روایت: ’’ گناہ، کفر کا قاصد ہے‘‘۔

میرا (حضرت جونپوری lکا)خیال یہ ہے کہ یہ حدیث نہیں ہے۔

’’سوال: اور کیا ×المعاصي بريد الكفر÷. [گناہ، کفر کا قاصد ہے]حدیث یا مفہوم حدیث ہے؟

جواب:  ×المعاصي بريد الكفر. قال الجَرَّاحي في كشف الخَفاء (ص: ۲۱۳/۲): المعاصي بريد الكفر. أي: تجر إليه، لم أره من ذكره غير أن ابن حجر المكي في شرح الأربعين قال: أظنه من قول السلف، وقيل: إنه حديث، وهو معنى ما قيل: الصغيرة تجر الكبيرة، وهي تجر الكفر وهو معنى بريد الكفر، فافهم، انتهى÷.

[معاصی، کفر کا قاصد ہے، جَرَّاحی l نے ’’ کشف الخَفاء‘‘ میں کہا ہے: گناہ، کفر کا قاصد ہے، یعنی کفر کی جانب لے جاتا ہے، میں نے ابن حجر مکی l کے علاوہ کسی کو اسے ذکر کرتے نہیں دیکھا، آپ ’’شرح اربعین‘‘ میں لکھتے ہیں: میرا یہ گمان ہے کہ یہ سلف کا قول ہے، اور کہا جاتا ہے کہ یہ حدیث ہے، اور اس کا معنی یہ ہے، جیسے کہا جاتا ہے کہ چھوٹا گناہ بڑے گناہ کو، اور بڑا گناہ کفر کو کھینچتا  ہے، اور یہی ’’برید الکفر‘‘ کا معنی ہے، سمجھ لیجئے، انتہیٰ]

میرا خیال یہ ہے کہ یہ حدیث نہیں ہے، اور محض کسی کا یہ کہنا کہ یہ حدیث ہے کافی نہیں ہے، جب تک کہ اس کا مخرج معلوم نہ ہوجائے‘‘[1]۔