روایت: موت کے وقت نماز کا اہتمام کرنے والے سے فرشتہ کا قریب ہونا،شیطان کا دور ہونا اور اسے ملک الموت کا کلمہ کی تلقین کرنا۔

حافظ ابن ابی عاصمl رحمہ اللہ  ’’الآحاد والمثانی‘‘[1] میں ابو الحارث خزرج کے ترجمہ میں فرماتے ہیں:

 ’’حدثنا أبو يعقوب إسحاق بن إبراهيم القلوسي، نا إسماعيل بن أبان الأزدي، حدثني عمرو بن أبي عمرو، عن جعفر بن محمد، عن أبيه، قال: سمعت الحارث بن الخزرج الأنصاري، يقول: حدثني أبي: أنه سمع رسول الله صلى الله عليه وسلم يطلب إلى ملك الموت عليه السلام عند رأس رجل من الأنصار، فقال: يا ملك الموت! ارفق بصاحبي، فإنه مؤمن، قال ملك الموت عليه السلام: يا محمد! طب نفسا وقر عينا، فإني بكل مؤمن رفيق، واعلم يا محمد! أني لأقبض روح ابن آدم، فإذا صرخ صارخ من أهله قمت في جانب الدار، ومعي روحه، فقلت: ما هذا الصياح؟ فوالله! ما ظلمناه، ولا سبقنا أجله ولا استعجلنا قدره، وما لنا في قبضه من ذنب، فإن ترضوا بما يصنع الله عز وجل وتصبروا، تؤجرو، وإن أنتم تجزعون وتسخطون تأثمون وتؤزرون، وما لكم عندنا من عُتْبَى، وإن لنا عندكم لبغيةُ عودة بعد عودة، فالحذر الحذر، والنجاة النجاة.

وما من أهل بيت شعر، ولا مدر، ولا سهل، ولا جبل، ولا بحر إلا وأنا أتصفحهم في كل يوم وليلة خمس مرات، حتى إني لأعرف بصغيرهم وكبيرهم منهم بأنفسهم، والله! لو أردت أن أقبض روح بعوضة ما قدرت حتى يكون الله عز وجل هو الآمر بقبضها.

قال جعفر بن محمد: بلغني أنه يتصفحهم عند مواقيت الصلوات، فإذا حضر عبدا الموت فمن كان يحافظ على الصلاة دنا منه الملك، وتباعد الشيطان، ولقنه ملك الموت عليه السلام لا إله إلا الله في ذلك الحال‘‘.

حارث بن خزرج انصاری فرماتے ہیں کہ مجھ سے میرے والد نے بیان کیا کہ انہوں نے آپﷺ کو ایک انصاری صحابی r رضی اللہ عنہ  کے سرہانے کھڑے ہوکر ملک الموت سے یہ بات طلب کرتے ہوئے سنا کہ میرے صحابی r رضی اللہ عنہ  کے ساتھ نرمی کا معاملہ کرو کیوں کہ وہ ایمان والا ہے، ملک الموت نے کہا اے محمد! آپ خوش اور راضی ہوجائیں میں ہر مومن کے ساتھ نرمی کرتا ہوں، اور جان لیجیے اے
محمد ﷺ! میں ابن آدم کی روح قبض کرتا ہوں، تو جب کوئی اس کے گھر والوں میں سے چیخنے والا چیختا ہے، تو میں گھر کے کونے میں کھڑا  ہوجاتا ہوں اور اس کی روح میرے پاس ہوتی ہے اور میں کہتا ہوں یہ کیسی چیخ ہے، خدا کی قسم! نہ ہم نے اس پر ظلم کیا ہے اور نہ ہم وقت سے پہلے آئے اور نہ ہم نے اس کی تقدیر کے ساتھ کوئی جلد بازی کی، اور نہ اس کی روح قبض کرکے کوئی گناہ کیا، اگر تم اللہ کے کئے پر راضی رہو اور صبر کرو تو تم کو اجر دیا جائے گا اور اگر تم بے صبری کروگے اور نار اض ہوگے، تو گناہ گار ہوگے اور تمہیں ہم سے کوئی خفگی نہیں ہونی چاہئے، اور ہم تمہارے پاس بار بار لوٹنے کی چاہت رکھتے ہیں، اس لئے ڈرتے رہو اور نجات طلب کرتے رہو۔

خیمے والے ہوں یا کچے مکانوں والے، ہموار زمینوں والے ہوں یا پہاڑی علاقوں والے، میں ہر دن ورات میں پانچ مرتبہ ان کے چہروں کو غور سے دیکھتا ہوں، یہاں تک کہ اب  میں ان کے چھوٹوں اور بڑوں کو ان سے زیادہ پہچانتا ہوں، اللہ کی قسم! اگر میں ایک مچھر کی روح قبض کرنا چاہوں، تو نہیں کرسکتا جب تک کہ اللہ تعالی قبض کرنے کا امر نہ کریں۔

جعفر بن محمد کہتے ہیں کہ مجھے یہ بات پہنچی ہے کہ ملک الموت نماز کے اوقات میں لوگوں کے چہروں کو بغور دیکھتے ہیں، لہذا جب کسی بندہ کو موت آتی ہے، تو جو شخص نماز کے اوقات کا پاپند ہوتا ہے، تو فرشتہ اس کے قریب ہوجاتا ہے اور شیطان دور ہوجاتا ہے، اور ملک الموت e علیہ السلام اس حال میں اس کو لا الہ الا اللہ کی تلقین کرتا ہے۔

اسی طرح امام طبرانیl رحمہ اللہ نے ’’المعجم الکبیر‘‘[2]  میں، حافظ ابو نعیمl رحمہ اللہ نے  ’’معرفة الصحابة‘‘[3] میں اور حافظ ابن ابی حاتمl رحمہ اللہ نے اس روایت کی تخریج کی ہے[4]، تمام سندیں سند میں موجود راوی عمرو بن ابی عمرو یعنی عمر و بن شمر جعفی پر آکر مشترک ہوجاتی ہیں۔

 واضح رہے کہ ہم نے یہ مصادر صرف روایت کے آخری حصہ  (یعنی نماز کا اہتمام کرنے والے سے فرشتہ کا قریب ہونا، شیطان کا دور ہونا اور اسے ملک الموت کا کلمہ کی تلقین کرنا)جعفر بن محمد صادق کی بلاغات کے مطابق ذکر کئے ہیں، یہی اس وقت تحقیق کا موضوع ہے، روایت کا ابتدائی مفصل حصہ دیگر کتب میں دیگر سندوں سے بھی ہے، یہ پہلا حصہ فی الحال دراسہ کا موضوع نہیں ہے اور ہمارے ذکر کردہ حکم کا تعلق بھی فقظ دوسرے حصہ سے ہے۔

 حافظ ابن حجر عسقلانیl رحمہ اللہ نے نقل روایت کے بعد سند کے راوی عمرو بن شمر کو ’’متروک‘‘  کہہ کر اس کے ضعف شدید کی طرف اشارہ کیا ہے۔

 نیز سند میں موجود راوی عمرو بن شمر کے بارے میں امام بخاریl رحمہ اللہ ، حافظ یحیی بن معینl رحمہ اللہ ، امام نسائیl رحمہ اللہ ، حافظ ابو حاتمl رحمہ اللہ ، حافظ جوزجانیl رحمہ اللہ ، حافظ ابن حبانl رحمہ اللہ ، حافظ ابن سعدl رحمہ اللہ ، امام حاکمl رحمہ اللہ ، حافظ دارقطنیl رحمہ اللہ ، حافظ ابو نعیمl رحمہ اللہ ، حافظ ابو الفضل سلیمانیl رحمہ اللہ ، حافظ ذہبیl رحمہ اللہ اور حافظ ابن حجرl رحمہ اللہ نے جرح کے شدید الفاظ استعمال کئے ہیں(جیسے:منکر الحدیث، لیس بثقہ، متروک الحدیث، محدثین نے ان کو ترک کردیا ہے، کذاب زائغ، عمرو بن شمر رافضی تھا، رسول اللہ ﷺ کے اصحاب کو برا بھلا کہتا تھا، اور ان لوگوں میں سے تھا جو ثقہ راویوں کے انتساب سے اہل بیت وغیرہ کے من گھڑت فضائل نقل کرتے تھے، ضعیف جداً، متروک الحدیث، جابر جعفی اور ان کے علاوہ سے بہت زیادہ من گھڑت روایات نقل کرتا ہے، عمرو روافض پر احادیث گھڑتا تھا، متہم بالوضع ہے)، اور خاص اس تناظر میں کہ عمرو بن شمر اس روایت کے نقل میں متفرد بھی ہے کسی بھی طرح یہ روایت ضعف شدید سے خالی نہیں ہوسکتی، اس لئے اسے آپﷺ کے انتساب سے بیان کرنا درست نہیں ہے۔

 رہی  بات روایت کے ابتدائی مفصل حصہ کی، تو اس کے بارے میں ہم شروع میں بتاچکے ہیں کہ روایت کا ابتدائی مفصل حصہ دیگر کتب میں دیگر سندوں سے بھی ہے، یہ پہلا حصہ فی الحال دراسہ کا موضوع نہیں، اس میں ذکر کردہ حکم کا تعلق فقظ آخری حصہ (نماز کا اہتمام کرنے والے سے فرشتہ کا قریب ہونا، شیطان کا دور ہونا اور اسے ملک الموت کا کلمہ کی تلقین کرنا)سے ہے۔