ذہبی l کے کلام پر اعتماد کیا ہے۔

حافظ ابن کثیرl  اپنی ’’تفسير‘‘[95] میں حضرت ابو ذر غفاری r سے مروی مشہور حدیث ’’کم الانبیاء‘‘نقل کرنے کے بعد فرماتے ہیں: ’’وقد روى هذا الحديث بطوله الحافظ أبو حاتم ابن حبان البستي في كتابه الأنواع والتقاسيم، وقد وسمه بالصحة، وخالفه أبو الفرج ابن الجوزي، فذكر هذا الحديث في كتابه الموضوعات، واتهم به إبراهيم بن هشام هذا، ولا شك أنه قد تكلم فيه غير واحد من أئمة الجرح والتعديل من أجل هذا الحديث، فالله أعلم‘‘. اس لمبی حدیث کو حافظ ابو حاتم ابن حبان بستی l نے اپنی کتاب ’’الانواع والتقاسیم‘‘میں روایت کیا ہے، اور اس پر صحت کی علامت لگائی ہے، اور ابو الفرج ابن جوزی l نے ان کی مخالفت کی ہے، سو انہوں نے اس حدیث کو اپنی کتاب ’’الموضوعات‘‘میں ذکر کیا ہے، اور اس کی وجہ سے ابراہیم بن ہشام کو متہم قرار دیا ہے، اور اس میں شک نہیں کہ اس حدیث کی وجہ سے ایک سے زائد ائمہ جرح وتعدیل نے ابراہیم بن ہشام کے بارے میں کلام کیا ہے، فاللہ اعلم۔

حافظ ہیثمیl ’’مجمع الزوائد‘‘[96] میں ایک حدیث کے تحت ابراہیم بن ہشام کے بارے میں فرماتے ہیں: ’’وثقه ابن حبان وغيره، وكذبه أبو حاتم، وأبو زرعة‘‘. ابن حبان l وغیرہ نے اس کی توثیق کی ہے، اور ابو حاتم l اور ابو زرعہ l نے اسے کذاب کہا ہے۔

علامہ ابن عراق l ’’تنزيه الشريعة‘‘[97] میں ابراہیم بن ہشام بن یحیی کو وضاعین ومتہمین کی فہرست میں شمار کرکے میں فرماتے ہیں: ’’قال أبو حاتم وأبو زرعة: كذاب‘‘. ابو حاتم l اور ابو زرعہ l فرماتے ہیں کہ یہ کذاب ہے۔