روایت: نورِ محمدی ﷺ سے اندھیرے میں گمشدہ سوئی کی چمک۔

رسالت مآب ﷺ کی ذات اَقدس مجسّم فضائل ومناقب ہے، اور ہر مسلمان دل وجان سے آپ ﷺ کے ان معجزات وکمالات کا معترف ہے، لیکن یہ بات واضح رہے کہ آپ ﷺ کی معجزانہ شان میں یہ بھی داخل ہے کہ آپ ﷺ کے تمام تر شمائل مستند دلائل سے ثابت ہیں،جن میں کسی خود ساختہ مداخلت کی قطعاً گنجائش نہیں ہے، اسی پر اَعلامِ امت کا اجماع ہے، لیکن ہم دیکھتے ہیں کہ اگر کسی شخص کو آپ ﷺ کے مناقب پر مشتمل من گھڑت روایت سے آگاہ کیا جائے، تو اسے یہ وہم ہونے لگتا ہے کہ جب آپﷺ کے بے شمارمعجزات ہیں،تو اس روایت کو رسول اللہ ﷺ کی طرف انتساب کرنے میں کیا حرج ہے؟ یہ سوال بظاہر معصومانہ لہجہ رکھتا ہے، لیکن اگر شریعت اسلامیہ میں ایسی غیر مسند اور غیر مستندباتوں کا سدّ باب نہ ہوتا تو وہ مسخ ہو کر رہ جاتی، چنانچہ آپﷺ نے بذاتِ خود انتہائی اہتمام سے ان بے جا مداخلتوں پرسخت وعید بیان کی ہے:

’’مَنْ کَذَبَ علَيّ مُتَعَمّداً فلْیَتَبَوّأ مَقْعَدَه مِن النّار‘‘[1].

’’جو شخص مجھ پر جھوٹ بولے،وہ اپنا ٹھکانہ جہنم میں بنالے‘‘۔

ذیل میں آپ ﷺ کے مناقب پر مشتمل ایک ایسی ہی روایت بیان کی جائے گی، جو من گھڑت ہونے کے با وجودزبان زَد عام ہے۔

مَسْعَدہ بن بکر الفَرْغَانی کے بارے میں ائمہ رجال کے اقوال: