ابراہیم بن عبد اللہ بن ہمام ابن اخی عبد الرزاق صنعانی

حافظ ابن حبانl ’’المجروحين‘‘[76] میں تحریر فرماتے ہیں: ’’يروي عن عبد الرزاق المقلوبات الكثيرة التي لا يجوز الاحتجاج لمن يرويها لكثرتها‘‘. یہ عبد الرزاق سے ایسی بہت سے مقلوب احادیث روایت کرتا ہے جن سے ایسے شخص کےلئے احتجاج درست نہیں جو اسے روایت کرے، کیونکہ ایسی روایات کثرت سے ہیں۔

حافظ ابن عدیl نے ’’الكامل‘‘[77] میں اسے ’’منكر الحديث‘‘ کہا ہے۔

حافظ ابو الفتح ازدی l فرماتے ہیں: ’’متروك الحديث، كذاب، لا يكتب حديثه‘‘[78].متروک الحدیث، کذاب ہے، اس کی حدیث کو نہ لکھا جائے۔

حافظ دارقطنیl ’’الضعفاء‘‘[79] میں ابراہیم بن عبد اللہ کے بارے میں فرماتے ہیں: ’’ كذاب، يضع الحديث‘‘. یہ جھوٹا ہے، حدیث گھڑتا ہے۔

حافظ ابو نعیمl ’’المسند المستخرج‘‘[80] میں فرماتے ہیں: ’’حدث بالموضوعات عن عمه‘‘.یہ اپنے چچا (یعنی عبد الرزاق) کے انتساب سے من گھڑت حدیث نقل کرتا ہے۔

حافظ ابو عبد اللہ حاکمl ’’المدخل‘‘[81] میں فرماتے ہیں: ’’حدث عنه عمه [ كذا في الأصل، والصحيح: عن عمه] بأحاديث موضوعة‘‘.یہ اپنے چچا (یعنی عبد الرزاق) کے انتساب سےمن گھڑت حدیث نقل کرتا ہے۔

حافظ ابن قیسرانیl نے’’تذكرة الحفاظ‘‘[82] میں ایک روایت کے تحت ابراہیم بن عبد اللہ صنعانی کو ’’ كذاب‘‘ کہا ہے۔

حافظ ذہبیl ’’ميزان الاعتدال‘‘[83] میں ابراہیم بن عبد اللہ کے ترجمہ میں فرماتے ہیں: ’’فمن مصائبه‘‘.اس کے مصائب میں سے ہے، اس کے بعد حافظ ذہبیl نے تین احادیث نقل کیں، پھر فرماتے ہیں: ’’فهذه الأشياء من وضع هذا المدبر‘‘.یہ چیزیں اس مدبر نے گھڑی ہیں۔

علامہ سبط ابن عجمیl نے’’الكشف الحثيث‘‘[84] میں حافظ دارقطنیl، حافظ ابن جوزیl اور حافظ ذہبیl کے قول پر اعتماد کیا ہے۔

علامہ ابن عراقl نے’’تنزيه الشريعة‘‘[85]میں ابراہیم بن عبد اللہ صنعانی کو وضاعین ومتہمین کی فہرست میں شمار کرکے حافظ دارقطنیl کے قول کو ذکر کیا ہے۔