روایت: جب تم میں سے کوئی نماز کےلئے کھڑا ہو تو اسے چاہئے کہ اپنے اعضاء کو پُرسکون رکھے، اور یہود کی طرح نہ ہلے، اس لئے کہ نماز میں اعضاء کا پُرسکون ہونانمازکےکامل ہونے کاجزوہے۔

 یہی روایت حافظ ابن عدی l رحمہ اللہ نے  ’’الكامل‘‘[2] میں، حافظ ابو شیخ اصبہانی l رحمہ اللہ (المتوفی 369ھ)نے  ’’ذكر الأقران‘‘[3] میں، حافظ ابو نعیم اصبہانیl رحمہ اللہ نے  ’’حلية‘‘[4] میں، حافظ ابو القاسم اسماعیل بن محمد اصبہانی الملقب قوام السنہl رحمہ اللہ (المتوفی 535ھ)نے  ’’الترغيب والترهيب‘‘ [5] میں،قاضی ابوبکر محمد بن عبدالباقی  l رحمہ اللہ نے  ’’أحاديث الشيوخ الثقات‘‘ [6] میں اور حافظ ابن عساکرl رحمہ اللہ نے ’’تاریخ دمشق‘‘[7] میں تخریج کی ہے، تمام سندیں سند میں موجود راوی حکم بن عبد اللہ بن سعد اَیْلِی  پر  آکر مشترک ہوجاتی ہیں۔

 واضح رہے کہ حافظ ابوالشیخ  l رحمہ اللہ کے طریق میں حکم بن عبداللہ کے بجائےعلی بن عبداللہ لکھا ہے، یہ بظا ہر تصحیف ہے۔

حا فظ ابن عدیl رحمہ اللہ ’’الكامل‘‘[8] میں زیر بحث روایت اور اس کے علاوہ دیگر روایات  ذکر کرنے کے بعدفرماتے ہیں:

 ’’وبهذا الإسناد أيضا حدثناه هنبل غير ما ذكرت أكثر من خمسة عشر حديثا، كلها مع ما ذكرتها موضوعة، وما هو منها معروف بالمتن فهو باطل بهذا الإسناد، وما أمليت للحكم عن القاسم بن محمد، والزهري، وغيرهم كلها [والمتن الروايات] غير ما ذكرته هاهنا، فكلها مما لا يتابعه الثقات عليه، وضعفه بين على حديثه‘‘.

 اور اسی سند کے ساتھ ہنبل نے میری ذکر کرہ روایات کے علاوہ پندرہ سے زائد احادیث روایت کی ہیں، وہ سب کی سب میری ذکر کردہ روایات کے ساتھ من گھڑت ہیں، اور ان میں سے جو متن کے ساتھ معروف ہیں وہ اس سند کے ساتھ باطل ہیں، اورقاسم بن محمدl رحمہ اللہ ، زہریl رحمہ اللہ وغیرہ سے منقول حکم کی وہ روایات جس کو میں نے املاء کروایا  ہے،وہ تمام تر روایات جن کو میں نے یہاں ذکر کیا ہے اور جن کو ذکر نہیں کیا ہے،ان سب میں ثقات نے حکم کی متابعت نہیں کی ہے، ان کا ضعف ان کی حدیث میں  واضح ہے۔

 حافظ ابن قیسرانی l رحمہ اللہ  ’’ذخيرة الحفاظ‘‘[9] میں زیر بحث روایت ذکر کرکے فرماتے ہیں:  ’’والحكم هذا أجمعوا على ترك حديثه‘‘ . اور اس حکم کی حدیث کے تر ک پر محدثین نے اجماع کیاہے۔

 حافظ ابن عساکرl رحمہ اللہ ’’تاریخ دمشق‘‘[10] میں زیر بحث روایت ذکر کرکے فرماتےہیں:  ’’غريب، وفيه: ثلاثة من الصحابة‘‘. یہ غریب ہے، اور اس میں تین صحابہ p رضی اللہ عنہم ہیں۔

 علامہ مناویl رحمہ اللہ ’’التیسیر‘‘[11] میں زیر بحث روایت ذکر کرکے فرماتے ہیں: ’’وإسناده ضعيف‘‘ .

 علامہ امیر صنعانیl رحمہ اللہ ’’التنویر‘‘[12] میں زیر بحث روایت ذکر کرکے فرماتے ہیں: ’’وإسناده ضعيف‘‘ .

 حافظ یحیی بن معین l رحمہ اللہ فرماتے ہیں: ’’والحكم الأيلي ليس بثقة‘‘[14]. حکم اَیْلِی ثقہ نہیں ہے۔

 حافظ یحیی بن معین l رحمہ اللہ  ہی ایک دوسرے موقع پر فرماتے ہیں: ’’لیس بشیء‘‘ [15]. یہ لیس بشیء ہے۔

 امام علی بن مدینیl رحمہ اللہ فرماتے ہیں: ’’ کان ضعیفا، لیس بشیء‘‘[16]. یہ ضعیف، لیس بشیء ہے۔

  حافظ احمد بن صالح مصریl رحمہ اللہ فرماتے ہیں:  ’’ماسقط من أهل أیلة إلا الحکم بن عبد الله الأیلی‘‘[17]. ایلہ والوں میں سے کوئی ساقط نہیں ہے، سوائے حکم بن عبداللہ کے۔

 حافظ احمد بن صالح مصریl رحمہ اللہ ایک دوسرے مقام پر فرماتے ہیں:  ’’رأيت في كتابه عن يونس ستين حديثا كذبا‘‘[18]. میں نے اس کی کتاب میں یونس کے انتساب سے ساٹھ جھوٹی احادیث دیکھی ہیں۔

حافظ ابو جعفر محمد بن عبد اللہ بن عمار موصلیl رحمہ اللہ فرماتے ہیں کہ اصحاب  حدیث کی ایک جماعت جس میں حافظ ابن ابی الحواریl رحمہ اللہ وغیرہ موجود ہیں، وہ فرماتےہیں:

 ’’ليس يعرف بدمشق كذاب إلا رجلين، فإذا تركت هذين الرجلين، لم يبق من الكذابين بدمشق أحد، الحكم بن عبد الله الأيلي، ويزيد بن ربيعة بن يزيد‘‘[19]. دمشق میں کذاب سے کوئی معروف نہیں ہے سوائے دو آدمیوں کے، اگر میں ان دونوں کو ترک کردوں، تو دمشق میں جھوٹوں میں سے کوئی بھی باقی نہیں رہے گا، وہ دو آدمی  حکم بن عبداللہ اور یزید بن ربیعہ بن یزید ہیں۔

علامہ وہب بن زمعہ مروزی l رحمہ اللہ حافظ عبد اللہ بن مبارک l رحمہ اللہ   کے بارے میں فرماتے ہیں:  ’’أنه ترك حديث الحكم‘‘[20].ابن مبارک l رحمہ اللہ نے حکم کی حدیث کو ترک کردیا  ہے۔

 امام احمد بن حنبلl رحمہ اللہ فرماتے ہیں:  ’’الحكم بن عبد الله الأيلي أحاديثه موضوعة‘‘[21].حکم بن عبداللہ ایلی کی احادیث من گھڑت ہیں۔

 امام بخاریl رحمہ اللہ ’’التاريخ الكبير‘‘[22] فرماتے ہیں:  ’’ترکوه، کان ابن المبارک یوهنه، ونهى أحمد عن حدیثه‘‘. محدثین نے اسے ترک کردیا ہے،ابن مبارکl رحمہ اللہ اس کو ضعیف قرا ر دیتے تھے، احمدl رحمہ اللہ نےاس کی حدیث سے منع کیا ہے۔

 نیز امام بخاریl رحمہ اللہ  ’’التاريخ الصغير‘‘[23] میں فرماتے ہیں:  ’’ کان ابن المبارک یوهنه، نهى أحمد عن حدیثه‘‘ . ابن مبارکl رحمہ اللہ اس کو ضعیف قرا ر دیتے تھے، احمدl رحمہ اللہ نےاس کی حدیث سے منع کیا ہے۔

 اور امام بخاری l رحمہ اللہ  ’’الضعفاء الصغير‘‘[24] میں لکھتے ہیں:  ’’ كان ابن المبارك يضعفه‘‘. ابن مبارکl رحمہ اللہ اس کو ضعیف قرار دیتے تھے۔

 حافظ جوز جانی l رحمہ اللہ ’’ أحوال الرجال‘‘[25] میں فر ماتے ہیں:  ’’جاهل، كذاب‘‘ . یہ جاہل، کذاب ہے۔

 حافظ جوزجانی l رحمہ اللہ  ’’أحوال الرجال‘‘[26] میں ہی فر ماتے ہیں:  ’’وأمر الحكم أوضح من ذاك عند أهل الحديث، حتى لقد حدثني من سمع ابن حنبل يقول: ألق حديث الحكم الأيلي، وإسحاق بن أبي فروة في الدجلة‘‘ .اور اس سے محدثین کے ہاں حَکم کا معاملہ واضح ہوجاتا ہے، حتی کہ مجھے اس شخص نے بتایا جس نے ابن حنبل l رحمہ اللہ سے سنا، وہ فرماتے ہیں کہ حَکم ایلی اور اسحاق بن ابی فروہ کی روایت کو دجلہ میں ڈال دو۔

  امام مسلم l رحمہ اللہ  ’’الكنى‘‘[27] میں فرماتے ہیں:  ’’منكرالحديث‘‘.

 امام ابو داود l رحمہ اللہ فرماتے ہیں:  ’’ لا يكتب حديثه‘‘ [28]. اس کی حدیث کو نہ لکھا جائے۔

 حافظ یحیی بن حسان تِنِّیْسِی l رحمہ اللہ فرماتے ہیں:  ’’ لا تكتب حديث الحكم بن عبد الله بن سعد الأيلي، فإنه متروک الحدیث‘‘[29]. حکم بن عبد اللہ بن سعد اَیْلِی کی حدیث مت لکھو، کیونکہ وہ متروک الحدیث ہے۔

 حافظ ابو حاتمl رحمہ اللہ فرما تے ہیں: ’’[ذاهب]، متروك الحديث، لا يكتب حديثه، كان يكذب‘‘[30]. ذاہب، متروک الحدیث ہے،اس کی حدیث کو نہ لکھا جائے، یہ جھوٹ بولتا تھا۔

 حافظ  عبد الرحمن بن ابی حاتمl رحمہ اللہ  ’’الجرح والتعديل‘‘[31] میں فرماتے ہیں کہ حکم بن عبداللہ بن سعد اَیْلِی کے بارے میں ابو زرعہ l رحمہ اللہ سے پوچھا گیا، تومیں نے ان کو یہ فرماتے ہوئےسنا:  ’’ضعيف، لا يحدث عنه، ولم يقرأ علينا حديثه، وقال: اضربوا عليه‘‘. ضعيف ہے،ان سے حدیث بیان نہ کی جائے،  (نیز حافظ عبد الرحمنl رحمہ اللہ یہ بھی فرماتےہیں)اور ابو زرعہ l رحمہ اللہ نے ہم پر  اس کی حدیث نہیں پڑھی،اور فرمایا کہ اس کی حدیث کو اس  پر دے مارو۔

 حافظ ابو زرعہ l رحمہ اللہ ایک دوسرے موقع پر فرماتے ہیں:  ’’وهو رجل متروك الحديث‘‘[32].حکم بن عبد اللہ متروک الحدیث ہے۔

 امام نسائی l رحمہ اللہ ’’الضعفاء والمتروکين‘‘[33]میں فرما تے ہیں:  ’’متروک الحدیث‘‘ .

 حافظ ابن خزیمہ l رحمہ اللہ ایک حدیث کے تحت فرماتے ہیں:  ’’وأنا أبرأ من عهدته‘‘[34]. میں اس کی ذمہ داری سے بری ہوں۔

 حافظ ابو القاسم عبداللہ بن احمد بلخی l رحمہ اللہ ’’قبول الأخبار‘‘[35] میں حکم بن عبد اللہ کے بارے میں فرماتے ہیں: ’’ليس بثقة‘‘.

 حافظ عقیلی l رحمہ اللہ  ’’الضعفاء الكبير‘‘[36] میں فرماتے ہیں:  ’’والغالب على حديث الحكم الوهم‘‘. اور حکم کی حدیث میں وہم غالب ہے۔

 حافظ ابن حبانl رحمہ اللہ  ’’المجروحین‘‘[37]میں فر ماتے ہیں:  ’’ممن یروی الموضوعات عن الأثبات، وكان ابن المبارك شديد الحمل عليه‘‘.وہ ثبت لوگوں کے انتساب سےمن گھڑت روایات نقل کرتاہے، اور ابن مبارک l رحمہ اللہ اس پر شدید حمل فرماتے تھے۔

 حافظ ابن عدیl رحمہ اللہ ’’الكامل‘‘[38] میں زیر بحث روایت اور اس کے علاوہ دیگر روایات  ذکر کرنے کے بعدفرماتے ہیں:  ’’وبهذا الإسناد أيضا حدثناه هنبل غير ما ذكرت أكثر من خمسة عشر حديثا، كلها مع ما ذكرتها موضوعة، وما هو منها معروف بالمتن فهو باطل بهذا الإسناد، وما أمليت للحكم عن القاسم بن محمد، والزهري، وغيرهم كلها [والمتن الروايات] غير ما ذكرته هاهنا، فكلها مما لا يتابعه الثقات عليه، وضعفه بين على حديثه‘‘.

 اور اسی سند کے ساتھ ہنبل نے میری ذکر کرہ روایات کے علاوہ پندرہ سے زائد احادیث روایت کی ہیں، وہ سب کی سب میری ذکر کردہ روایات کے ساتھ من گھڑت ہیں، اور ان میں سے جو متن کے ساتھ معروف ہیں وہ اس سند کے ساتھ باطل ہیں، اورقاسم بن محمدl رحمہ اللہ ، زہریl رحمہ اللہ وغیرہ سے منقول حکم کی وہ روایات جس کو میں نے املاء کروایا  ہے،وہ تمام تر روایات جن کو میں نے یہاں ذکر کیا ہے اور جن کو ذکر نہیں کیا ہے،ان سب میں ثقات نے حکم کی متابعت نہیں کی ہے، اس کا ضعف اس کی حدیث پر  واضح ہے۔

 امام دارقطنیl رحمہ اللہ ’’الضعفاء والمتروکون‘‘ [39] میں فرماتےہیں:  ’’متروک‘‘.

 حافظ ابو نعیم اصبہانیl رحمہ اللہ ’’الضعفاء‘‘[40] میں فرماتے ہیں: ’’ليس بشيء، تركه ابن المبارك، وقال علي بن المديني: ليس بشيء‘‘ . لیس بشیء ہے، ابن مبارکl رحمہ اللہ نے اسے ترک کیا ہے، علی بن مدینیl رحمہ اللہ فر ماتے ہیں کہ  لیس  بشیء ہے۔

 حافظ ابو نعیم اصبہانی l رحمہ اللہ ہی ’’المسند المستخرج‘‘ [41] میں فرماتے ہیں:  ’’تركوه، ضعفه ابن المبارك، وقال علي بن المديني: ليس بشيء‘‘. محدثین نے اسے ترک کردیا ہے، ابن مبارک l رحمہ اللہ نے اس کی تضعیف کی ہے، اور علی بن مدینیl رحمہ اللہ   فر ماتے ہیں کہ  لیس  بشیء ہے۔

 امام بیہقی l رحمہ اللہ نے  ’’السنن الكبرى‘‘[42] میں ایک روایت کے تحت حکم بن عبد اللہ کو   ’’متروک‘‘ قرار دیا ہے۔

 نیز امام بیہقی l رحمہ اللہ ہی  ’’الخلافيات‘‘[43] میں فرماتے ہیں:  ’’الحكم بن عبد الله ضعيف جدا‘‘ . حکم بن عبد اللہ شدید ضعیف ہے۔

حافظ خطیب بغدادی l رحمہ اللہ  ’’المتفق والمفترق‘‘[44] میں فرماتے ہیں:  ’’وكان ضعيفا جدا‘‘  وہ شدید ضعیف تھا۔

 حافظ عبد الحق اشبیلی l رحمہ اللہ نے  ’’الأحكام الوسطى‘‘[45] میں حکم بن عبد اللہ کو  ’’متروک‘‘ قرار دیا ہے۔

 حافظ ابن قیسرانیl رحمہ اللہ ’’تذكرة الحفاظ‘‘[46] میں ایک دوسری روایت کے تحت فرماتے ہیں:  ’’والحكم هذا يضع الحديث‘‘. اور یہ حکم حدیث گھڑتا ہے۔

 یہی کلام حافظ ابن قیسرانی l رحمہ اللہ نے  ’’معرفة التذكرة‘‘[47] میں بھی ذکر کیا ہے۔

 حافظ منذریl رحمہ اللہ ’’الترغيب والترهيب‘‘[48] میں حکم بن عبد اللہ کے بارے میں فرماتے ہیں:  ’’متروك، متهم‘‘.

 حافظ ابن خلفون l رحمہ اللہ نے ’’أسماء شيوخ الإمام مالك‘‘ [49] میں چند رایوں کے نام ذکر کرکئے ہیں جن میں حکم بن عبد اللہ اَیْلِی کا نام بھی مذکور ہے، اس کے بعد فرمایا ہے:  ’’وهؤلاء هم المتروكون‘‘.

حافظ ناصر الدین دمشقی l رحمہ اللہ نے  ’’توضيح المشتبة‘‘[50] میں حکم بن عبد اللہ کو  ’’منكر الحديث‘‘ كہا ہے۔

حافظ ذہبی l رحمہ اللہ  ’’المغني‘‘[51] میں فرماتےہیں:  ’’متروک، متهم‘‘. یہ متروک، متہم ہے۔

 حافظ ا بن حجرعسقلانی l رحمہ اللہ نے زیر بحث روایت کے علاوہ ایک دوسری حدیث کے تحت حکم بن عبداللہ کو  ’’نتائج الأفكار‘‘[52] اور ’’التلخيص الحبير‘‘[53] میں  ’’ضعيف جدا‘‘، جبکہ ’’الدراية‘‘[54] میں ’’واه جدا‘‘  اور  ’’المطالب العالية‘‘[55] میں ’’ضعيف بمرة‘‘  کہا ہے۔

 علامہ ابن عراق l رحمہ اللہ نے ’’تنزيه الشريعة‘‘[56] میں حکم بن عبداللہ کو وضاعین و متہمین کی فہرست میں شمار کیا ہے۔