ابو شعیب ابو عمر ابو محمد عاصم بن سلیمان عبدی کُوْزِی تمیمی

 حافظ عمرو بن علی فلّاس l فرماتے ہیں:  ’’أن عاصما الكوزي كان كذابا، يحدث باحاديث ليس لها أصول كذب عن رسول الله صلى الله عليه وسلم وأصحابه‘‘[62].عاصم کوزی جھوٹا ہے، یہ ایسی احادیث بیان کرتا ہے جن کے اصول نہیں ہوتے، یہ رسول اللہ ﷺ اور آپ ﷺکے صحابہ p کے انتساب سے جھوٹ کہتا تھا۔

 حافظ ابو حاتم l نے عاصم بن سلیمان کو  ’’ضعيف الحديث، متروك الحديث‘‘[63] کہا ہے۔

حافظ ابن حبان l  ’’المجروحين‘‘[64] میں زیرِ بحث حدیث نقل کرکے لکھتے ہیں:  ’’ومن روى مثل هذا كان ممن يروي الموضوعات عن الأثبات، لا يحل كتابة حديثه إلا على جهة التعجب‘‘. جو شخص ایسی حدیث نقل کرے تو وہ ثبت لوگوں کے انتساب سے من گھڑت احادیث نقل کرتا ہے، اس کی احادیث کو صرف تعجب کے طور پر لکھنا حلال ہے۔

 حافظ ابن عدی l  ’’الكامل‘‘[65] میں لکھتے ہیں:  ’’يعد فيمن يضع الحديث‘‘. یہ حدیث گھڑنے والوں میں شمار ہوتا ہے۔

 اس کے بعد حافظ ابن عدی l نے حافظ عمرو بن علی فلاس lکے طریق سے اس حدیث کی تخریج کی ہے۔

 امام نسائی l نے عاصم بن سلیمان کو  ’’متروك الحديث‘‘[66] کہا ہے۔

 حافظ دار قطنی l نے عاصم بن سلیمان کو ’’ كذاب‘‘[67] کہا ہے۔

 حافظ ابو داؤد طیالسی l نے عاصم بن سلیمان کو ’’ كذاب‘‘[68] کہا ہے۔

 حافظ ساجی l فرماتے ہیں:  ’’متروك، يضع الحديث‘‘[69] . متروک ہے، حدیث گھڑتا ہے۔

 حافظ ازدی l فرماتے ہیں:  ’’منكر الحديث، لا يحتج بحديثه‘‘[70]. منکر الحدیث ہے، اس کی حدیث سے احتجاج نہ کیا جائے۔

حافظ عقیلی l  ’’الضعفاء الكبير‘‘[71] میں لکھتے ہیں:  ’’غلب على حديثه الوهم‘‘.اس کی حدیثوں میں وہم کا غلبہ تھا۔

 حافظ ابو عبد اللہ حاکم l  ’’المدخل‘‘[72] میں لکھتے ہیں:  ’’روى عن داود بن أبي هند، وعاصم الأحول، وهشام بن حسان أحاديث موضوعة‘‘. یہ داؤد بن ابی ہند، عاصم احول اور ہشام بن حسان کے انتساب سے من گھڑت احادیث روایت کرتا ہے۔

 حافظ ذہبی l ’’المغني‘‘[73] میں لکھتے ہیں:  ’’روى بسند الصحيحين الشرب على الريق يعقد الشحم، كذبه غير واحد‘‘. عاصم بن سلیمان صحیحین کی سند سے یہ روایت نقل کرتا ہے: نہار منہ پانی پینا چربی کو ختم کرتا ہے، اس کو متعدد علماء نے جھوٹا کہا ہے۔

 نیز حافظ ذہبی l  ’’ديوان الضعفاء‘‘[74] میں فرماتے ہیں: ’’ كذبوه‘‘. محدثین نے اسے جھوٹا کہا ہے۔

 حافظ ابن حجر عسقلانی lفرماتے ہیں:  ’’أحد المتروكين‘‘[75] .