ابو الفضل عثمان بن مطر شیبانی بصری

حافظ یحیی بن معینl نےعثمان بن مطر کو ’’ ضعيف‘‘ کہا ہے[15]۔

حافظ یحیی بن معین l ایک مقام پر فرماتے ہیں: ’’ليس هو بشيء، كان هاهنا يعني ببغداد‘‘[16]. یہ لیس بشیء ہے، یہ یہاں، یعنی بغداد میں تھا۔

حافظ یحیی بن معین l ایک دوسرے مقام پر فرماتے ہیں: ’’ضعيف، لا يكتب حديثه‘‘[17]. یہ ضعیف ہے، اس کی حدیث نہیں لکھی جائےگی۔

علامہ عبد اللہ بن علی بن مدینی l فرماتے ہیں: ’’وسألته يعني: أباه عن عثمان بن مطر، فضعفه جدا‘‘[18]. میں نے اپنے والد سے عثمان بن مطر کے بارے میں پوچھا، والد نے اسے شدید ضعیف قرار دیا۔

علامہ حنبل بن اسحاق l فرماتے ہیں: ’’سمعت أبا عبد الله، يقول: عثمان بن مطر بصري، قدم بغداد، قلت له: فكيف هو؟ قال: لا أدري، قلت: من روى عنه؟ قال: لا أعلمه، ولم يعرف حديثه‘‘[19]. میں نے ابو عبد اللہ (یعنی امام احمد بن حنبل l) سے سنا، وہ فرما رہے تھے کہ عثمان بن مطر بصری ہے، بغداد آیا تھا، میں (علامہ حنبل بن اسحاق l) نے احمد بن حنبل l سے کہا: یہ کیسا ہے؟ احمد بن حنبل l نے فرمایا: مجھے معلوم نہیں، حنبل بن اسحاق lنے کہا: اس سے کس نے روایت کیا ہے؟ احمد بن حنبل l نے فرمایا: مجھے معلوم نہیں، اور آپ کو اس کی حدیث کی معرفت نہیں تھی۔

امام بخاریlنے ’’التاريخ الكبير‘‘[20] میں عثمان بن مطر کو ’’منكر الحديث‘‘ کہا ہے۔

امام بخاری l ’’التاريخ الصغير‘‘[21] میں فرماتے ہیں: ’’عنده عجائب‘‘. اس کے پاس عجائب ہیں۔

امام ابو حاتم l ،عثمان بن مطر کے بارے میں فرماتے ہیں: ’’ضعيف الحديث، منكر الحديث، أشبه حديثه بحديث يوسف بن عطية‘‘[22]. ضعیف الحدیث، منکر الحدیث ہے، اس کی حدیث یوسف بن عطیہ کی حدیث کے مشابہ ہے۔

حافظ عجلی l نے عثمان بن مطر کے بارے میں ’’لا بأس به‘‘ کہا ہے[23]۔

حافظ ابو زرعہ رازیl نے عثمان بن مطر کو ’’ضعيف الحديث‘‘ کہا ہے[24]۔

امام داؤد  lنے عثمان بن مطر کو ’’ضعيف‘‘ کہا ہے[25]۔

امام بزار l نے اپنی ’’مسند‘‘میں عثمان بن مطر کو ایک حدیث کے تحت ایک مقام پر ’’لين الحديث‘‘[26] اور دوسرے مقام پر ’’ليس بالقوي‘‘[27] کہا ہے۔

حافظ صالح بن محمد جزرہ  l فرماتے ہیں: ’’لا يكتب حديثه‘‘[28]. اس کی حدیث نہیں لکھی جائےگی۔

امام نسائی l نے ’’الضعفاء‘‘[29] میں عثمان بن مطر کو  ’’ضعيف‘‘ کہا ہے۔

امام نسائی l نے ایک مقام پر عثمان بن مطر کو  ’’ليس بثقة‘‘ کہا ہے[30]۔

حافظ ابو یحیی زکریا بن یحیی ساجی l فرماتے ہیں: ’’فيه ضعف، سمعت عمر بن موسى حدث عنه عن ثابت مناكير‘‘[31]. عثمان بن مطر میں ضعف ہے، میں نے عمر بن موسی کو عثمان بن مطر، عن ثابت کی سند سے مناکیر بیان کرتے سنا ہے۔

حافظ عقیلی l ، عثمان بن مطر کے بارے میں فرماتے ہیں: ’’ كان يحدث عن الثقات بالمناكير‘‘[32]. ثقات راویوں کے انتساب سے مناکیر بیان کرتا تھا[33]۔

حافظ ابن حبان l ’’المجروحين‘‘[34] میں عثمان بن مطر کے بارے میں فرماتے ہیں: ’’ كان ممن يروي الموضوعات عن الأثبات، لا يحل الاحتجاج به‘‘. یہ ان راویوں میں سے ہے جو اثبات کے انتساب سے من گھڑت احادیث روایت کرتے ہیں، اس سے احتجاج حلال نہیں ہے۔

حافظ ابن عدی l ’’الكامل‘‘[35] میں عثمان بن مطر کے ترجمہ میں چند احادیث تخریج کرنے کے بعد فرماتے ہیں: ’’ولعثمان بن مطر غير ما ذكرت من الأحاديث، وأحاديثه عن ثابت خاصة مناكير، وسائر أحاديثه فيها مشاهير، وفيها مناكير، والضعف بين على حديثه‘‘. اور عثمان بن مطر کی میری ذکر کردہ احادیث کے علاوہ بھی روایات ہیں، اور خاص طور پر اس کی احادیث ثابت کے طریق سے منکر ہیں، اور اس کی دیگر احادیث میں مشاہیر ہیں، اور ان میں مناکیر ہیں، اور اس کی حدیث میں ضعف واضح ہے۔

حافظ ابن عدی l ’’الكامل‘‘[36] میں حسن بن ابی جعفر کے ترجمہ میں ایک حدیث کے تحت فرماتے ہیں: ’’ولعل البلاء من عثمان، لأنه يرويه عن الحسن بن أبي جعفر‘‘. شاید بلاء عثمان کی جانب سے ہے، کیونکہ وہ اسے حسن بن ابی جعفر سے روایت کرتا ہے۔

امام ابو احمد حاکم l نے عثمان بن مطر کو ’’منكر الحديث‘‘ کہا ہے[37]۔

حافظ ابن حزم ظاہری اندلسیl نے ’’المحلى‘‘[38] میں ایک روایت کے تحت عثمان بن مطر کو ’’ضعيف‘‘ کہا ہے۔

حافظ ابن قیسرانی l نے ’’تذكرة الحفاظ‘‘[39]  میں ایک روایت کے تحت عثمان بن مطر کو ’’ كذاب‘‘ کہا ہے۔

حافظ مزی l ’’تهذيب الكمال‘‘[40] میں عثمان بن مطر شیبانی کے ترجمہ میں بطریق حافظ ابن عدی l ، عبد اللہ بن سالم باجَدَّائی کے حوالہ سے نقل فرماتے ہیں:’’حدثنا عثمان بن مطر الرهاوي، وكان حافظا للحديث‘‘. ہمیں عثمان بن مطر رہاوی نے حدیث بیان کی ہے، اور وہ حافظِ حدیث تھے[41]۔

حافظ ذہبی l ’’ديوان الضعفاء‘‘[42] میں فرماتے ہیں: ’’ضعفوه‘‘. محدثین نے اس کی تضعیف کی ہے۔

حافظ ذہبیl نے ’’تلخيص الموضوعات‘‘[43]میں ایک روایت کے تحت اسے ’’هالك‘‘کہا ہے۔

نیز حافظ ذہبیl نے ’’تلخيص الموضوعات‘‘[44]میں ایک دوسرے مقام پر اسے ’’واه‘‘کہا ہے۔

حافظ ہیثمی l نے ’’مجمع الزوائد‘‘میں عثمان بن مطر کو ایک روایت کے تحت ایک مقام پر ’’ضعيف‘‘[45]، دوسرے مقام پر ’’ضعيف جدا‘‘[46] اور ایک مقام پر ’’مجمع على ضعفه‘‘[47] کہا ہے۔

حافظ ابن حجر عسقلانی l نے ’’تقريب التهذيب‘‘[48] میں عثمان بن مطر کو ’’ضعيف‘‘ کہا ہے۔

حافظ ابن حجر عسقلانی l ’’تبيين العجب‘‘[49] میں فرماتے ہیں: ’’عثمان بن مطر كذبه ابن حبان، وأجمع الأئمة على ضعفه‘‘. ابن حبان l نے عثمان بن مطر کو کذاب کہا ہے، اور ائمہ کا اس کے ضعف پر اجماع ہے۔

حافظ ابن حجر عسقلانیl ہی نے ’’فتح الباري‘‘[50]میں ایک حدیث کے تحت عثمان بن مطر کو ’’واه‘‘ کہا ہے۔

علامہ ابن عراق l ’’تنزيه الشريعة‘‘[51] میں عثمان بن مطر شیبانی کو وضاعین ومتہمین کی فہرست میں شمار کرکے فرماتے ہیں: ’’قال ابن حبان: يروي الموضوعات عن الأثبات‘‘. ابن حبان l فرماتے ہیں: اثبات کے انتساب سے من گھڑت احادیث روایت کرتا ہے۔