روایت:عید الاضحی کی رات دو نفل جس میں سورۂ فاتحہ اور آخری تین قل پندرہ مرتبہ، سلام کے بعد تین مرتبہ آیت الکرسی، اور استغفار پندرہ مرتبہ پڑھنے پر اہل جنت میں شمار، تمام گناہ معاف، ہر آیت کے بدلے حج وعمرہ کا ثواب، ساٹھ غلام آزاد کرنے کا اجر، اور اگر انتقال ہوگیا تو شہادت کا اجر ملے گا۔

زیر بحث روایت حافظ ابن جوزیl رحمہ اللہ نے ’’مثيرالغرام‘‘[2] میں بھی اسی سند سے تخریج کی ہے۔

حافظ ابن جوزیl رحمہ اللہ ’’الموضوعات‘‘[3]میں زیر بحث روایت تخریج کرنے کے بعد فرماتے ہیں:

’’هذا حديث لا يصح، في إسناده القاسم، قال أحمد: منكر الحديث، حدث عنه علي بن زيد أعاجيب، وما أراها إلا من قبل القاسم، وقال ابن حبان: كان يروي عن أصحاب رسول الله صلى الله عليه وسلم المعضلات، وفيه أحمد بن محمد بن غالب وهو غلام خليل، كان يضع الحديث‘‘.

یہ حدیث صحیح نہیں ہے، اس کی سند میں قاسم ہے، احمد l رحمہ اللہ فرماتے ہیں یہ منکر الحدیث ہے، علی بن زید نے اس سے عجیب روایتیں نقل کی ہیں، میرا خیال یہ ہے کہ یہ قاسم کی جانب سے ہیں،  اور ابن حبان l رحمہ اللہ فرماتے ہیں:یہ رسول اللہ ﷺ کے اصحاب سے معضلات نقل کرتا تھا،اوراس کی سند میں احمد بن محمد غالب ہے،اور وہ غلام خلیل ہے جو حدیث گھڑتا تھا۔

حافظ ذہبیl رحمہ اللہ ’’تلخيص الموضوعات‘‘[4] میں زیر بحث روایت کے بارے میں فرماتے ہیں:’’فيه غلام خليل كذاب‘‘.اس کی سند میں غلام خلیل ہے جو کہ کذاب ہے۔

علامہ سیوطیl رحمہ اللہ ’’اللآلئ المصنوعة‘‘[5] میں زیر بحث روایت نقل کرنے کے بعد فرماتے ہیں:

’’أحمد بن محمد بن غالب هو غلام خليل وضاع‘‘. اس کی سند میں احمد بن محمد بن غالب ہے جو کہ غلام خلیل ہے، یہ حدیث گھڑنے والا ہے۔

علامہ ابن عراقl رحمہ اللہ ’’تنزيه الشريعة‘‘[6] زیر بحث روایت نقل کرنے کے بعد فرماتے ہیں:’’وفيه أحمد بن محمد بن غالب غلام خليل‘‘. اس میں احمد بن محمد بن غلام خلیل ہے۔

علامہ پٹنیl رحمہ اللہ ’’تذكرة الموضوعات‘‘[7] میں زیر بحث روایت نقل کرنے کے بعد فرماتے ہیں:’’فيه وضاع‘‘اس میں حدیث گھڑنے والا موجود ہے۔

علامہ شوکانیl رحمہ اللہ ’’الفوائد المجموعة‘‘[8]میںزیر بحث روایت کے بارے میں فرماتے ہیں:’’في إسناده أحمدبن محمد بن غالب، هو غلام خليل وضاع‘‘. اس کی سند میں احمد بن محمد بن غالب جو کہ غلام خلیل ہے، یہ حدیث گھڑنے والا ہے۔

علامہ لکھنویl رحمہ اللہ ’’الآثار المرفوعة‘‘[9] میں زیر بحث روایت نقل کرنے کے بعد فرماتے ہیں:

’’أخرجه ابن الجوزى بسند فيه أحمد بن محمد بن غالب غلام خليل، وقال: موضوع، وهو وضاع، انتهى، وأقره عليه السيوطي وابن عراق وغيرهما‘‘.

ابن جوزیl رحمہ اللہ نے اس روایت کی تخریج ایسی سند سے کی ہے جس میں احمدبن محمد بن غالب غلام خلیل ہے، اور فرمایا ہے: یہ من گھڑت روایت ہے اور وہ غلام خلیل حدیث گھڑنے والا ہے، انتہی، ابن جوزیl رحمہ اللہ کے کلام کو سیوطیl رحمہ اللہ اور ابن عراق l رحمہ اللہ اور دیگر نے برقرار رکھا ہے۔

حافظ ابن عدیl رحمہ اللہ ’’الكامل‘‘[10] میں فرماتے ہیں: ’’سمعت عبدان الأهوازي يقول: قلت لعبد الرحمن بن خِرَاش: هذه الأحاديث التي يتحدث بها غلام الخليل لسليمان بن بلال من أين له؟ قال: سرقها من عبد الله بن شبيب، وسرقها عبد الله بن شَبِيْب من النضر بن سلمة، وسرقها النضر من شاذان، ووضعها شاذان‘‘. میں نے عبدان اہوازی کو فرماتے ہوئے سنا، وہ فرماتے ہیں کہ میں نے عبد الرحمن بن خِرَاش سے پوچھا کہ سلیمان بن بلال کی یہ احادیث جن کو غلام خلیل بیان کرتا ہے یہ اسے کہاں سے ملی ہیں؟ عبد الرحمن بن خِرَاش نے کہا: اس نے عبد اللہ بن شَبِیْب سے سرقہ کی ہیں، اور عبد اللہ بن شَبِیْب نے انہیں نضر بن سلمہ سے سرقہ کیا ہے، اور نضر بن سلمہ نے انہیں شاذان سے سرقہ کیا ہے، اور شاذان نے انہیں گھڑا ہے۔

امام ابو داؤد l رحمہ اللہ   فرماتے ہیں: ’’أخشى أن يكون دجال بغداد‘‘[11]. مجھے ڈر ہے کہ یہ بغداد کا دجال ہو۔

حافظ ابو حاتمl رحمہ اللہ فرماتے ہیں: ’’روى أحاديث مناكير عن شيوخ مجهولين، ولم يكن محله عندي ممن يفتعل الحديث، وكان رجلا صالحا‘‘[12]. اس نے مجہول شیوخ سے منکر احادیث روایت کی ہیں، میرے نزدیک  اس کا مقام ومرتبہ حدیث گھڑنے والوں جیسا نہیں ہے، اور یہ نیک شخص تھا۔

علامہ ابو بکر بن اسحاق صبغی l رحمہ اللہ فرماتے ہیں: ’’أحمد بن محمد بن غالب ممن لا أشك في كذبه ‘‘[13]. احمد بن محمد بن غالب ان لوگوں میں سے ہے جن کے جھوٹا ہونے میں مجھے کوئی شک نہیں ہے۔

علامہ ابو بکر نقاش l رحمہ اللہ فرماتے ہیں:’’وهو واه‘‘[14]. اور یہ واہی ہے۔

حافظ ابن حبانl رحمہ اللہ ’’المجروحین‘‘[15] میں فر ماتے ہیں:’’ لم يكن الحديث شأنه، كان يجيب في كل ما يسئل، ويقرأ كل ما يعطى، سواء كان ذلك من حديثه أو من حديث غيره‘‘. صناعت حدیث اس کا کام نہیں تھا، جس چیز کے بارے میں بھی اس سے پوچھا جاتا تھا اس کا جواب دیتا تھا، اور جو کچھ بھی اس کو دیا جاتا یہ اس کو پڑھتا تھا، چاہے اس کا تعلق اس کی اپنی حدیث سے ہوتا یا کسی اور کی حدیث سے ہوتا۔

حافظ ابن عدیl رحمہ اللہ ’’الكامل‘‘[16] میں غلام خلیل کی ایک حدیث تخریج کرکے فرماتے ہیں: ’’وهذا الحديث باطل بهذا الإسناد وبغير هذا الإسناد، وغلام الخليل أحاديثه مناكير لا تحصى كثرة، وهو بين الأمر في الضعفاء‘‘. اور یہ حدیث اس اسناد اور اس کے علاوہ اسناد سے باطل ہے، اور غلام خلیل کی اتنی منکر احادیث ہیں کہ شمار نہیں کی جا سکتیں، اور ضعفاء میں اس کا معاملہ واضح ہے۔

امام دار قطنی l رحمہ اللہ نے ’’الضعفاء‘‘[17] میں غلام خلیل کو ’’متروك‘‘ کہا  ہے۔

امام دار قطنی l رحمہ اللہ ایک دوسرے مقام پر فرماتے ہیں: ’’غلام الخليل يضع الحديث، متروك‘‘[18]. غلام خلیل حدیث گھڑتا ہے، متروک ہے۔

حافظ ابو نعیم اصبہانی l رحمہ اللہ ’’المسند المستخرج‘‘[19] میں فرماتے ہیں:  ’’روى عن الثقات بأحاديث واهية موضوعة، له صيت في الزهد والورع، لا شيء‘‘. اس نے ثقات کے انتساب سے واہی اور من گھڑت احادیث روایت کی ہیں، اس کی زہد وتقوی میں شہرت تھی، یہ لا شیء ہے۔

امام ابو عبد اللہ حاکم نیشاپوریl رحمہ اللہ ’’المدخل‘‘[20] میں فرماتے ہیں:  ’’روى عن جماعة من الثقات أحاديث موضوعة على ما ذكره لنا القاضي أبو بكر أحمد بن كامل بن خلف من زهده وورعه ونعوذ بالله من زهد يقيم صاحبه ذلك المقام‘‘. اس نے ثقہ راویوں کی ایک جماعت کے انتساب سے من گھڑت احادیث روایت کی ہیں، باوجودیکہ قاضی ابو بکر احمد بن کامل بن خلف نے ہمارے سامنے اس کے زہد وورع کا تذکرہ کیا ہے، ہم اللہ کی پناہ طلب کرتے ہیں ایسے زہد سے جو آدمی کو اس مقام تک لے جائے۔

علامہ ابو عبد اللہ نہاوندی l رحمہ اللہ فرماتے ہیں: ’’قلت لغلام الخليل: هذه الأحاديث الرقائق التي تحدث بها؟ قال: وضعناها لنرقق بها قلوب العامة‘‘[21]. میں نے غلام خلیل سے کہا: آپ دلوں کو نرم کرنے والی احادیث بیان کرتے ہیں؟ تو غلام خلیل نے کہا: ہم نے یہ روایات گھڑی ہیں، تاکہ ان کے ذریعہ عوام الناس کے دلوں کو نرم کریں۔

حافظ جوزقانی l رحمہ اللہ ’’الأباطيل‘‘[22] میں فرماتے ہیں: ’’وثلاثتهم باتفاق النقاد: غلام الخليل والشامي والعطار ظلمات بعضها فوق بعض، اتفق على إسقاط حديثهم وتفردهم‘‘. اور وہ تینوں: غلام خلیل، شامی اور عطار، ناقدین کے اتفاق سے بعض بعض سے بڑھ کر تاریک ہیں، ان کی حدیث کے اسقاط اور ان کے تفرد پر اتفاق ہے۔

حافظ ابن جوزی l رحمہ اللہ ’’الموضوعات‘‘[23] میں ایک روایت کے تحت غلام خلیل کے بارے میں فرماتے ہیں: ’’ كذاب يضع الحديث‘‘. کذاب ہے، حدیث گھڑتا ہے۔

حافظ ذہبی l رحمہ اللہ ’’المغني‘‘[24] میں فرماتے ہیں: ’’غلام خليل معروف بوضع الحديث، قبل الثلاثمائة، أقر بالوضع، وقال: وضعنا أحاديث نرفق بها القلوب‘‘. غلام خلیل حدیث گھڑنے میں مشہور ہے، تین سو ہجری سے پہلے کا ہے، اس نے حدیث گھڑنے کا اقرار کیا ہے، اور کہا ہے: ہم نے احادیث اس لئے گھڑی ہیں تاکہ اس کے ذریعہ دلوں کو نرم کریں۔

نیز حافظ ذہبیl رحمہ اللہ ’’سير أعلام النبلاء‘‘[25] میں فرماتے ہیں: ’’وكان له جلالة عجيبة، وصولة مهيبة، وأمر بالمعروف، وأتباع كثير، وصحة معتقد، إلا أنه يروي الكذب الفاحش، ويرى وضع الحديث، نسأل الله العافية‘‘. اس کی شان عجیب تھی، اور رعب ودبدبہ تھا، اور یہ امر بالمعروف کرنے والا تھا، اور اس کے متبعین بکثرت تھے، اور صحیح عقیدہ رکھنے والا تھا، مگر یہ کہ کذب فاحش روایت کرتا تھا، اور حدیث گھڑنے کو جائز سمجھتا تھا، ہم اللہ سے عافیت طلب کرتے ہیں۔

حافظ ابن رجب حنبلیl رحمہ اللہ ’’فتح الباري‘‘[26] میں ایک روایت کے تحت فرماتے ہیں: ’’والباهلي هو: غلام خليل، كذاب، مشهور بالكذب‘‘. اور باہلی وہ غلام خلیل ہے، جو کذاب ہے، جھوٹ بولنے میں مشہور ہے۔

حافظ ابن حجرعسقلانیl رحمہ اللہ ’’نزهة الألباب‘‘[27] میں فرماتے ہیں: ’’وكان شديد الضعف في الحديث‘‘. اور یہ حدیث میں شدید ضعیف ہے۔

حافظ ابن حجرعسقلانیl رحمہ اللہ ’’الإصابة‘‘[28] میں ایک روایت کے تحت غلام خلیل کے بارے میں فرماتے ہیں: ’’معروف بوضع الحديث‘‘. یہ حدیث گھڑنے میں مشہور ہے۔

حافظ سیوطی l رحمہ اللہ ’’الزيادات‘‘[29] میں ایک روایت کے تحت فرماتے ہیں: ’’غلام خليل أحد المشهورين بالوضع‘‘. غلام خلیل حدیث گھڑنے والے مشہور لوگوں میں سے ایک ہے۔

علامہ ابن عراق l رحمہ اللہ ’’تنزيه الشريعة‘‘[30] میں غلام خلیل کو وضاعین ومتہمین کی فہرست میں شمار کرکے فرماتے ہیں: ’’معروف بالوضع‘‘. یہ حدیث گھڑنے میں معروف ہے۔