ابو مسکین طلحہ بن زید ویقال ابو محمد قرشی رقی

امام علی بن مدینی lفرماتے ہیں: ’’ كان يضع الحديث‘‘[69]. یہ حدیث گھڑتا تھا۔

امام احمد بن حنبلl ’’العلل‘‘[70] میں ایک روایت کے تحت فرماتے ہیں: ’’طلحة بن زيد كان نزل على شعبة، ليس بشيء، كان يضع الحديث‘‘. طلحہ بن زید، شعبہ l کے پاس رہائش پذیر تھا، یہ لیس بشیء ہے، حدیث گھڑتا تھا۔

امام بخاریl نے ’’التاريخ الكبير‘‘[71]، ’’التاريخ الصغير‘‘[72] اور ’’الضعفاء‘‘[73] میں طلحہ بن زید کو ’’منكر الحديث‘‘ کہا ہے۔

حافظ ابو زرعہ l سے منقول ہے: ’’وطلحة بن زيد يدس الرجل ، ولا يستحق أن يروى عنه‘‘[74]. اور طلحہ بن زید، ’’ رَجُل‘‘ چھپاتا تھا، اور یہ اس بات کا مستحق نہیں کہ اس   سے روایت نہیں لکھی جائے۔

امام ابو داؤد l ، طلحہ بن زید کے بارے میں فرماتے ہیں: ’’ كان يضع الحديث‘‘[75]. یہ حدیث گھڑتا تھا۔

امام ابو حاتم l ، طلحہ بن زید کے بارے میں فرماتے ہیں: ’’منكر الحديث، ضعيف الحديث، لا يكتب حديثه‘‘[76]. منکر الحدیث، ضعیف الحدیث ہے، اس کی حدیث نہیں لکھی جائے گی۔

امام نسائی l نے ’’الضعفاء‘‘[77] میں طلحہ بن زید کو ’’متروك الحديث‘‘ کہا ہے۔

امام نسائی l نے ایک دوسرے مقام پر طلحہ بن زید کو ’’منكر الحديث، ليس بثقة‘‘ کہا ہے[78]۔

حافظ صالح بن محمد بغدادی l ، طلحہ بن زید کے بارے میں فرماتے ہیں: ’’لا يكتب حديثه‘‘[79]. اس کی حدیث نہیں لکھی جائے گی۔

حافظ ابو علی حرانی l نے طلحہ بن زید کو ’’منكر الحديث‘‘ کہا ہے[80]۔

حافظ ابو یحیی زکریا بن یحیی ساجیl نے طلحہ بن زید کو ’’منكر الحديث‘‘ کہا ہے[81]۔

حافظ ابن حبان l ’’المجروحين‘‘ [82] میں طلحہ بن زید کے بارے میں فرماتے ہیں: ’’منكر الحديث جدا، يروي عن الثقات المقلوبات، لا يحل الاحتجاج بخبره‘‘. یہ شدید منکر الحدیث ہے، یہ ثقات کے انتساب سے مقلوب روایت کرتا ہے، اس کی خبر سے احتجاج حلال نہیں ہے۔

حافظ ابن عدی l ’’الكامل‘‘[83] میں طلحہ بن زید کے ترجمہ میں چند احادیث تخریج کرنے کے بعد فرماتے ہیں: ’’وطلحة هذا أحاديث مناكير غير ما ذكرت‘‘. اور اس طلحہ کی میری ذکر کردہ احادیث کے علاوہ بھی منکر احادیث ہیں۔

امام دارقطنی l نے طلحہ بن زید کو ’’ضعيف‘‘ کہا ہے[84]۔

امام بیہقی l ’’شعب الإیمان‘‘[85]  میں ایک روایت کے تحت طلحہ بن زید کے بارے میں فرماتے ہیں: ’’متروك الحديث، متهم بالوضع‘‘. یہ متروک الحدیث ہے، حدیث گھڑنے میں متہم ہے۔

حافظ ابن قیسرانیl نے ’’ذخيرة الحفاظ‘‘[86] میں ایک روایت کے تحت طلحہ بن زید کو ’’متروك الحديث‘‘ کہا ہے۔

حافظ ذہبیlنے ’’تلخيص الموضوعات‘‘میں طلحہ بن زید کے بارے میں ایک روایت کے تحت ایک مقام پر ’’واه‘‘[87] اور دوسرے مقام پر ’’أحد المتروكين‘‘[88] کہا ہے۔

حافظ ہیثمی l ’’مجمع الزوائد‘‘[89] میں ایک روایت کے تحت طلحہ بن زید کے بارے میں فرماتے ہیں: ’’وقد اتهم بالوضع‘‘. یہ حدیث گھڑنے میں متہم ہے۔

حافظ ابن حجرعسقلانی l ’’التقريب‘‘[90] میں طلحہ بن زید کے بارے میں فرماتے ہیں: ’’متروك، قال أحمد وعلي وأبو داود: كان يضع‘‘. یہ متروک ہے، احمد l ، علی l ، اور ابو داؤد l فرماتے ہیں: یہ حدیث گھڑتا تھا۔

علامہ ابن عراق l ’’تنزيه الشريعة‘‘[91] میں طلحہ بن زید کو وضاعین ومتہمین کی فہرست میں شمار کرکے فرماتے ہیں: ’’قال أحمد وابن المديني: كان يضع الحديث‘‘. احمد l ، اور ابن مدینی l فرماتے ہیں: یہ حدیث گھڑتا تھا۔