ابو غَزِیَّہ محمد بن موسی بن مسکین قاضی انصاری مدنی

 حافظ ابن سعدl ’’الطبقات‘‘[34] میں محمد بن موسی کے بارے میں فرماتے ہیں: ’’وكانت له رواية وعلم، وبصر بالفتوى والفقه‘‘. ان کو روایت وعلم، نیز فتوی وفقہ میں بصیرت حاصل تھی۔

امام بخاری l ’’التاريخ الكبير‘‘[35] اور ’’التاريخ الصغير‘‘[36] میں ابو غَزِیَّہ کے بارے میں  فرماتے ہیں: ’’عنده مناكير‘‘. اس کے پاس مناکیر ہیں۔

امام بخاری l نے ’’التاريخ الكبير‘‘[37] میں اسحاق بن سعید کے ترجمہ میں محمد بن موسی بن مسکین کو ’’منكر الحديث‘‘ کہا ہے۔

حافظ ابو زرعہ l نے ابو غَزِیَّہ محمد بن موسی کو ’’منكر الحديث‘‘ کہا ہے[38]۔

حافظ ابو حاتم l نے ابو غَزِیَّہ کو ’’ضعيف الحديث‘‘  کہا ہے[39]۔

علامہ وکیع ابو بکر محمد بن خلف l ’’أخبار القضاة‘‘[40] میں فرماتے ہیں: ’’وكان أبو غَزِيَّة محمد بن موسى من أهل العلم‘‘.ابو غَزِیَّہ محمد بن موسی اہل علم میں سے تھے۔

علامہ وکیع ابو بکر محمد بن خلف l ہی ’’أخبار القضاة‘‘[41] میں چند سطروں کے بعد فرماتے ہیں: ’’وحديثه مستقيم‘‘. اور اس کی حدیث مستقیم ہے۔

حافظ عقیلی l ’’الضعفاء الكبير‘‘[42] میں ابو غَزِیَّہ کے ترجمہ میں امام بخاری l  کا کلام، پھر ایک حدیث تخریج کرکے فرماتے ہیں: ’’ولا يتابع عليه إلا من طريق فيها ضعف‘‘. اور ان کی متابعت صرف ایسے طریق میں ہوئی ہے جس میں ضعف ہے۔

حافظ ابن حبان l ’’المجروحين‘‘[43] میں فرماتے ہیں: ’’كان ممن يسرق الحديث، ويحدث به، ويروي عن الثقات أشياء موضوعات، حتى إذا سمعها المبتدئ في الصناعة، سبق إلى قلبه أنه كان المتعمد لها‘‘. یہ حدیث میں سرقہ کرکے اسے بیان کرتا تھا، اور ثقات کے انتساب سے من گھڑت چیزیں روایت کرتا تھا، حتی کہ صناعت کا مبتدی بھی ان کو سن لے تو اس کے دل میں یہ آجائے کہ یہ جان بوجھ کر اسے لاتا ہے۔

حافظ ابن قیسرانی l نے ’’تذكرة الحفاظ‘‘[44] میں حافظ ابن حبان l کے قول پر اعتماد کیا ہے۔

حافظ ابن عدی l ’’الكامل‘‘[45] میں ابو غَزِیَّہ کے بارے میں فرماتے ہیں: ’’وقد وقع في رواياته أشياء أنكرت عليه‘‘. اور اس کی روایات میں ایسی چیزیں ہیں جن کو منکر قرار دیا گیا ہے۔

امام دارقطنی l ایک روایت کے تحت فرماتے ہیں: ’’وهذا كذب على مالك، والحمل فيه على أبي غَزِيَّة، والمتهم بوضعه هو، أو من حدث به عنه‘‘[46]. اور یہ مالک l پر جھوٹ ہے، اور اس میں ’’حمل‘‘ابو غَزِیَّہ پر ہے، اور وہ اس کے گھڑنے میں متہم ہے، یا جس نے اس سے اسے بیان کیا ہے ۔

حافظ ابو عبد اللہ حاکم l  نے ابو غَزِیَّہ محمد بن موسی کو ’’ثقة، مامون‘‘ کہا ہے[47]۔

حافظ ابو عبد اللہ حاکم l نے ’’المستدرك‘‘[48] میں ابو غَزِیَّہ محمد بن موسی کی ایک حدیث تخریج کرکے اسے ’’صحیح‘‘کہا ہے، تاہم حافظ ذہبی l ’’تلخیص المستدرك‘‘[49]میں اس کے تحت فرماتے ہیں: ’’بل واه‘‘ .  بلکہ یہ واہی ہے۔

امام بیہقی l نے ’’السنن الكبرى‘‘[50] میں ایک روایت کے تحت ابو غَزِیَّہ کو ’’ليس بالقوي‘‘ کہا ہے۔

حافظ ابن عبد البر l ’’الاستغناء‘‘[51] میں ابو غَزِیَّہ کے بارے میں کہتے ہیں: ’’ليس هو عندهم بالقوي‘‘. یہ محدثین کے نزدیک قوی نہیں ہے۔

حافظ جوزقانی l نے’’الأباطيل‘‘[52]میں ایک روایت کے تحت محمد بن موسی کو ’’ ثقة‘‘ کہا ہے۔

علامہ عبد الحق اشبیلی l نے ’’الأحكام الوسطى‘‘[53] میں ایک روایت کے تحت ابو غَزِیَّہ کو ’’ضعيف‘‘ کہا ہے۔

حافظ ہیثمی l نے ’’مجمع‘‘[54] میں ایک روایت کے تحت ابو غَزِیَّہ کو ’’ضعيف‘‘ کہا ہے۔

علامہ ابن عراق l’’تنزيه الشريعة‘‘[55] میں ابو غَزِیَّہ محمد بن موسی کو وضاعین ومتہمین کی فہرست میں شمار کرکے فرماتے ہیں: ’’قال ابن حبان: كان يسرق الحديث، ويروي عن الثقات الموضوعات، وقال الحافظ ابن حجر: اتهمه الدار قطني بالوضع‘‘.یہ حدیث میں سرقہ کرتا تھا، اور ثقات کے انتساب سے من گھڑت چیزیں روایت کرتا تھا، اور حافظ ابن حجر l فرماتے ہیں: دارقطنی l نے اس کو حدیث گھڑنے میں متہم قرار دیا ہے۔