۱ – جزء: عمامہ کے فضائل

[حضرت جونپوری lکی عبارت سے سابقہ ذکر کردہ خلاصہ کی تفصیل ملاحظہ ہو]

’’سوال: ایک ضروری امر دریافت طلب ہے، یہاں ایک صاحب جو ہمارے مدرسہ کی جامع مسجد میں نماز جمعہ ادا کرتے ہیں امام صاحب کو بلاعمامہ نماز پڑھاتے دیکھ کر خفا ہوگئے اور فرمایا کہ صحیح حدیث میں ہے کہ اس نماز جمعہ کا ثواب ستر گنا زیادہ ملتا ہے جو عمامہ کے ساتھ پڑھی جائے بغیر عمامہ والی نمازِجمعہ سے۔

جامع مسجد کے امام صاحب مفتی ہیں،دار العلوم سے فراغت کے بعد فتوی کا نصاب بھی پورا کرچکے ہیں، ان کا خیال ہے کہ ستر گنا ثواب والی حدیث بے اصل ہے، ایک دوسرے عالم جو بڑی صلاحیت والے حضرت شاہ صاحب کشمیریl کے شاگرد اور مولانا حبیب الرحمن صاحب اعظمی کے دوستوں میں ہیں ان کی رائے ہے کہ یہ حدیث حسن ہے۔

ملاعلی قاری l نے ’’مرقاۃ‘‘ (ص: ۲۵۰،ج: ۸) میں ان روایات کا ذکر کیا ہے، فرماتے ہیں:

×وروى الديلمي والقُضَاعي في مسند الفردوس عن علي كرم الله وجهه مرفوعا: العمائم تِيْجَان العرب، والاحتباء حيطانها، وجلوس المؤمن في المسجد رباط. وروى الديلمي عن ابن عباس  رضي الله تعالى عنه بلفظ: العمائم تِيْجَان العرب، فإذا وضعوا العمائم وضعوا عزهم. وروى البَاوَرْدِي عن ركانة بلفظ: العمامة على القلنسوة فصل ما بيننا وبين المشركين، يعطی يوم القيامة بكل كَوْرَة يُدَوِّرُها على رأسه نورا. وروى ابن عساكر عن ابن عمر رضي الله تعالى عنه مرفوعا: صلوة تطوع أو فريضة بعمامة تعدل خمسا وعشرين صلوة بلا عمامة، وجمعة بعمامة تعدل سبعين بلا عمامة÷.

[دیلمی l نے ’’مسند الفردوس‘‘ میں اسی طرح قُضَاعی l نے حضرت علی r سے مرفوعاً نقل کیا ہے: پگڑیاں عربوں کا تاج ہیں،احتباء (یعنی پیٹھ اور پنڈلیوں کو کسی کپڑے سے باندھ کر بیٹھنا) ان کی دیوار ہے، مومن کا مسجد میں بیٹھنا رِباط(یعنی اسلامی سرحدوں کی حفاظت) ہے۔ اور دیلمی l نے ابن عباس r سے ان لفظوں سے روایت نقل کی ہے: پگڑیاں عربوں کا تاج ہیں، سو جب عرب اپنی پگڑیاں اُتار دیں گے تو اپنی عزت کھو بیٹھیں گے۔ بَاوَرْدِی l نے رکانہ r سے ان الفاظ کے ساتھ روایت نقل کی ہے: ہمارے اور مشرکوں کے مابین فرق ٹوپی پر پگڑی پہننا ہے، پگڑی سر پر باندھنے والے کو روز قیامت ہر پیچ کے بدلے ایک نور سے نوازا جائے گا۔ اور ابن عساکر l نے ابن عمر r سے مرفوعاً تخریج کیا ہے: نفل یا فرض نماز جو عمامہ کے ساتھ ہو وہ بلاعمامہ پچیس نمازوں کے برابر ہے، اور عمامہ کے ساتھ جمعہ ادا کرنا بلاعمامہ ستر جمعوں کے برابر ہے]

اسی طرح ’’مرقاۃ‘‘ (ص: ۲۳۹،ج: ۲) میں ہے:

×وروي أنه عليه الصلوة والسلام قال: صلوة بعمامة أفضل من سبعين صلوة بغير عمامة. كذا نقله ابن حجر عن ابن الرِفْعَة، قال ابن الدَيْبَع: صلوة بخاتم تعدل سبعين بغير خاتم موضوع كما قال شيخنا عن شيخه، وكذا ما أورده الديلمي من حديث عن ابن عمر مرفوعا: صلوة بعمامة تعدل خمسا وعشرين صلوة، وجمعة بعمامة تعدل سبعين جمعة. ومن حديث انس  رضي الله تعالى عنه مرفوعا: الصلوة في العمامة بعشرة آلاف حسنة. قال المَنُوْفِي: فذلك كله باطل، نقله الخطابي، والله أعلم بالصواب÷.

 [آپ e سے منقول ہے: عمامہ کے ساتھ ایک نماز بلاعمامہ کی ستر نمازوں سے افضل ہے، ابن رِفْعَہ l سے ابن حجر l نے اسی طرح نقل کیا ہے، ابن دَیْبَع l فرماتے ہیں: انگوٹھی کے ساتھ ایک نماز بلا انگوٹھی کے ستر نمازوں کے برابر ہے۔ یہ روایت موضوع ہے، جیسا کہ ہمارے شیخ (یعنی حافظ سخاوی l) نے اپنے شیخ (یعنی حافظ ابن حجر l)سے اسی طرح نقل کیا ہے، اور اسی طرح یہ روایت بھی موضوع ہے جسے دیلمی l نے ابن عمر r سے مرفوعاً نقل کیا ہے:عمامہ کے ساتھ کی ایک نماز پچیس نمازوں کے برابر ہے، اور عمامہ کے ساتھ ایک جمعہ ستر جمعوں کے برابر ہے۔ انس r کی ایک مرفوع حدیث میں ہے: عمامہ کے ساتھ نماز پڑھنے پر دس ہزار نیکیاں ملتی ہیں۔ مَنُوْفِی l فرماتے ہیں: یہ سب روایات باطل ہیں، خطابی l نے اسے نقل کیا ہے، واللہ اعلم بالصواب]

’’امداد الفتاویٰ‘‘ مطبوعہ تالیفات اولیاء دیوبند میں (ص: ۳۹۱ تا ۳۹۴) تک عمامہ کی بحث ہے، ’’امداد‘‘ کی عبارت سے اندازہ ہوتا ہے کہ ملاعلی قاری l نے جو روایات ذکر فرمائی ہیں ان سے ستر گنا ثواب ثابت ہوتا ہے، اوریہ صحیح ہے، اور اپنے بہت سے اکابر علماء کو جو عمل بالسنّۃ کے شائق ہیں بغیر عمامہ کے جمعہ اور دیگر نماز میں پڑھتے دیکھا ہے۔

آپ کے نزدیک فریقین میں سے کس کی بات راجح ہے؟ ازروئے جرح، احادیثِ مذکورہ کے متعلق آپ کی کیا رائے ہے؟ ’’مسند الفردوس‘‘ محققین محدثین کے کس درجہ کی کتاب ہے؟

 علامہ عینی l،حافظ ابن حجر l، قَسْطَلاَّنی l،شیخ الحدیث مولانا محمد زکریا صاحب l کے کلام میں عمامہ کی بحث ہو تو نشاندہی فرمائیں، میرے پاس ’’درمختار‘‘ ’’شامی‘‘ ’’زیلعی علی الکنز‘‘ ’’طحطاوی علی الدر‘‘ میں عمامہ کا مستحباتِ صلوۃ میں ہونا نہیں ملا۔

جواب:  تمہارے سوالات، تجزیہ سے چار امور پر مشتمل ہیں:

1 احادیث عمامہ کی تحقیق

2 فریقین کی رائے میں موازنہ

3 ’’مسندالفردوس‘‘  کا مقام

4 بحث عمامہ کہاں ملے گی؟

 ان میں سے جن امور کا احقر کو علم ہے وہ عرض کرتا ہوں۔

1 حدیثِ اول

2 حديث دوم

3 حديث سوم

4 حديث چہارم

5حديث پنجم

6 حدیث ششم

7 حدیث ہفتم

8 حدیث ہشتم

9 حدیث نہم

0 حدیث دہم