روایت: حضرات اہل بیت کا مسکین،یتیم اور قیدی پر اِیثاراور تین دن بھوکا رہنا۔

ہر خیر وشر ایک خاص پس منظر رکھتا ہے،جس سے ہمیں نیکی اور بدی کو سمجھنے میں کافی مدد ملتی ہے، انھیں برائیوں میں وضعِ حدیث اپنی نوعیت کی سنگین معصیت ہے، جو بعض خاص عوامل اور افرادکی کار فرمائی ہوتی ہے، محدثین کرام ان افراد کی طرف خصوصیت سے توجہ دلاتے ہیں، تاکہ ہر عام و خاص حدیث نقل کرنے میں حسّاس رہے، اور من گھڑت روایتوں کا سدّ باب ہو جائے،چنانچہ اسی مقصد کے حصول کےلئے، علامہ عبد الحی لکھنوی l نے ’’الآثار المرفوعة‘‘[1] میں وضّاعین کی مختلف قسمیں ذکر کی ہیں،ان میں ایک قسم ان لوگوں کی بھی ہے جو حضرات اہل بیت وغیرہ کی محبت میں غلو کا شکار ہو کر حدیثیں گھڑتے ہیں،چنانچہ آپ فرماتے ہیں:

’’السابع قومٌ حَمَلَهم علی الوَضْعِ حُبُّهم الذي أعْمَاهم وأصَمَّهم کما وَضَعُوا أحادیثَ في مناقبِ أهْلِ البَیْتِ ومَثَالِبِ الخُلَفَاءِ الرَّاشِدِین ومُعَاوِیَةَ وَغَیرِهم، ووَضَعُوا أحادیثَ في مَنَاقِبِ أبي حَنِیفَة‘‘.

’’ساتویں قسم ان لوگوں کی ہے جن کو اندھا،بہرہ کرنے والی محبت نے روایات گھڑنے پر اُ کسایا، جیسا کہ بعض لوگوں نے اہل بیت کے مناقب اور خلفائے راشدین اور حضرت معاویہp وغیرہ کی مذمت میں حدیثیں گھڑیں، اور بعض لوگوں نے امام ابو حنیفہl کے فضائل میں حدیثیں ایجاد کیں‘‘۔

حضرات اہل بیت کے مناقب معتبر نصوص سے ثابت ہیں،اور ہر مسلمان کے دل میں اہلِ بیت کی محبت اور عقیدت مو جود ہے، ان فضائل کو ثابت کرنے کے لئے خود ساختہ روایتوں کا سہارا لینا، نہ صرف عقلاً مذموم امر ہے، بلکہ اسلامی تعلیمات سے جہالت کا ثبوت دینا ہے؛ کیونکہ شریعتِ اسلامی باطل اور من گھڑت روایتوں کی مداخلت قطعاً برداشت نہیں کرتی۔ اسی فریضے کے پیشِ نظر ذیل میں مناقبِ اہل بیت پر مشتمل ایک ایسی روایت بیان کی جائے گی، جس کو متقدمین ومتاخرین علماء کرام نے من گھڑت کہا ہے؛ اس لئے اسے بیان کرنا درست نہیں ہے۔

روایت پر کلام: