ابو سلم ویقال ابو عمرو یحیی بن علاء رازی بَجَلی

امام وکیع بن جراح l فرماتے ہیں: ’’ كان يكذب، حدث في خلع النعلين نحو عشرين حديثا‘‘[52]. یہ جھوٹ بولتا تھا، اس نے جوتا اتارنے سے متعلق بیس کے قریب احادیث بیان کی ہیں۔

حافظ یحیی بن معین l نے یحیی بن علاء کو ’’لیس بشیء‘‘ کہا  ہے[53]۔

حافظ یحیی بن معین l نے ایک دوسرے مقام پر اسے ’’ ليس بثقة‘‘ کہا ہے[54]۔

امام احمد بن حنبلl فرماتے ہیں: ’’يحيى بن العلاء الرازي كذاب، رافضي، يضع الحديث‘‘[55]. یحیی بن علاء رازی کذاب، رافضی ہے، حدیث گھڑتا ہے۔

علامہ سبط ابن عجمیlنے’’الكشف الحثيث‘‘[56] میں امام احمد بن حنبلl کے قول پر اعتماد کیا ہے۔

امام بخاری l ’’التاريخ الكبير‘‘[57] اور ’’التاريخ الصغير‘‘[58] میں فرماتے ہیں:  ’’وكيع يتكلم فيه‘‘. وکیع l اس کے بارے میں کلام کرتے ہیں۔

امام بخاری l نے ایک مقام پر اسے ’’متروك الحديث‘‘ کہا  ہے[59]۔

حافظ ابراہیم بن یعقوب جوزجانی l ’’أحوال الرجال‘‘[60] میں فرماتے ہیں: ’’غير مقنع، حدثت عن عبد الرزاق، قال: سألت وكيعا عن يحيى بن العلاء: ما تقول فيه؟ قال: أما رأيت فصاحته؟ قلت على ذاك ما تنكرون منه؟ قال: يكفي أنه روى عشرين حديثا في خلع النعل على الطعام‘‘. ’’غیر مقنع‘‘ ہے، عبد الرزاق l سے مجھے یہ بات پہنچی ہے، وہ فرماتے ہیں: میں نے وکیع l سے یحیی بن علاء کے بارے میں پوچھا کہ آپ اس کے بارے میں کیا کہتے ہو؟ وکیع l نے فرمایا: آپ نے اس کی فصاحت کو نہیں دیکھا؟ میں نے کہا: اسی بناء پر تم انکار کرتے ہو؟ وکیع l نے فرمایا: یہ کافی ہے کہ اس نے کھانے میں جوتا اتارنے سے متعلق بیس احادیث روایت کی ہیں۔

حافظ ابراہیم بن یعقوب جوزجانی l نے ایک مقام پر یحیی بن علاء کو ’’شيخ واهي‘‘ کہا ہے[61]۔

حافظ ابو زرعہ رازیl نے اسے ’’واهي الحديث‘‘ کہا ہے[62]۔

حافظ ابو زرعہ رازیl ایک دوسرے موقع پر فرماتے ہیں: ’’في حديثه ضعف‘‘[63]. اس کی حدیث میں ضعف ہے۔

امام ابو داؤد l فرماتے ہیں: ’’ضعفوه‘‘[64]. محدثین نے اسے ضعیف قرار دیا ہے۔

امام ابو داؤد l نے ایک دوسرے مقام پر اسے ’’ضعيف‘‘ کہا ہے[65]۔

حافظ یعقوب بن سفیان فَسَوِی l نے ’’المعرفة والتاريخ‘‘[66] میں اس کے بارے میں ’’يعرف وينكر‘‘ کہا ہے۔

حافظ ابو اسحاق حربی l فرماتے ہیں: ’’غيره أوثق منه‘‘[67]. دوسرے اس سے زیادہ ثقہ ہیں۔

امام نسائیl نے ’’الضعفاء‘‘[68] میں اسے ’’متروك الحديث‘‘ کہا ہے۔

حافظ عقیلیl نے ’’الضعفاء الكبير‘‘[69] میں محمد بن نعمان کے ترجمہ میں یحیی بن علاء کو ’’متروك الحديث‘‘ کہا ہے۔

حافظ عمرو بن علی فلاسl نے یحیی بن علاء کو ’’متروك الحديث [جدا]‘‘ کہا ہے[70]۔

حافظ ابو حاتم l نے یحیی بن علاء کو ’’ليس بالقوي‘‘ کہا ہے[71]۔

حافظ ابو حاتم l نے ایک مقام پر یحیی بن علاء کے بارے میں کہا ہے: ’’تكلم فيه وكيع‘‘[72]. وکیع l نے اس کے بارے میں کلام کیا ہے۔

حافظ ابو بشر دولابی l نے ’’ الكنى‘‘[73] میں اسے ’’ضعيف‘‘  کہا ہے۔

حافظ ابن حبان l ’’المجروحين‘‘[74] میں فرماتے ہیں: ’’ كان ممن ينفرد عن الثقات بالأشياء المقلوبات التي إذا سمعها من الحديث صناعته سبق إلى قلبه أنه كان المعتمد لذلك، لا يجوز الاحتجاج به، كان وكيع شديد الحمل عليه‘‘. یحیی بن علاء ان لوگوں میں سے ہے جو ثقات کے انتساب سے ایسی مقلوب اشیاء نقل کرنے میں متفرد ہیں جب اہل صناعت اُنہیں سنتے ہیں تو ان کے دل میں یہ بات سبقت کر جاتی ہے کہ یہ ان مقلوب روایات کو جان بوجھ کر لاتا ہے، اس سے احتجاج جائز نہیں ہے، وکیع l  ان کی شدید تضعیف کرتے تھے۔

حافظ ابن عدیl ’’الكامل‘‘[75] میں فرماتے ہیں:  ’’وليحيى بن العلاء غير ما ذكرت، والذي ذكرت مع ما لم أذكر مما لا يتابع عليه، وكلها غير محفوظة، ويحيى بن العلاء بين الضعف على روايته وحديثه‘‘. یحیی بن علاء کی میری ذکر کردہ احادیث کے علاوہ بھی احادیث ہیں، اور جو احادیث میں نے ذکر کیں اور جو ذکر نہیں کیں ان میں اس کی متابعت نہیں کی جاتی، اور  یہ تمام کی تمام غیر محفوظ ہیں، اور یحیی بن علاء کی روایت اور حدیث میں ضعف واضح ہے۔

حافظ ساجی l فرماتے ہیں:  ’’فيه ضعف، منكر الحديث‘‘[76]. اس میں ضعف ہے، یہ منکر الحدیث ہے۔

حافظ ابو الفتح ازدیl نے اسے ’’متروك الحديث‘‘ کہا ہے[77]۔

حافظ ابن حزم اندلسیl نے ’’المحلى‘‘[78] میں یحیی بن علاء کو ’’ليس بالقوي‘‘ کہا ہے۔

امام بیہقی l نے ’’السنن الكبرى‘‘[79] میں ایک روایت کے تحت یحیی بن علاء کو ’’متروک‘‘ قرار دیا ہے۔

حافظ ذہبی l نے ’’تلخيص الموضوعات‘‘[80] میں ایک دوسری حدیث کے تحت یحیی بن علاء کو ’’متهم‘‘ کہا ہے۔

حافظ ذہبی l ’’تاريخ الإسلام‘‘[81] میں فرماتے ہیں: ’’أحد الأعلام الجلة على ضعفه‘‘. باوجود ضعیف ہونے کے جلیل القدر اعلام میں سے ہیں۔

نیز حافظ ذہبیl ’’الكاشف‘‘[82] میں فرماتے ہیں: ’’تركوه‘‘. محدثین نے اسے ترک کیا ہے۔

حافظ ابن ملقن l ’’البدر المنير‘‘[83] میں ایک روایت کے تحت فرماتے ہیں:’’يحيى بن العلاء (أبو عمرو) البَجَلي الرازي، وقد ضعفوه جدا‘‘. یحیی بن علاء ابو عمرو بَجَلی رازی کو محدثین نے ضعیف جداً قرار دیا ہے۔

حافظ ابن حجرعسقلانیl ’’تقريب التهذيب‘‘[84] میں فرماتے ہیں: ’’رمي بالوضع‘‘. حدیث گھڑنے میں متہم ہے۔

علامہ ابن عراق l ’’تنزيه الشريعة‘‘[85] میں یحیی بن علاء بَجَلی رازی کو وضاعین ومتہمین کی فہرست میں شمار کرکے فرماتے ہیں: ’’قال أحمد بن حنبل: كذاب، يضع الحديث، وقال ابن عدي: أحاديثه موضوعة، وقال في التقريب: رمي بالوضع‘‘. احمد بن حنبل l فرماتے ہیں: یہ جھوٹا ہے، حدیث گھڑتا ہے، اور ابن عدی l فرماتے ہیں: اس کی احادیث من گھڑت ہیں، اور ’’تقریب‘‘ میں (حافظ ابن حجر عسقلانی l نے) کہا ہے کہ یہ حدیث گھڑنے میں متہم ہے۔