”قصہ جس میں حضرت غوث پاک l نے ایک بڑھیا کے اپنے مرے ہوئے فرزند کے زندہ کرنے کے مطالبے پر ملک الموت سے روحوں کا تھیلا چھین لیا“، یہ حکایت غلط منسوب ہے۔

”۔۔۔ حضرت غوث پاک l کی طرف ایسی ایسی حکایتیں منسوب کی ہیں کہ خدا کی پناہ، چنانچہ ایک بڑھیا  کا قصہ ہے کہ اس نے اپنے مرے ہوئے فرزند کے زندہ ہونے کی آپ l سے دعا چاہی،آپ l نے دعا کی تو اللہ تعالی نے فرمایا کہ اس کی عمر ختم ہو چکی تھی اب زندہ نہیں ہو سکتا، آپ l نے کہا کہ اگر عمر ختم نہ ہو چکی تو پھر آپ سے ہی کیوں کہتے، مگر پھر بھی دعا قبول نہ ہوئی، آپ l نے غصہ میں آکر ملک الموت کا تھیلا جس میں روحیں لئے جارہے تھے چھین کر کھول دیا،سب روحیں نکل بھاگیں، اور سب مردے زندہ ہوگئے، ملک الموت نے  اللہ  میاں  سے  شکایت  کی،  ارشاد  ہوا  کہ  ہمارا  محبوب  ہے  جانے  دو ۔۔۔“[1]۔