ابو الحسن عمرو بن زیاد بن عبد الرحمن بن ثوبان باہلی مولی رسول اللہ ﷺ

حافظ عقیلیl ’’الضعفاء الكبير‘‘[18] میں عمرو بن زیاد کے بارے میں فرماتے ہیں: ’’قال لنا محمد بن يوسف: قدم علينا هذا الشيخ من الري، وذكر أنه كان ببغداد، وكان يذكر أحمد بن حنبل، وأنه يعرفه، وذكر أبا زرعة الرازي، وأملى علينا أحاديث فأنكرها بعض من كان معنا من أصحابنا، فكتبنا إلى أبي زرعة، وبعثنا إليه بحديثه، فكتب إلينا أبو زرعة: إن هذه الأحاديث موضوعة، وإن الرجل كذاب‘‘.

محمد بن یوسف نے ہمیں کہا: ری سے ہمارے پا س یہ شیخ آیا، اس نے بتایا کہ وہ بغداد سے ہے، اور وہ احمد بن حنبلl کا ذکر کررہے تھے کہ یہ ان کو جانتے ہیں، اور ابو زرعہ رازیl کا بھی ذکر کیا، اور ہمیں کچھ احادیث کی املاء کروائی، تو ہمارے اصحاب میں سے بعض نے اس کا انکار کیا، ہم نے ابو زرعہl کو خط لکھا، اور ہم نے اس کی احادیث ابو زرعہl کی طرف بھیج دیں، ابو زرعہl نے ہمیں خط لکھا: یہ احادیث من گھڑت ہیں اور یہ شخص کذاب ہے۔

حافظ ابن ابی حاتمl  ’’الجرح والتعدیل‘‘[19] میں لکھتے ہیں:  ’’سألت أبي عنه: فقال: قدم الري فرأيته ووعظته فجعل يتغافل كأنه لا يسمع، كان يضع الحديث، قدم قزوين فحدثهم بأحاديث منكرة أنكر عليه على الطنافسي، وقدم الأهواز فقال: أنا يحيى بن معين، هربت من المحنة، فجعل يحدثهم ويأخذ منهم فأعطوه مالا، وخرج إلى خراسان، وقال أنا من ولد عمر، وخرج إلى قزوين وكان على قزوين رجل باهلي، فقال: أنا باهلي، وكان كذابا (أفاكا)، قال: كتبت عنه، ثم رميت به‘‘.

میں نے اپنے والد سے عمرو بن زیاد کے بارے میں پوچھا تو انہوں نے کہا کہ یہ ری آیا تھا، میں نے اسے دیکھا تھا اور میں نے اسے نصیحت کی تھی، وہ خود کو غافل ظاہر کرتا تھا گویا کہ وہ سن ہی نہیں رہا، وہ حدیث گھڑتا تھا، قزوین آکر ان کو منکر احادیث بیان کیں، تو طنافسیl نے اس پر انکار کیا، اور اہواز آکر کہا کہ میں یحیی بن معین ہوں، میں آزمائش سے بھاگ کر آیا ہوں، پھر اس نے ان کو احادیث سنانی شروع کردیں اور ان سے لینا شروع کردیا، تو لوگوں نے اسے مال دیا، اور خراسان کی طرف جا کر کہا کہ میں عمر کی اولاد میں سے ہوں، اور قزوین کی طرف گیا اور وہ قزوین میں باہلی شخص بنا ہوا تھا، کہنے لگا کہ میں باہلی ہوں، اور وہ کھلم کھلا جھوٹا تھا، ابو حاتم l نے کہا: میں نے اس سے روایت لکھی تھی، پھر میں نے اسے ترک کردیا۔

حافظ خطیب بغدادی l نے ’’تاريخ بغداد‘‘[20] میں اور علامہ عبد الکریم قزوینی l نے ’’التدوین‘‘[21]  میں حافظ ابو حاتم l کے کلام پر اعتماد کیا ہے۔

حافظ ابن حبانl نے عمرو بن زیاد کو ’’ثقات ‘‘[22] میں ذکر کیا ہے۔

حافظ ابن عدیl ’’الكامل‘‘[23] میں فرماتے ہیں: ’’منكر الحديث، يسرق الحديث، ويحدث بالبواطيل‘‘. منکر الحدیث ہے، حدیث میں سرقہ کرتا ہے، اور باطل روایات بیان کرتا ہے۔

حافظ دار قطنیl ’’الضعفاء‘‘[24] میں فرماتے ہیں: ’’يضع الحديث‘‘. یہ حدیث گھڑتا ہے۔

حافظ ابن مندہ l فرماتے ہیں: ’’عمرو بن زياد يعرف بالتأله، متروك الحديث‘‘[25]. عمرو بن زیاد عبادت میں معروف تھا، یہ متروک الحدیث ہے۔

حافظ ابو الحسن ابن القطان فاسی l ’’إحكام النظر‘‘[26] میں ایک روایت کے تحت فرماتے ہیں: ’’وعمرو بن زياد هذا غاية في الضعف، في حد من اتهم بالكذب‘‘. اور عمرو بن زیاد ضعف کے انتہائی درجہ پر ہے، ان لوگوں کی حد میں ہے جو جھوٹ بولنے میں متہم ہیں۔

حافظ ذہبی l نے ’’تلخيص الموضوعات‘‘[27] میں اسی طریق کے تحت عمرو بن زیاد کو ’’وضاع‘‘ اور ایک دوسرے مقام پر ’’ كذاب‘‘کہا ہے[28]۔

حافظ ابن حجرعسقلانیl نے ’’لسان‘‘[29] میں ایک مقام پر عمرو بن زیاد کو ’’وضاع‘‘، اور ’’الإصابة‘‘[30] میں ایک روایت کے تحت ’’متروك‘‘ کہا ہے۔

علامہ ابن عراق l نے ’’تنزيه الشريعة‘‘[31] میں عمرو بن زیاد کو وضاعین ومتہمین کی فہرست میں شمار کیا ہے۔